VOV4.K’ho- Jơnau yal bơh Mpồl đơng lam rcang sơndră kòp Covid-19 càr Dak Lak dê, ngai 22/7, gùt càr sền gŏ tai 10 nă cau bơtờp mờ virus Sars CoV-2, tơnguh khà cau bơtờp kòp tàm ù tiah càr dê là 47 nă.

                                    Uă tiah ai ơm yah ngài geh lơh tài gơrềng tus ală cau F0

Tàm 10 nă cau bơtờp kòp pa, geh 4 nă cau kòp tàm xã Ea Bung, kơnhoàl Ea Súp, là cau F1 bơh mpồl cau kòp tàm tiah do dê; 1 nă cau kòp tàm ƀòn dờng Buôn Ma Thuột, là cau F1 bơh cau kòp N.T.H ơm tàm hìu rơndeh Tiến Oanh; 3 nă cau kòp tàm xã Ea Ktur, kơnhoàl Cư Kuiñ, là cau F1 bơh mpồl cau kòp geh sền gŏ lài hơ̆. Bơdìh hơ̆, tàm kơnhoàl Buôn Đôn kung sền gŏ 1 nă cau kòp là T.N.B.T, deh nam 2012, ơm tàm thôn 2, xã Cuôr Knia, kơnhoàl Buôn Đôn, geh broă lòt rê là bơh càr Bình Dương. Tàm kơnhoàl Krông Buk kung sền gŏ cau sơnrờp bơtờp mờ virus Sars CoV-2. Cau kòp là V.T.P.K, deh  nam 1992, ơm tàm ƀòn AĐrơng Điết, xã Cư Pơng, là làng bol geh broă lòt rê bơh càr Bình Dương. Bè hơ̆, tus mho ngai 22/7, gùt càr Dak Lak neh geh 11/15 kơnhoàl, thị xã, ƀòn dờng sền gŏ ală cau bơtờp mờ virus Sars CoV-2.

Cau mblàng K’Hạnh