VOV4.K’ho –Mờ gơnoar broă là cau lơh kòn gùng đah Đảng, gơnoar atbồ mờ làng bol, ală nam do, cau geh bơngă pin dờn tàm làng bol kòn cau tàm càr Dak Lak neh lơh jat niam nùs nhơm geh kơnòl tàm broă hòi jà làng bol tàm sơm băt tê bal bơ\t bơtàu [òn lơgar pa. Bơh hơ\, pơgồp bơnah lơh gơs muh mat [òn lơgar pa tàm ală tiah.

Nam do neh 71 sơnam, mơya ồng Y Krai Cil, cau M’nông ơm tàm [òn Jiê Yuk, xã Dak Phơi, kơnhoàl Lak, càr Dak Lak dê kung gam ngac ngar mờ sơrbac mhar ngan. Ờ mìng là cau lam lài tàm bơtàu tơnguh lơh sa lơm gời ờ, ồng Y Krai Cil gam là dùl nă cau kra [òn mờ là cau mblàng jơnau jơh nùs ngan tàm broă lơh hòi jà làng bol, [òn lơgar tus bal dong kờl mờ tă pơgồp bơ\t bơtàu [òn lơgar pa.

                                        Cau geh bơngă pin dờn tàm Dak Lak

Tàm [òn Jiê Yuk geh tus 94% là cau kòn cau, rài kis làng bol dê kung gam kal ke ngan den tàng broă tă pơgồp priă jền nàng lơh ală broă lơh bơ\t bơtàu [òn lơgar pa là kal ke ngan.

Nàng hòi jà làng bol, ồng Y Krai neh lơh krơh lam lài tàm broă pà ù, sờr ntrờ` phan bơna ai ù tiah lơh broă mờ hòi jà oh kòn kòn sau tàm hìu bơnhă tus bal ngai lơh broă nàng lơh mờ bê tông ală gơl gùng lòt tàm [òn. Ồng neh pà rlau 100 thơk vuông ù, koh kơl is gi\t nđờ jơ\t tờm kơphê, tă sờr pơngàr nàng lơh ơnàng gùng lòt mờ tă pơgồp priă lơh gùng.

Broă lơh bơh ồng dê geh làng bol sền go\, bơh hơ\ dùl nùs bal mờ đòm jat. Kơnờm bè hơ\ mờ gùng lòt tàm [òn tu\ do neh gơ gơs là gùng bê tông dờng ơnàng mờ sàng kloh ngan.

He lơh lài den là làng bol lơh jat bal, he lòt lài là làng bol lòt jat tơnơ\ nàng lơh sa geh cồng nha tàm rài kis. A` mblàng yal làng bol in den a` pal lơh krơh lài, a` lơh lài den tơnơ\ hơ\ sồng làng bol lơh jat.

Bè tu\ do bơ\t bơtàu [òn lơgar pa, ai ù lơh gùng, tă pơgồp mờ ngai lơh broă lơm. Lài do, làng bol tàm [òn do kung kal ke sơl, tu\ do geh đèng, geh gùng, hìu bơsram, hìu sơnơm bè do geh hìu pơrjum [òn nàng pah tu\ pơrjum làng bol, den a` mblàng yal tai ală broă hơ\.

Ai gơ wèt mờ ồng Y Hơ Êban, kòn cau Rơđê, ơm tàm [òn Knia 4, xã Ea Bar, kơnhoàl Buôn Đôn den broă bơ\t bơtàu [òn lơgar pa ờ go\ di mìng là bơtàu tơnguh lơh sa, kơ\ kơl jăp rài kis làng bol dê in lơm gời ờ mờ gam pal sền gàr mờ ngui niam tai bơhiàn niam chài is kòn cau he dê.

Ồng neh mblàng yal, hòi jà làng bol sồr oh kòn kòn sau he dê lòt bơsram dròng cing mờ ngui ală phan ngui đơs crih kòn cau he dê, prăp gàr ală pang cing yau kuơmàng.

Tàm mờr 15 nam do, neh geh rlau 100 nă ơruh pơnu [òn Knia 4 geh ồng bơto pơlam, mblàng yal. Uă cau tàm khà hơ\ neh chài ngan ngui ală phan ngui đơs crih kòn cau he dê, tus bal lơh ai năc lòt còp in sền tàm ală tiah nhơl chờ.

