VOV4.K’ho - Tàm kơnhoàl Lăk, càr Dak Lak, g^t nđờ rơhiang nă kơnòm bơsram tài hìu nhă ờ geh hộ khẩu den tàng ală kơnòm bơsram do ờ geh dờp priă dong kờl jăt mờ kơrnoăt bơh Chính phủ dê. Kơnòm bơsram kung bè cau pơgru kơ\p kờ` geh broă sền wơl di pal kờ` ală kơnòm bơsram do gơbàn kal ke.

Hìu nhă oh Ma Văn Sơn, bơsram ơdu\ 8B, hìu bơsram cấp 2 Lê Lợi, xã Dak Phơi, kơnhoàl Lăk bơh càr Cao Bằng tus ơm kis tàm càr Dak Lak rơlao 10 nam do.

                            Oh Ma Văn Sơn ờ geh dờp dong kờl tài hìu nhă oh ờ geh sră hộ khẩu

Mơya hìu nhă mìng geh sră ơm kis ing tàm xã Dak Nuê, den tàng ờ dờp geh ală broă dong kờl jăt Nghị định sồ 116 nam 2016 bơh Chính phủ dê:

-Oh lòt bơsram ờ geh sră hộ khẩu den lài ngan kal ke là ờ geh hìu bơsram dong kờl priă tă bơsram, pah nhai ờ geh pà phe sa, priă dong kờl. Ờ geh hộ khẩu den ală bơta ndrờm kal ke rơlao.

Bu\ lah hìu nhă kal ke, mơya oh Lầu A Vễnh, bơsram ơdu\ 8B, hìu bơsram cấp 2 Lê Lợi, xã Dak Phơi gam lơh ngan lòt bơsram kờ` lơh jăt nùs nhơm kơ\p kờ`. Hìu nhă oh geh 5 nă oh mi. Bồt nam bơsram do, kờ` rơcang priă ai ală oh mi Vễnh in lòt bơsram, bèp bal mờ bi klao neh mu\t tàm brê jòi bơkào lan cèng tăc.

Mơya bơta ờ bơtoah, bèp ntiar jơng gơdùh tàm croh dà Dak Liêng mờ chơ\t. Bi klao bal mờ oh ùr bơsram ơdu\ 5 pal ơm ờ lòt bơsram, kờ` lòt lơh broă ơpah mờ dong kờl mè sền 2 nă oh gam dềt.

Oh Lầu A Vễnh pà g^t, pah nhai lòt bơsram oh geh hìu nhă ai 50 rơbô priă mờ mờr 10 k^ phe. Kờ` geh priă lòt bơsram mờ dong kờl hìu nhă, pah ngai tơnơ\ mờ dơ\ neh jơh bơsram, tàm tơngai ru mờ ngai ơm rơlô lồi poh, oh bal mờ ală bơyô tam jà bal lòt lơh broă ơpah tàm hìu cau rềp mờ hìu bơsram:

-Di lah hìu oh ờ gơtìp ờ geh hộ khẩu den bi klao mờ oh ùr ờ ơm tàm hìu mờ geh lòt bơsram bè ờs. Di lah hìu nhă oh geh hộ khẩu den pah nhai geh dong kờl phe kờ` să tòm in mờ geh tơl bơta kờ` lòt bơsram niam rơlao mờ ờ hoan kal ke rơlao.

Hìu bơsram cấp 2 Lê Lội, xã Dak Phơi, kơnhoàl Lăk tu\ do geh 24 nă kơnòm bơsram kòn cau H’Mông gam bơsram, mơya ờ geh hộ khẩu tàm [òn do. Pơgru Bùi Văn Hưng, kuang atbồ hìu bơsram cấp 2 Lê Lợi pà g^t, di lah lơh jăt Nghị định bơh Chính phủ den ală kơnòm bơsram ndrờm tơl ală bơta kờ` dờp broă dong kờl.

