VOV4.K’ho - Ala\ gùng ù ‘’tơngai gơthul kơmbuh, mìu den bơ\ mbè’’ neh lơh gơs mờ gùng bêtông kloh niam. Ala\ gùng dềt, hat hal, lu\ rlun neh gơ gơs la gùng dờng ơnàng, ring ngan… Tàm 2, 3 nam pa do, rùp sa\ [òn lơgar Dak Lak neh tam gơl ua\ ngan  kơnờm geh ala\ gùng lơh mờ bêtông, gùng da\ mờ lu\, mờ chài geh lơh gơs bơh broa\ lơh bơt bơtàu [òn lơgar pa. Gùng lòt geh lơh ua\ la bơta  bươn bòai pơ gồp bal chul chồl bơtàu tơngguh lơh sa [òn lơgar  gơ guh…

            Bal mờ bơta dong kờl bơh dà lơgar, làng bol ơm tàm Buôn Mih, xã Dak Nuê, kơnhòal Lak, càr Dak Lak neh ai is rlau 2 sào 3 chuờng ù, 1 rbô ngai lơh broa\ nàng pờ ơnàng gùng mờ tuh bê tông gơl gùng 4 kơi sồ tàm [òn. Gơl gùng lài do tàm nhai prang den gơthul kơmbuh bềng trồ, nhai mìu den mbè bơ\ bo\ bil, tu\ do neh  niam ơnàng dờng, bươn bòai ngan tàm broa\ ka\ bro, pơndiang phan lơh geh…

            Ồng Y Bhem Du, atbồ [òn Buôn Mih ai git,  lồi nam 2016, xã Dak Nuê lam lơh srơh broa\ lơh gùng lòt tàm [òn, jơh ala\ làng bol drờm geh  lơh jat bal jơh nùs pơ gồp bal pràn sa\, pria\ jền, rlau 2 nhai mut lơh gùng neh lơh gơs mờ ai ngui neh dong  bơta bươn bòai ai làng bol tàm ala\ [òn lòt rê:

            Lài do gùng do la gùng ù kan ngan lòt tàm nhai mìu den bơ\ mbè đì  rơndeh hala lòt jơng drờm bơ\ bơl lơm, kan ngan lòt, tu\ do geh Đảng dà lơgar sền gròi ai làng bol in lơh gùng do la gùng  dờng tàm [òn Trinh kung lòt gùng do. {òn Mih kung la [òn tờm. {òn Tham 1 kung lòt gùng do, do la gùng dờng.

            Ờ mìng geh lơh kơ\ kơljap, da\ cài, da\ bêtông, 2 gah gùng gam geh soh ala\ ào bơkàu ua\ dà sơng kơnờm bơh mpàng tê sơng ka sền  gàr jơh tơl cau bơh cau kra tus mờ kơnòm dềt. Tàm sơnam dờng tu\ do ờ hoan geh cau tai, mò Trần Thị Thành la cau lam lài tàm broa\ tam bơkàu tềng gah gùng tàm [òn 3, xã Ea Kpam, kơnhòal Cư\ Mgar. Ala\ bơkàu tam bulah bal hia\ tàm suơn, tu\ do geh rwah  cèng tam, sơng ka tềng 2 đah gùng tơrbo\ [òn, xã lơh geh ala\ bơta niam bơne\  lơh geh tai bơta pràn kis  bơh ala\ gùng lòt:

            Ơnà a` la tu\ lơi go\  bơkàu lơi niam den kung dan rê tam tus nam lài khi lơh gơs gùng bloh, a` go\ kòn sau a` dê cèng bơkàu tam dùl sèng, a` đơs ai mò in cèng rê tam jơh. Bơkàu lì go\ hìu nha\ kung gơ niam rlau, gùng den gơ gơs niam bơne\ kloh rlau.

            Jat khà sồ  bơh Ủy ban nhân dân càr Dak Lak, mìng is nam 2017, làng bol  tàm ala\ [òn lơgar tàm càr neh ta\ pơ gồp geh rlau 120 tơmàn pria\, ai is rlau 8 lồ ù, ta\ pơ gồp rlau 49 rbô ngai lơh broa\ nàng lơh gùng tàm [òn lơgar. Tàm hơ\, ala\ [òn lơgar neh lơh pa rlau 640 kơi sồ gùng bêtông, 102 kơi sồ gùng cấp phối, lơh pa, lơh niam rlau 243 kơi sồ gùng lòt tàm [òn… Bal mờ hơ\,   geh ua\ broa\ lơh niam, bơceh pa neh geh ala\ [òn lơgar ngui bè Đòan ơruh pơnu dờp mut lơh gùng lòt tàm [òn lơgar, mpồl cau lơh broa\ sa, cau ùr tus bal lơh niam, lơh pa sền gàr gùng [òn mờ ala\ srơh broa\ lơh ‘’gùng atbồ is’’, gùng bơkàu cau ùr… Jơh ala\ broa\ lơh  niam hơ\ neh mùl màl gơ gơs la bơta niam gơ rề tus ua\ [òn lơgar tàm càr.

            Ồng Vũ Văn Đông, Phó kuang atbồ  Sở Nông nghiệp Phát triển Nông thôn, Chánh văn phòng đơng pơlam tam pà broa\ lơh [òn lơgar pa càr Dak Lak ai git, ròt gùng lòt tàm [òn  lơgar lơh gơs ờ mìng lơh geh bơta bươn bòai tàm broa\ lòt rê, pơndiang phan bơna, phan lơh geh bơh làng bol mờ gam  lơh ai bơta pràn tus bơtàu tơngguh lơh sa, chài rgơi, mpồl bơtìan… Den tàng, Dak Lak sùm lơh ngan lơh niam gùng lòt. UBND ala\ cấp neh lơh geh ua\ ngan cơ chế  dong kờl, pơnjờng làng bol attê bal bơt bơtàu [òn lơgar pa:

            Broa\ lơh càr dê kung bè mpồl đơng lam broa\ lơh bơt bơtàu  [òn lơgar pa ai git broa\ lơh [òn lơgar la dùl tàm ala\ broa\ lơh kuơ màng kờ` pal lơh ngan mut lơh. Den tàng tàm tơngai tus pơnjat tai lơh ngan trơ gùm  ala\ bơta pràn bơh dà lơgar kung bè bơta pràn ndai mờ pràn tàm làng bol nàng lơh gùng lòt, ngan la tàm tiah sar lơgar ngài, tiah gam ua\ ngan kal ke bè Mdrak, Ea Súp, Lak, Krông Bông do la ala\ tiah kờ` geh  dong lơh lài lơh gùng  kờ` bươn bòai ai làng bol lòt rê mờ bơtàu tơngguh lơh sa, bơtàu tơngguh rài kis làng bol kòn cau in.

            Gơtùi đơs, ala\ gùng lòt do jat broa\ lơh dà lơgar bè bơt bơtàu [òn lơgar pa la gùng lòt ‘’Kơp kờ` bơh Đảng, nùs nhơm làng bol dê’’, pơ gồp bal rhời lơh tam gơl muh mat [òn lơgar pa Dak Lak. Geh  gùng lòt den drờm bal mờ buơn bòai pờ gùng ka\ bro,  làng bol gam  rhời tus rài kis hờm ram mờ boh gơbài rlau.

            Cau mblàng K’ Brọp