Yal bè broă hòi jà làng bol tus bal bơ\t bơtàu [òn lơgar pa, jat ồng Y Hơ đơs, nàng làng bol pin dờn mờ lơh jat, den bal mờ broă he pal lơh krơh lam lài, lơh lài tàm ală srơh den tu\ lòt hòi jà pal kơrhia ngan pal chài ngan mờ kơ\ dơn nùs den hơ\ sồng gơtùi.

A` geh lòt còp tàm uă tiah, cau bơ\t bơtàu [òn lơgar pa bal mờ uă bơta tam gơl pa den a` sền go\ niam ngan den tàng tu\ rê wơl hờ [òn lơgar tàm ală dơ\ pơrjum [òn den a` mblàng yal ai jơh tơl nă làng bol in bè ală bơta lơi mờ a` neh sền go\.

 A` kơlôi, ngòt là gơtìp hi\u roh te\ den tàng ai jơh pràn nàng mblàng yal wơl ai rơnàng kơnòm să in bè bơta chài uh đing tút, đing năm, ngui cing gle, cing lơngô. Tàm [òn do den kung geh uă ngan sau là ơruh pơnu geh bal sau ùr, mờ sau klau lòt bơsram. Gơ wèt mờ a` bè hơ\ là neh chờ hờp ngan.

Ồng Y Dec H Đơk, Chủ tịch Ủy ban Mặt trận dà lơgar Việt Nam càr Dak Lak đơs, cau geh bơngă pin dờn tàm càr neh gơ gơs là mpồl cau tờm tus bal tàm ală mpồl bơyai tơr`a, hòi jà làng bol jat yàng duh broă yàng jat di mờ kơrnoat boh lam.

Tàm ală [òn, thôn cau geh bơngă pin dờn neh ngui niam gơnoar broă tàm broă hòi jà làng bol ală kòn cau jơh nùs tus bal bơtàu tơnguh lơh sa- mpồl bơtiàn, tàp tềm pềr, tơrmù r[ah kơ\ kơl jăp, sền gàr mờ bơtàu tơnguh bơta kuơ niam chài ờ di mờ phan bơna, bơhiàn niam chài ờs mờng bơh yau bơh ală jơi bơtiàn kòn cau dê tàm ală [òn lơgar.

Pah nam, Mặt trận ală kấp sùm sền swì, lòt sền broă lơh bơh cau geh bơngă pin dờn dê mờ bơta gơdờp, lơh gơrề bơh cau geh bơngă pin dờn dê tàm [òn lơgar.

Cau geh bơngă pin dờn bol he dê neh lơh jat niam ngan, neh geh tu\ ìa sră nggal lòt hòi jà tàm tiah làng bol ơm kis, lòt hòi jà tàm ală [òn, ală xã, ai bơngă pin dờn bơh he dê, jơnau gi\t wa\ bơh he dê nàng mblàng yal ală cau ờ hềt geh jơnau gi\t wa\, ờ hềt wa\ wờng in, ngan là tàm broă lơh rơcang sơndră ma túy, rơcang sơndră cau lơh tìs, rơcang sơndră bơta ờ niam tàm mpồl bơtiàn mờ ờdo ờdă lòt rê tàm gùng.

Gơnoar broă bơh cau geh bơngă pin dờn dê là tu\ do bol he sơlơ ngui uă den sơlơ lơh jat lơh gơrề uă kàr hơ\ sơl, do là dùl mpồl cau tờm kuơmàng ngan ai Đảng mờ Dà lơgar in.

Jat Ban kòn cau càr Dak Lak dê yal, tàm 7 nam do, jơh gùt càr geh 7 rbô nă cau geh dờp là cau geh bơngă pin dờn tàm làng bol kòn cau. Pah nam, Ban Kòn cau càr Dak Lak neh pơgồp bal mờ ală sở, gah sơnah lơh broă càr dê lam lơh jat ală broă dong kờl ai cau geh bơngă pin dờn in jat jơnau ai bơh dà lơgar dê.

Do là bơta pơndờm pơnđiang uă ngan dong khi pơn jat tai lơh jat niam gơnoar broă he dê, jơh nùs mblàng yal, hòi jà làng bol tàm sơm băt tê bal, pơgồp bơta pràn lơh tam gơl muh mat tiah [òn lơgar.

Bơh bơta lơh krơh lam lài mờ mờng chài, bơngă pin dờn bơh he dê, khi neh gơ gơs là cau tờm lơh tam klac bal ală rơnàng làng bol, bal mờ gơ\p sền gàr kơ\ bơta lơngăp lơngai, bơtàu tơnguh lơh sa, bơ\t bơtàu [òn lơgar ngai sơlơ pas sơm niam bơne\.

Cau mblàng Lơ Mu K’Yến