VOV4.K’ho-Tàm rài tam lơh, xã Cư\ Pơng, kơnhoàl Krông Buk, càr Dak Lak là tiah pôs đồng kơ\ kơl jăp ngan, ling klàng mờ làng bol dùl nùs lòt jat kăc mạng, khin cha jak chài tam lơh tus dì ngai tơngklàs dà lơgar.

Ngai do, tàm broă lơh bơ\t bơtàu dà lơgar, làng bol ală kòn cau xã Cư\ Pơng pơn jat tai lơh jat bơhiàn, tam klac bal tơn jơh bơta jơgloh, bơta bơngơl gơla klam jơngo, tơrmù r[ah, tàm sơm băt tê bal bơtàu tơnguh lơh sa, bơ\t bơtàu [òn lơgar pa.

Tàm hìu jòng ờs mờng bơh yau kờp mờ priă tus gi\t nđờ rhiang tơlak, ồng Y Hluăt ÊBan, ơm tàm [òn Ea Tuk, xã Cư\ Pơng, kơnhoàl Krông Buk, càr Dak Lak chờ hờp yal bè ală tam gơl bơtàu tơnguh bơh [òn Ea Tuk dê tàm bàr pe nam rềp ndo.

Pơn jat hơ\, ală gùng lòt neh geh lơh mờ bê tông kloh niam ngan, ală hìu sơmang geh lơh dờng mờ niam ngan kềng đah hìu jòng ờs mờng bơh yau, gùng che đèng Dà lơgar geh dăng che jòng jat ală gơl gùng lòt tàm [òn. Kơnờm geh bơsram mờ đòm jat bơta jak chài pa, uă hìu bơnhă neh klàs bơh rài kis jơgloh r[ah mờ gơ gơs pas sơm.

Hìu bơnhă ồng lài do neh geh tu\ là hìu r[ah mơya tu\ do neh lơh geh hìu jòng, blơi geh rơndeh dờng mờ uă phan ngui ndai ngui tàm broă lơh sa. Ồng Y  Hluắt Êban kung là dùl tàm ală cau lơh broă sa pơnrơ jak tàm xã Cư\ Pơng.

Lài do, hìu bơnhă kung gơtìp uă ngan kal ke. Mơya bol a` lơh ngan lơh broă lơh sa, tềm pềr rơhời hơ\ sồng geh priă lơh geh hìu sơmang. A` gam bơsram tai broă ròng sur, sài iar, hơ\ sồng ròng kơnrồ, lơh geh broă lơh bơh Mpồl Cau lơh broă sa lơh ai lòt bơsram, đòm jat, rơhời a` blơi geh ù, blơi geh rơndeh dờng, rài kis tu\ do neh ờ kal ke rlau mờ lài uă ngan.

90% gùng lòt tus kơnhoàl tàm xã Cư\ Pơng geh lơh mờ bê tông, dă cài

  Bơta tam gơl pa bơtàu tơnguh tàm [òn Ea Tuk kung là bơta tam gơl bal tàm xã Cư\ Pơng ngai do. Bơh sơnrờp ờ geh phan sa, àu soh, lơh sa bơngơl gơ la ờ go\ jak chài, ală nam rềp ndo, geh bơta sền gròi bơh Đảng mờ Dà lơgar dê, làng bol xã Cư\ Pơng neh kơ\ kơl jăp rài kis, đòm jat bơta jak chài pa tàm broă lơh sa. Uă hìu làng bol neh lơh ngan brồ guh lơh pas bal mờ priă lơh geh pah nam gi\t nđờ rhiang tơlak.

Bal mờ hơ\ phan bơna bơh xã dê geh sền gròi bơcri priă lơh. Ală rbòng dà geh tơl dà tuh ai pơgăp 70% bă ù tam phan in. Jơh ală thôn, [òn tàm xã ngui gùng che đèng dà lơgar drơng tàm broă lơh sa mờ ơm kis. Broă kham sơm kòp mờ sền gàr pràn kơldang să jan làng bol in geh sền gròi. Hìu sơnơm xã Cư\ Pơng neh geh bơcri priă geh tơl khà Dà lơgar bè lơh sơnơm, bal mờ ală phan ngui măy mok pa ngan, bè: măy sền mhàm, măy siêu âm, mờ mpồl cau lơh sơnơm, lơh geh jơnau kờ` kham sơm kòp làng bol dê.

Broă lơh sền gàr pràn kơldang să jan mờ kham sơm kòp làng bol in geh sền gròi

Ồng Y Phem Niê, Kuang atbồ Hìu sơnơm xã Cư\ Pơng pà gi\t, bal mờ ai phan bơna, mpồl cau lơh sơnơm bơh hìu sơnơm dê kung geh bơto pơlam tơnguh uă bơta pràn jak tàm broă lơh ờs mờng.

Tàm ală nam do, den phan bơna phan ngui măy mok neh geh dà lơgar bơcri priă ai, geh bal kòn bơnus kung neh geh dà lơgar ai priă jền lòt bơsram rê nàng lơh broă ngui ală măy mok jak chài pa. Broă lơh kham sơm kòp ờ sa priă làng bol kòn cau in, cau r[ah mờ ală cau chính sách in ndrờm bè tu\ do gam ngui bảo hiểm lơm gơguh tus 90%.

