VOV4.K’ho- Jat jơnau yal bơh Bảo hiểm Xã hội càr Daklak dê, kờp tus lồi nhai 10 nam do, jơh gùt càr geh rlau 1 tơlak 500 rbô nă cau blơi bảo hiểm y tế, geh khà cau blơi bảo hiểm y tế 81,5% khà kờp làng bol gùt càr. Tàm hơ\, geh uă tiah neh jơh lơh mờ sơrlèt broă rơndăp lơh bè bơtàu tơnguh bảo hiểm y tế bơh lồi nhai 8 pa do, bè: Krông Bông, Buôn Đôn, Ea Sup, M’Drak, Ea H’leo, Krông Buk, Krông Năng.

Mò Nguyễn Thị Xuân, Phó Kuang atbồ Bảo hiểm xã hội càr Dak Lak pà gi\t, lơh geh cồng nha do là kơnờm tàm bơta lơh bal dùl ròt bal bơh jơh ală anih lơh broă chính trị dê, lam lơh jat broă lơh bal mờ ală broă rơndăp lơh loh làng mờ gùng dà broă lơh dipal nàng bơtàu tơnguh cau blơi, lơh mhar tơngai pơrgon jơh gùt làng bol ndrờm blơi bảo hiểm y tế, pơgồp bơnah lơh jơh broă sồ 15 tàm bơ\t bơtàu [òn lơgar pa. Mò Nguyễn Thị Xuân, đơs:

Tơngai tus den gơtùi đơs ngan là, khà làng bol blơi bảo hiểm y tế tàm ù tiah càr Daklak dê sền bal neh lơh geh khà mờ jơnau sồr bơh Thủ tướng Chính phủ dê jàu. Broă lơh mblàng yal geh gah bảo hiểm xã hội gam sền dờng màng ngan, mờ tu\ do, anih lơh broă bảo hiểm xã hội kung gam jơh nùs pơgồp bal mờ ală kơnă ală gah, kuơmàng là Ủy ban Nhân dân ală xã, sơnah [òn, ală [òn lơgar ngài ngan.

Kuơmàng là bơta dong kờl uă ngan bơh cau kra [òn, cau atbồ [òn, ală cau geh bơngă tàm [òn lơgar dê geh gơ gơs là ală cau dong ai anih lơh broă bảo hiểm xã hội in mu\t lơh broă do tàm ù tiah càr mờ broă bơ\t bơtàu [òn lơgar pa bè lơh broă sồ 15 bè bảo hiểm y tế.

Cau cih mờ yal tơngi\t- Lơ Mu K’ Yến