VOV4.K’ho –Lơh jat bơhiàn Khin cha jak chài tàm rài tam lơh, ngai do, Đảng bộ, gơnoar atbồ mờ làng bol xã Dak Phơi, kơnhoàl Lak, càr Dak Lak gam dùl nùs dùl tồr bal, lơh ngan jơh nùs bơ\t bơtàu [òn lơgar pa. Là xã tiah sar lơgar ngài, tiah pôs đồng kăc màng gam uă kal ke, siơ\u siar, muh mat [òn lơgar pa tàm Dak Phơi gam rơhời geh tam gơl uă ngan.

Rê tus xã Dak Phơi, kơnhoàl Lak, càr Dak Lak ngai do, sền go\ loh ală bơta tam gơl tàm kơnhoàl ù tiah dùl rài là tiah pôs đồng kăc màng tàm rài tam lơh mờ bol sò tơm Mỹ. Uă gơl gùng bê tông dờng ơnàng ngan ring niam ngan geh lơh jat ală [òn, lơh jòng tơn tus tàm sươn kơphê gam tơlir niam ngan gam tàm tơngai ròng plai.

Jơh ală gùng xã, gùng lòt ală xã ndrờm geh lơh mờ bê tông, dă cài

Mò Lương Thị Lan, Cau atbồ [òn Năm, xã Dak Phơi, pà gi\t: nàng geh gơl gùng niam, [ươn [oài lòt rê, uă hìu làng bol tàm [òn neh pà ù, phan tam, pơgồp bơnah bal mờ gơnoar atbồ bơ\t bơtàu [òn lơgar pa. Pơnrơ bè hìu bơnhă ồng Y Chú Liêng Hót, Y Nhen Long Dưng tơl hìu neh pà rlau 1 sào ù. Hìu bơnhă mò Lan kung pà 80 tờm kơphê, ndrờm mờ chuồng ù nàng lơh gùng.

Lài do, ờ hềt lơh gùng deh đơs bal là gùng lòt bo\ bil lơm bè lơm mờ kal ke ngan. Rơndeh lơ òr, rơndeh măy lòt rê hat hal ngan den uă tu\ kung gơtìp rềs àr sơl. Pa do, den kuang bàng mờ làng bol kung ndrờm jơh nùs ngan bơ\t bơtàu [òn lơgar pa, uă hìu pà ù sre, ù kơphê, ù tam chi sa plai nàng lơh gùng. Hìu bơnhă a` kung pà pơgăp 80 tờm nàng lơh gùng. Đơs bal sền go\ geh cồng nha den làng bol jơh nùs ngan mờ ờ cau lơi dan pal tơm priă jền.

Bal mờ gùng lòt, ală hìu bơsram, gùng che đèng, hìu sơnơm tàm xã Dak Phơi kung geh bơcri priă lơh pa mờ lơh niam wơl. Tàm xã tu\ do geh 11 hìu bơsram mờ anih hìu bơsram bơh kấp mầm non tus kấp hai bal mờ rlau 1.500 nă kơnòm bơsram.

Broă lơh sền gàr pràn kơldang să jan làng bol in geh sền dờng màng, Hìu sơnơm xã geh bơcri priă bơ\t bơtàu phan bơna rlau 1 tơmàn

Broă lơh sền gàr pràn kơldang să jan làng bol in ngai sơlơ geh sền gròi bal mờ ală anih kham sơm kòp bal mờ mpồl cau lơh sơnơm bơh xã tus thôn, [òn geh sền dờng màng.

Bác sĩ Phạm Thế Thắng, Kuang atbồ Hìu sơnơm xã Dak Phơi pà gi\t, Hìu sơnơm xã geh ai priă jền lơh phan bơna gơguh tus rlau 1 tơmàn. Ală kuang bàng, cau lơh broă bơh hìu sơnơm dê kung sùm geh bơto pơlam tơnguh uă bơta jak chài tàm broă lơh mờ bơta chài ngui măy mok lơh sơnơm gam geh tu\ do.

Geh bơta sền gròi bơh Đảng mờ Dà lơgar dê, Hìu sơnơm xã Dak Phơi neh geh bơcri priă uă ngan, ală bơta bè phan ngui măy mok, bè măy siêu âm, điện tim, măy xét nghiệm 17 thông số, cặn lắng dà đồm…

Đơs bal là tàm hìu sơnơm xã neh geh ai măy mok tơl sơl. Hìu sơnơm xã Dak Phơi neh geh tơl khà dà lơgar bè lơh sơnơm bơh nam 2007 mờ gàr sùm geh tơl khà bơh tàm tu\ hơ\ tus tu\ do tơn.