          Ồng Trần Thành, Chủ tịch UBND xã Cư\ Pơng yal, kơnờm pơgồp bal niam ală broă lơh, rơndăp broă lơh bơh Chính phủ dê nàng bơcri bơtàu tơnguh lơh sa, den tàng muh mat [òn lơgar bơh xã dê neh geh uă bơta tam gơl. Tu\ do, xã geh rlau 3.500 lồ kơphê neh ai sa, gi\t nđờ rhiang lồ kau su, tiêu bal mờ ală tờm chi sa plai geh priă jền uă, pah nam lơh geh gi\t nđờ rhiang tơmàn priă.

Hìu sơnơm xã Cư\ Pơng geh bơcri priă lơh pa mờ niam ngan geh tơl khà Dà lơgar bè lơh sơnơm

Tàm bơ\t bơtàu [òn lơgar pa, Cư\ Pơng neh jơh lơh 16 tàm 19 broă mờ geh 2 broă sền bal neh lơh geh. Tàm hơ\, broă kal ke bè gùng lòt neh geh lơh bal mờ 90% gùng lòt tus kơnhoàl, 32% gùng lòt tus ntum geh lơh mờ bê tông, dă cài.

Lơh jat bơhiàn khin cha jak chài mpồl phàu crong làng bol tàm rài tam lơh, Đảng bộ, gơnoar atbồ mờ làng bol xã Cư\ Pơng dùl nùs bal tam klac, lơh ngan lơh jat niam ală kơnòl broă bơtàu tơnguh lơh sa- mpồl bơtiàn, gàr niam dà lơgar mờ bơta lơngăp lơngai tàm xã.

Bè ală phan bơna, bè đèng, gùng lòt, hìu bơsram, hìu sơnơm, ală broă lơh bơtơt tơnau dơng dà mờ ală broă lơh ndai neh geh ai priă jền lơh mờ sền bal lơh geh jơnau kờ` bơh làng bol dê. Khà hìu r[ah pah nam ndrờm gơmù rlau 3%. Bè broă lơh bơ\t bơtàu [òn lơgar pa, tus tu\ do xã neh lơh geh 16 broă mờ 2 broă sền bal neh lơh geh mờ lơh ngan tus nam 2020 xã geh tơl khà bơ\t bơtàu [òn lơgar pa.

          Ồng Y’Mơ Mlô – Phó Bí thư huyện Ủy Krông Buk, càr Dak Lak đơs, bơh ală nam 1940, làng bol cau Rơđê, cau Jrai tàm Cư\ Pơng neh lòt jat kăc mạng, dùl nùs tam dră nàng geh dong klàs jơi bơtiàn.

Ngai do, geh bơta sền gròi bơcri priă bơh Đảng mờ Dà lơgar dê, bal mờ bơta lơh ngan bơh gơnoar atbồ mờ làng bol dê, xã Cư\ Pơng neh tam gơl pràn ngan. Priă lơh geh kờp bal dùl nă cau geh rlau 31 tơlak dùl nam, tàm hơ\ geh 20% khà kờp làng bol là hìu pas sơm, geh hìu kuơ\ niam hàng, geh rơndeh dờng, rơndeh pơndiang phan drơng broă lòt rê mờ lơh sa kă bro.

Bơh tơnơ\ ngai tơngklàs dà lơgar tus tu\ do, rài kis làng bol xã Cư\ Pơng bơtàu tơnguh loh làng ngan, kuơmàng là rlau 10 nam rềp ndo, den Cư\ Pơng lơh jat niam ngan broă pơgồp bal ală broă lơh mờ rơndăp broă lơh tàm ală broă lơh jơnau kờ` dà lơgar tơrmù r[ah bơh Chính phủ dê nàng ai là priă jền bơcri kờ` dong kờl ai rlau 2 rbô hìu bơnhă in mờ rlau 10 rbô nă làng bol kòn cau Rơđê, Jrai, M’nông nàng ai xã Cư\ Pơng in ngai sơlơ bơtàu tơnguh.

20% khà kờp làng bol tàm xã là hìu pas, geh hìu kuơ\ niam đam hàng, geh rơndeh dờng, rơndeh pơndiang phan

Nam 1994, xã Cư\ Pơng geh Dà lơgar pồ pà sră jờng rơ Khin cha jak chài mpồl phàu crong làng bol. Lơh jat bơhiàn pơnrơ ngan tàm tơngai neh rlau, tàm bơ\t bơtàu rài kis jak chài pa, Cư\ Pơng gơ gơs là tiah pơnrơ niam bè bơtàu tơnguh lơh sa, mpồl bơtiàn. Làng bol ală kòn cau tàm tiah do ngai sơlơ tàm sơm băt tê bal tơryăng tơryồng lơh broă lơh sa, bơ\t bơtàu [òn lơgar tờm ngai sơlơ hờm ram, pas sơm niam bơne\!

Cau mblàng Lơ Mu K’Yến