VOV4.K’ho - Bơsram mờ lơh jat ơnà jak Hồ Chí Minh bè broa\ lơh tềm pềr, ala\ nam do, srơh broa\ lơh ròng sur ù bơh kuang bàng,  cau geh đảng, làng bol xã Quảng Hiệp, kơnhòal Cư\ Mgar, càr Dak Lak neh ta\ pơgồp git nđờ rhiang tơlak pria\ kờ` dong ala\ hìu nha\ geh rài kis kal ke brồ guh  niam tàm rài kis.

            Bè neh mờng tàm tơnơ\ pah dơ\ lòt drà rê, ùr bơklau ồng Trần Hữu Ngọc  kis tàm [òn Hiệp Thịnh, xã Quảng Hiệp, kơnhòal Cư\ Mgar ai ala\ pria\ lẻ  geh tơmut tàm sur ù geh ơn tềng đang tùh tàm ơdu\ nac. Do la sur dơ\ 8 ùr bơklau ồng ‘’ròng’’ tàm 8 nam do. Hìu nha\ ồng mìng la cau lơh broa\ sa, ờ hềt la hìu nha\ pas, mơya mờ broa\ lơh bơh dùl na\ cau ling yau cèng tàm sa\ ơnà jak bơh cau ling wa Hồ bè broa\ lơh tềm pềr mờ tam  dong  tàm sền bal, ùr bơklau ồng neh lời prap  pah nam bơh 40 tus 500 rbô nàng  dong ai tàm ‘’Kes pria\ tài cau rbah’’ bơh pria\ ròng sur ù:

            Jat bơta lam sồr ròng sur ù pah ngai dùl rbô  pria\ bơh làng bol ta\ pơ gồp nàng dong kờl lơh hìu ai cau rbah in, cau geh rài kis kal ke jat bơta lam sồr bơh mặt trân xã, hìu nha\ a` kung lơh jat bal. Bulah ờ hềt pas mơya mờ broa\ lơh bal, bol a` neh tus bal ta\ pơ gồp dùl bơnah dềt rhền lơi hơ\ hìu nha\ dê kờ` bal mờ mặt trận  xã dong kờl ala\ hìu nha\ gam rbah rlau mờ he.

            Bơh srơh broa\ lơh ‘’ròng sur ù’’, git nđờ jơt hìu rbah bơh xã Quảng Hiệp, kơnhòal Cư\ Mgar neh geh dong kờl nàng lơh hìu tam klac, lơh niam wơl hìu ơm, bơtàu tơngguh lơh sa. Bi Lô Phương Điền, dùl tàm ala\ hìu rbah tàm [òn Hiệp Tiến pa geh dong kờl 50 tơlak pria\ nàng lơh hìu tam klac dờng lồi nam 2017, chờ hờp đơs:

            Rài kis lài do kal ke ngan, hìu den `hat dà dilah ờ lơh tàm nhai mìu do, ùr bơklau a` mìng  kìng bàk lơm, ai dilah lơh dùl nơm hìu den bơh he geh nàng lơh. Tu\ do kơnờm mờ gơnoar atbồ,  mặt trận [òn, xã mờ tơl cau dong kờl a` neh geh hìu ơm bè do la geh anih pru\ mờ mìu, kìng tơngai niam, kờ` bơtàu tơngguh lơh  broa\ sa tơnơ\ do, ùr bơklau a` neh pal lơh ngan lòt mờng hờ bơdĩh.