Là dùl xã tiah sar lơgar ngài, geh khà kòn cau rlau 85%, rài kis gam kal ke den tàng priă jền bơ\t bơtàu [òn lơgar pa tàm Dak Phơi kung gam kal ke sơl. Bàr pe broă kờ` pal hòi jà tă pơgồp priă jền bơcri lơh bè hìu ơm làng bol, priă lơh geh, hìu r[ah, gùng dà lam lơh sa kung gam tìp uă kal ke sơl. Ồng Y Krang Liêng Hót, Phó chủ tịch UBND xã Dak Phơi pà gi\t, xã kung gam mờr 60% hìu r[ah sơl.

Làng bol khin cha đòm jat ngui bơta jak chài pa tàm broă lơh sa

Mơya, lơh jat bơhiàn bơh xã Khin cha jak chài tàm rài tam lơh dê, tu\ do, làng bol tàm do kung gam jơh nùs ngan tus bal mờ gơnoar atbồ tiah do tàm sơm băt tê bal bơtàu tơnguh lơh sa, đòm jat bơta jak chài pa tàm broă lơh sa nàng rơhời lơh ngan sơrlèt gan klàs bơh rài kis jơgloh r[ah, pơgồp bơnah lơh tam gơl muh mat lơh sa bơh xã dê.

Xã Dak Phơi là xã khin cha jak chài geh dà lơgar pồ pà nam 1977. Mơya tu\ do, bè bơta kờp bal den xã kung gam r[ah kal ke sơl mơya lơh jat nùs nhơm xã khin cha jak chài den Đảng bộ mờ gơnoar atbồ xã sùm sền gròi mblàng yal ai làng bol in nàng bal mờ Đảng mờ Dà lơgar geh broă rơndăp lơh broă nàng ai xã gờ` lik klàs bơh xã r[ah tàm tơngai gờ` ngan rlau jơh.

Ồng Tô Văn Dũng, Phó chủ tịch UBND kơnhoàl Lak, càr Dak Lak pà gi\t, bơta bơh sơnrờp bơh xã Dak Phơi dê là xã tiah sar lơgar ngài, tiah pôs đồng kăc màng, ơnàng rlau 14 rbô lồ bal mờ 1.300 hìu làng bol ơm kis. Lơh sa làng bol dê mìng kơnờm jơh lơm tàm lơh broă sa sươn sre, tam kơphê, điều mờ lơh kòi sre.

Ală nam rềp ndo, làng bol tàm xã neh khin cha đòm jat bơta jak chài pa tàm broă lơh sa, ai sơntìl chi tam phan ròng pa nàng rê ròng mờ tam tàm tiah he dê, pơgồp bơnah lơh tơnguh cồng nha lơh geh, lơh tơnguh tai priă lơh geh.

Tơngai tus, kơnhoàl geh pơn jat tai dong kờl ală priă jền nàng xã geh tai priă bơtàu tơnguh, rơhời klàs bơh r[ah mờ lơh jơh ală broă lơh [òn lơgar pa tàm tơngai gờ` ngan rlau jơh.

Tàm tơngai tus, kơnhoàl geh broă rơndăp lơh bơcri priă bơ\t bơtàu phan bơna, ngan là bè gùng lòt tàm tơrbo\ bal tàm tiah [òn lơgar. Dơ\ 2 tai là bơcri dong kờl nàng bơtàu tơnguh lơh sa mờ tơnguh uă pràn jak gơtùi đòm jat mờ ngui bơta jak chài pa tàm broă lơh sa, rài kis kờ` tơrgùm nàng ai làng bol in rơhời tơn jơh jơgloh tơrmù r[ah, lơh geh broă tơrmù r[ah tàm tơngai tus.

Dùl nơm rbàng geh pa ai ngui tàm Dak Phơi

Lơh jat bơhiàn Khin cha jak chài, nùs nhơm kăc màng bơh [òn lơgar dê, Đảng bộ, gơnoar atbồ mờ làng bol xã Dak Phơi gam pơnđơl pran, lơh ngan jơh nùs sơrlèt gan kal ke, tơrgùm bal pràn dùl nùs bal bơ\t bơtàu [òn lơgar. Muh mat [òn lơgar tiah pôs đồng kăc màng gam ngai sơlơ “tam gơl pah ngai”, ngai sơlơ niam bơne\ pas sơm rlau !

Cau mblàng Lơ Mu K’Yến