VOV4.K’ho-Tàm ală tu\ lơh broă, uă hợp tác xã tàm càr Dak Lak neh pơgồp bơnah kuơmàng tàm broă lam lơh sa, blơi jơh phan lơh geh ai cau tàm mpồl in. Bơh hơ\, dong làng bol tơnguh uă priă lơh geh, bơtàu tơnguh rài kis, bal mờ càr lơh jơh broă sồ 13 tàm bơ\t bơtàu [òn lơgar pa.

Mờr 4 nam mu\t bal tàm Hợp tác xã Drơng broă lơh sa sươn sre Công Bằng Ea Kmat, hìu bơnhă ồng Y Kưm Niê Kdam, ơm tàm xã Hoà Đông, kơnhoàl Krông Pach, càr Dak Lak neh geh rài kis kơ\ kơl jăp rlau.

Ồng Y Kưm pà gi\t, hìu bơnhă đềt mềr sùm mờ tờm kơphê tàm rlau 20 nam do. Geh ală tu\ tơngai, khà priă kơphê gơmù lơyah ngan, ờ tơl priă bơcri ồng pal blơi dồs phơng sih bơh đại lý dê bal mờ priă cồng kas ngan. Tu\ mu\t tàm kàl tơnhàu, pal tăc kơphê non ai đại lý in mờ khà priă lơyah rlau mờ khà priă tàm drà, den tàng priă lơh geh bơh sươn chi dê ờ go\ uă.

Mơya bơh tu\ mu\t bal tàm hợp tác xã, geh dong kờl blơi phơng tơm priă lơyaì, mờ geh blơi jơh tai phan lơh geh bal mờ khà priă kas rlau mờ drà kă bro. Mờ 1 lồ kơphê tam bơrlu\ bal mờ 700 tờm tiêu, 40 tờm bơ booth, mờ mờr 100 tờm sầu riêng, pah nam hìu lơh geh pơgăp 200 tơlak priă.

Bal mờ hơ\, ồng Y Kưm gam geh pơlam bè bơta chài sơngka sền gàr, pik tơnhàu den tàng cồng nha lơh geh bơh priă lơh geh bơh sươn kơphê geh kơ\ kơl jăp sùm bơh ală nam do.

A` go\ tu\ mu\t bal tàm hợp tác xã den geh uă bơta kuơ, bol a` geh bơto pơlam bơta chài bè tam mờ sơngka sền gàr kơphê, cèng wơl cồng nha lơh sa ai hìu bơnhă in, tờm kơphê kis dờng niam rlau tai, khà priă tăc kung geh jơnhoa rlau. Khi sồr pal pik tơnhàu tu\ kơphê neh jơh dum tàm tờm, pal kloh, pik tơnhàu tus kàr lơi den pal ìs tơn tus kàr hơ\ tềng [làng sơmăng kloh.

Tàm sươn chi den tam ală tờm chi tàm bơrlu\ bal bè sầu riêng, tiêu, bơ booth nàng geh tai priă jền mờ geh chi lơh m[ur. Hơ\ sồng tu\ tăc kơphê den khà priă blơi geh kas rlau, kơphê kung geh priă jền sơl. Kơnờm bè hơ\ mờ rài kis làng bol bol a` dê ngai sơlơ tơl ngui tơl sa rlau.

Liên minh Hợp tác xã càr Dak Lak lòt sền mờ jàu phan bơna dong kờl broă lơh Hợp tác xã lam lài jak chài

Bơh sơnrờp mìng là dùl hìu lơh sa dềt rah rài lơm, nhai 4 nam lài, bi Hoàng Minh Tuân ơm tàm xã Ea ~uôl, kơnhoàl Buôn Đôn, càr Dak Lak neh tơrgùm ală cau crơng gơs Hợp tác xã Lơh gơlik mờ Lơh sa kă bro lơh sa sươn sre Quân Vương.

 Hợp tác xã lơh broă tàm gah broă lơh ròng phan, dram diah tăp, kă bro sơntìl iar ada ală bơta jat gùng dà ờdo ờdă sinh học. Tus tu\ do, anih ròng iar ada bơh hợp tác xã dê neh geh mờr 10 rbô nơm iar me iar dam, pah nhai tăc tàm drà pơgăp 50 rbô nơm iar kòn, tăc tàm ală càr tàm tiah Tây Nguyên dê.

Bal mờ hơ\, bơh bồ nam do, hợp tác xã neh ròng 2 rbô nơm iar puăc bơh broă lơh ròng tơngklàs lềng tàm sươn jat jơnau sồr bơh VietGap dê; lơh bal mờ làng bol nàng bơtàu tơnguh khà iar puăc ròng tơngklàs lềng tàm sươn.

