VOV4.K’ho- Ngai 12/10, tàm xã Dur Kmăl, kơnhoàl Krông Ana, càr Dăk Lăk neh sền gŏ 1 mpồl cau kòp Covid-19 tàm mpồl bơtiàn ờ hềt gĭt bơtờp bơh tiah lơi. Lài hơ̆, ngai 11/10 mò N.T.A tus hìu sơnơm xã Dur Kmăl kham kòp mờ geh lơh xét nghiệm test mhar kháng nguyên kòp Covid-19, cồng nha là bơtờp mờ virus Sars CoV-2. Tơnơ̆ tŭ geh cồng nha test mhar bơh mò  N.T.A dê, Hìu sơnơm kơnhoàl Krông Ana neh jòi gĭt tiah lòt rê ală cau geh gơrềng mờ sền gŏ tai 14 nă cau geh cồng nha xét nghiệm bơtờp mờ virus Sars CoV-2.

Cau lơh sơnơm ai mẫu test mhar ai làng bol ƀòn Dur 1 in

Klo ngai, ngai 12/10, 15 mẫu test nhanh  ndrờm geh cồng nha Realtime RT- PCR bơtờp mờ virus Sars CoV-2. Gah lơh sơnơm kơnhoàl Krông Ana neh lơh test mhar ai pơgap 1 rơbô nă làng bol ơm tàm ƀòn Dur I, xã Dur Kmăl, gơnoar atbồ tiah do kung neh cang tiah ing làng bol ơm tàm mpồl 3, ƀòn Dur 1,xã Dur Kmăl mờ crơng gơs 4 anih gròi sền làng bol mờ rơndeh rơndồ mut lik tàm tiah kòp.

Cau mblàng K’Hạnh