                           Hìu bơsram cấp 2 Lê Lợi lơh suơn tam biăp dong kờl kơnòm bơsram rơ[ah

Mơya tài hìu nhă ờ geh sră hộ khẩu tàm xã do den tàng ală kơnòm bơsram do ờ geh dong kờl. Hìu bơsram mìng gơtùi lơh ngan rơndăp geh 3 jơdu\ dong kờl ală kơnòm bơsram geh hìu ơm ing tàm hìu bơsram tơn:

-Di leh geh tam gơl sră nggal, den ală kơnòm geh dờp tơl pă 15 k^ phe sa pah nhai mờ 40% khà priă nhai tu\ do den ờ hoan gơbàn kal ke tus mờ ală kơnòm bơsram bal mờ cau tàm hìu nhă uă ngan. Tài ală kơnòm bơsram ndrờm là kòn cau bơh tiah đah tô ntrờn ơm kis, hìu nhă ndrờm kal ke lơm.

Broă kơnòm bơsram ờ geh sră hộ khẩu den tàng ờ geh dong kờl, ờ mìng gơbàn tàm hìu bơsram cấp 2 Lê Lợi xã Dăk Phơi.

Ồng Y Nốt Bkrông, Chủ tịch UBND xã Dak Nuê pà g^t, gùt xã geh rơlao 250 hìu làng bol ờ hềt lơh sră hộ khẩu. Den tàng, rơlao 200 nă kơnòm bơsram bơh cấp 1 tus cấp 2 ờ hềt geh dờp broă dong kờl. Geh uă hìu nhă ală kơnòm bơsram do kis tàm bă ù brê, den tàng xã ờ gơtùi lơh sră dờp ngui ù, den tàng ờ gơtùi lơh hộ khẩu ală hìu làng bol do in:

-Tus tu\ do, gam ờ hềt lơh geh hộ khẩu ai ală kơnòm bơsram in, ai hìu làng bol do in den tàng ală kơnòm bơsram do ờ gơtùi dờp broă dong kờl bơh Dà lơgar. Do kung là broă kal ke ngan xã dê tu\ do. Di lah gơtùi lơh, ală cấp, gah lơh broă ai tơl bơta niam kờ` ală kơnòm bơsram geh bơsram niam rơlao.

Ồng Nguyễn Ngọc Thịnh, kuang atbồ phòng Giáo dục mờ Đào tạo kơnhoàl Lăk pà g^t, bơh broă sền wơl tàm ală hìu bơsram tàm kơnhoàl do, geh uă kơnòm bơsram ờ hềt geh dong kờl là ală kơnòm bơsram gơwèt hìu nhă ntrờn ơm kis khăt gơboh bơh ală càr đah tô dà lơgar tus.

Phòng Giáo dục neh lơh sră yal mờ gơnoar atbồ kờ` dan. Mơya di lah Quốc hội, Chính phủ mờ HĐND càr Dak Lak geh broă lơh wơl bè sră nggal den broă dong kờl do hơ\ sồng geh tus mờ ală kơnòm bơsram do.

Di lah ai bè bơta kơi sồ den bơh 7 kơi sồ rơlao hờ đang, tă dà dờng, dà croh ơm ngai tơn den geh dờp, mơya tu\ do bơta dơ\ 2 là pal geh sră hộ khẩu ơm kis tàm [òn den ală kơnòm bơsram do ờ geh.

Tơnơ\ mờ tu\ phòng Giáo dục mờ ală hìu bơsram kơlôi sơnơng mờ pơn ndrờm mờ ală thông tư, ală sră nggal geh ai den ală kơnòm bơsram do ờ geh sră hộ khẩu den tàng ờ geh dờp.

Kơ\p kờ` bol a` dê là Quốc hội, HĐND sền wơl geh broă lơh lơi kờ` ală kơnòm bơsram do geh dờp, kờ` tơmù kal ke ai kơnòm bơsram kòn cau tàm ală tiah sar lơgar ngài in.

Mờ nùs nhơm kờ` lòt bơsram, g^t nđờ rơhiang nă kơnòm bơsram rơ[ah tàm kơnhoàl Lăk pah ngai gam gan brê, tiă croh dà kờ` jăt mờ nùs nhơm kơ\p kờ`. Mơya, tài hìu nhă gơbàn kal ke bè sră hộ khẩu, broă dong kờl bơh Dà lơgar tus mờ ală kơnòm bơsram do ờ geh, den tàng broă kờ` lòt bơsram bơh ală kơnòm bơsram do dê gam uă ngan kal ke.

Cau mblàng Ndong Brawl