Jat mờ hơ\, Hợp tác xã geh tăc kòn sơntìl, phan siam, sơnơm tơm ba mờ blơi jơh phan bơna ai làng bol in. Do kung là 1 tàm 5 hợp tác xã geh dờp priă jền dong kờl bơ\t bơtàu broă lơh lam lài gơ jat bal mờ ală anih lơh gơlik phan bơna lơh geh bơh sươn sre pràn ngan bơh càr Dak Lak dê nam do. Bi Hoàng Minh Tuân pà gi\t.

Jơnau kờ` bơh Hợp tác xã dê là bơtàu tơnguh gơ gơs dùl ròt ală anih lơh gơlik phan, lơh jơh dùl ròt ală broă lơh kơ\ kơl jăp sùm bơh kòn sơntìl tus kòn iar puăc, tăc tàm drà, tiah tăc là ală siêu thị mờ hìu `ô sa dờng. Tơnơ\ tu\ geh jơnau den bè hơ\ den geh Liên minh Hợp tác xã càr dê dong kờl ai bàr pe bơta phan, măy mok.

Là càr geh uă bơta pràn nàng bơtàu tơnguh lơh sa sươn sre, tus tu\ do Dak Lak neh geh 228 Hợp tác xã lơh broă sa sươn sre geh crơng gơs, gơ hòi gơ jà rlau 20 rbô nă cau mu\t bal, lơh geh broă lơh ai mờr 7.500 nă cau lơh broă in. Tàm bơ\t bơtàu [òn lơgar pa, kờp tus gùl nam do, jơh gùt càr neh geh 90 tàm 152 xã lơh geh broă sồ 13 bè broă lam lơh sa.

 Jat ồng Hoàng Khang, Phó Chủ tịch Liên minh Hợp tác xã càr Dak Lak dê đơs, nàng hợp tác xã bơtàu tơnguh di gùng, Liên minh Hợp tác xã càr dê neh rơcang lài pơgồp bal mờ ală kơnhoàl, thị xã, mờ [òn dờng, bơto pơlam mpồl kuang bàng hợp tác xã, bơ\t bơtàu mờ rề ơnàng lơh uă broă lơh hợp tác xã lam lài jak chài.

Tàm nam do, bơh priă jền kes priă dê ai mờr 500 tơlak, Liên minh Hợp tác xã càr Dak Lak dê neh rwah 5 hợp tác xã nàng bơcri blơi măy mok, dong kờl lơh sa, lơh gơlik phan bơna lơh geh bơh broă tam phan mờ ròng phan.

Tàm bơta geh ngan khi bơsong geh broă geh sùm bơh lài mờ làng ờ gơtùi lơh geh hơ\ lài jòi geh drà kă bro, jòi tiah tăc phan ai ală cau mờ khi gam kal ke bè tiah tăc phan in. Do là gơnoar broă kuơmàng ngan bơh hợp tác xã dê.

 Den tàng bè hơ\, pal pơn jat tai dong ală hợp tác xã in kơ\ kơl jăp wơl, lơh gơs mờ sền swì wơl ală broă nàng hợp tác xã ngan ngồn mờ gơcèng bơta kơ\ kơl jăp jo\ jòng. Bol he pal dong gơtùi hợp tác xã bơ\t bơtàu geh gùng dà broă  lơh lơh sa kă bro, lơh geh bơta pràn nàng hợp tác xã kis gơs sùm ngan ngồn, rềp mềl mờ tiah khi dê lơh broă.

Mu\t bal tàm Hợp tác xã, làng bol geh bơto pơlam bơta chài tam mờ sơngka sền gàr kơphê geh cồng nha

Jat jơnau đơs bơh Liên minh Hợp tác xã càr Dak Lak dê, tàm ală tu\ lơh broă, uă hợp tác xã lơh broă sa sươn sre neh ngui niam geh gơnoar broă cau dong kờl, lơh geh tơl ală bơta ai ală cau tàm mpồl, hìu làng bol lơh broă sa in tam gơl tờm chi tam phan ròng, đòm jat bơta jak chài măy mok tàm broă lơh sa, tơnguh uă cồng nha lơh geh mờ bơta niam phan bơna.

 Broă lơh bơh hợp tác xã dê gam gơ jat bal mờ ală tu\ lam lơh jat ală broă lơh, rơndăp broă lơh bơtàu tơnguh mpồl bơtiàn, bè: bơ\t bơtàu [òn lơgar pa, tơrmù r[ah, bơto broă lơh, pơgồp bơnah bơtàu tơnguh lơh sa- mpồl bơtiàn tàm càr. Ală hợp tác xã lơh broă geh cồng nha geh tă pơgồp uă ngan tàm broă lơh geh broă sồ 13 tàm bơ\t bơtàu [òn lơgar pa, pơgồp bơnah tam gơl muh mat [òn lơgar Dak Lak.

Cau mblàng Lơ Mu K’Yến