VOV4.K’ho- Kờp tus  4 jiơ mho ngai 30/7, càr Dak Lak geh 204 nă cau bơtờp kòp Covid-19, gơguh 19 nă cau pơndrờm mờ ngai lài hơ̆. Jat jơnau yal bơh Mpồl đơng lam rcang sơndră kòp Covid-19 càr Dak Lak dê, 19 nă cau bơtờp kòp pa sền gŏ tàm 7 kơnhoàl, thị xã mờ ƀòn dờng.

                                      Dak Lak: sền gŏ tai 19 nă cau bơtờp kòp Covid-19

Tàm hơ̆, ƀòn dờng Buôn Ma Thuột uă ngan rlau jơh mờ 5 nă cau kòp mờ tơnguh khà cau kòp tàm ƀòn dờng là 40 nă, ơm dơ̆ 2 gùt càr dê mờ ơm tơnơ̆ kơnhoàl Cư Kuiñ bal mờ 55 nă cau kòp. Ală cau kòp bơtờp pa geh sền gŏ uă ngan geh bơta lòt rê bơh ƀòn dờng Hồ Chí Minh mờ càr Bình Dương halà tàm bơtờp bơh ală tiah kòp neh geh sền gŏ lài hơ̆.Bè hơ̆, kờp jơh cau bơtờp kòp Covid-19 sền gŏ tàm Dak Lak tus tŭ do là 204 nă, tàm jơh bal 15 kơnhoàl, thị xã mờ ƀòn dờng tàm càr. Tàm hơ̆ gam sơm kòp ai 197 nă cau in, 7 nă cau neh bời kòp mờ ờ hềt geh cau chơ̆t.

Cau mblàng K’Hạnh