            Jat ồng Hòa Mạnh Quân, Chủ tịch Uỷ ban mặt trận xã Quảng Hiệp, srơh ‘’ròng sur ù’’ geh  mut lơh bơh nam 2011 tàm cau kuang, cau geh đảng. Nam sơnrờp,  gùt xã neh  lam sồr geh 37 nơm sur ù tềm pềr geh mờ khà pria\ di rlau 30 tơlak pria\, ta\ tàm kes pria\ ‘’Tài cau rbah’’ nàng dong kờl lơh dùl nơm hìu ai cau rbah in. Bơh cồng nha ngan ngồn bơh  srơh broa\ lơh, Đảng ủy xã neh lam sồr mặt trận mờ ala\ mpồl geh jơng lơh ngan mblàng pơlam, lam sồr đoàn viên, cau tàm mpồl ala\ mpồl, mpồl bơtìan, ala\ hìu bơsram, anih lơh broa\ dà lơgar, mpồl jat yàng mờ làng bol tus bal. Kơnờm bơh hơ\,  srơh broa\ lơh slơ ngai slơ gơ rề ơnàng tàm mpồl bơtìan. Tus tu\ do,  gùt xã neh ròng mờr 1.400 sur ù tềm pềr  geh mờ khà pria\ rlau 600 tơlak pria\. Bơh kes pria\ do, lơh geh 12 hìu tam klac dờng, dong kờl 44 yô be me deh kòn dong  cau rbah sơrlèt gan kal ke, nàng geh rài kis niam rlau:

            Bơh  broa\ lơh mbàng lam, hòi jà, mblàng yal den gùt làng bol tàm xã go\ geh cồng nha bơh broa\ lơh  geh kuơ ngan  ngồn, bơh hơ\ khi tus bal gal ngan. Nam 2017, bol a` neh lam sồr geh rlau 270 hìu nha\ tus bal mờ pria\  geh la 240 tơlak pria\, dong 17 hìu nha\ lik klàs rbah. Tus tu\ do,  geh 240 hìu nha\ dan cih mat ròng sur ù tàm nam 2018 do.

            Ồng Bùi Thanh Bình, Bí thư Đảng ủy xã Quảng Hiệp ai git,  la xã tiah ngài, rài kis làng bol gam ua\ ngan rbah, mơya kơnờm  geh lơh ngan mblàng pơlam, lam sồr den tàng srơh ‘’ròng sur ù’’  geh pria\ tơmut tàm kes pria\  dong cau rbah neh chồl guh cồng nha jơnhua. Nàng lơh geh srơh broa\ lơh  gơ mut tàm bơta mùl màl, xã neh lơh  rơndap broa\ mut lơh d pal mờ bơta krơi is [òn lơgar dê. Bal mờ dong kờl lơh hìu tam klac dờng, ala\ hìu ờ tơl ù lơh sa geh dong kờl  2 nơm be deh kòn, bal mờ hơ\,  ala\ mpồl bơtìan neh sùm lam sồr, pơlam ròng siam sền gàr nàng be rơ\ rài. Srơh ‘’ròng sur ù’’ ờ mìng gơ geh pơrya  bơto bơtê tềm pềr mờ gam la broa\ lơh ngan ngồn, tơl kơnòl bơh mpồl bơtìan tus mờ cau rbah, ta\ pơ gồp tàm bơtàu tơngguh [òn lơgar:

            Cồng nha  la lơh geh pah nam, bol a` geh yal loh làng ngan tơn dong kờl cau lơi, lơh broa\ lơi la gơ loh làng ngan geh làng bol dờp, sền gròi broa\ lơh he dê den tàng cồng nha lơh geh la niam. Bơh hơ\, srơh broa\ lơh pơrlòng ờ mìng dong cau rbah mờ gam pơgồp bal tàm srơh broa\ lơh bơt bơtàu [òn lơgar pa mờ lơh ngan gơ gơs la xã [òn lơgar pa lam lài.

            Tơnơ\  rlau 7 nam lam lơh, srơh ‘’ròng sur ù’’ neh dong hìu rbah tàm xã Quảng Hiệp, kơnhòal Cư\ Mgar, càr Dak Lak neh mùl màl gơ rề ơnàng tus ala\ rnàng làng bol. Srơh broa\ lơh neh pơ gồp bal lơh geh git wa\ broa\ lơh tềm pềr tàm mpồl bơtìan mờ geh mut lơh nùs nhơm ‘’Dong kờl bal, nha ngan glòm nha sèt’’, geh attê bal dong kờl ờ lời hìu ing tai mờ mut lơh  srơh broa\ lơh bơt bơtàu [òn lơgar pa tàm [òn lơgar. 

                        Cau mblàng K’ Brọp