VOV4.K’ho- Ồng Trịnh Quang Trí, Kuang atbồ Anih tờm gròi sền kòp tê jê să càr pà git, Anih tờm neh dờp 400 rbô ding sơnơm vaccine Vero Cell bơh Sinopharm dê. Mờ khà sơnơm vaccine pa geh pà, Dăk Lăk geh cit tơl 2 ding ai 200 rbô nă cau in, ndrờm mờ rlau 10% khà kờp làng bol gùt càr. Do là khà sơnơm vaccine uă ngan rlau jơh bơh lài tus tŭ do mờ Dăk Lăk geh dờp tàm broă cit sơnơm vaccine rơcang sơndră kòp Covid-19.

Jat ồng Trịnh Quang Trí đơs, jat tàm broă gơlik geh bơh kòp bơtờp dê tàm càr, khà sơnơm vaccine do geh ai lài ală tiah geh jơnau pơhìn uă in geh: ƀòn dờng Buôn Ma Thuột, thị xã Buôn Hồ, kơnhoàl Cư Mgar, kơnhoàl Krông Buk mờ dùl bơnah kơnhoàl Cư Kuiñ. Ală tiah ndai geh tam pà sơnơm vaccine jat khà kờp làng bol, gàr ală cau geh ai cit lài kung geh cit tàm dơ̆ do.

Cau mblàng K’Duẩn