VOV4.K’ho- Ngai 11/8, càr Dăk Lăk sền gŏ tai 18 nă cau bơtờp kòp Covid-19, tơnguh khà cau bơtờp kòp tàm ù tiah càr dê là 464 nă cau. Tàm khà 18 nă cau bơtờp kòp pa sền gŏ tàm Dăk Lăk, kơnhoàl Krông Bông geh uă ngan rlau jơh mờ 7  nă cau, pơn jat hơ̆ là kơnhoàl Krông Pách mờ  5 nă cau. Jơh  ală cau bơtờp kòp pa ndrờm tàm bơtờp bơh ală cau kòp neh geh sền gŏ lài hơ̆.

Ai ơm yah ngài mpồl bơtiàn tàm xã Vụ Bổn, kơnhoàl Krông Pách, càr Dăk Lăk

Kòp Covid-19 tàm Dăk Lăk gam bơtờp mhar tàm ală tiah sar lơgar ngài, tiah broă lơh rcang sơnrdă kòp gam geh tơngŏ bơta sền ờ sơ̆p mờ ờ rcang sền ngăc, broă ai ơm yah ngài mpồl bơtiàn ờ lơh jat niam, ală cau bơh tiah kòp rê lơh jat broă ai ơm yah ngài ờ hềt lơh jat di mờ jơnau sồr. Kung tàm ngai 11/8, geh 24 nă cau kòp Covid-19 tàm Dăk Lăk geh ai rê bơh hìu sơnơm, tơnguh khà cau bời kòp mờ geh rê bơh hìu sơnơm tàm ù tiah càr dê là 54 nă. Bè hơ̆, càr Dăk Lăk tus tŭ do gam geh 409 nă cau gam sơm kòp, tàm kờp jơh khà 464 nă cau bơtờp kòp Covid-19.

Cau mblàng K’Hạnh