VOV4.K’ho - Mờ broa\ bơcri mờr 45 tơmàn pria\, nam do ròt  gùng che ồs đèng tàm jơh 8 xã, thị trấn bơh kơnhoàl Dak Mil, càr Dak Nông neh  geh lơh niam, lơh pa. Kơnờm bơh hơ\, broa\ lơh sồ 4 bè bơt bơtàu [òn lơgar pa tàm  kơnhoàl neh bơh sơnrờp lơh gơs, pơ gồp bal bơtàu tơngguh rài kis mờ  lơh niam  bơta lơh sa-ka\ bro.

            Pa mut tàm bồ nhai prang, hìu nha\ ồng Nguyễn Sâm kis tàm [òn 7, thôn Đức Hiệp, xã Đức Mạnh, kơnhoàl Dak Mil neh crap ma\y mô-tơ đèng  kờ` bồm dà tuh tàm sươn biap in mờr rềp mờ hìu. Ồng Sâm ai git, nam do,  broa\ bồm dà tuh sơndra\ trồ prang ai rlau 1 lồ kơphe geh  ờ kơlôi rlau  tài gùng che ồs đèng pa geh lơh niam wơl, lơh tus 3 pha:

            Tu\ lài geh  kơt mờ ala\ jrong đèng dềt càl den gơ pừ, tac jơh che, sùm chơt đèng. Tơnơ\ geh lơh niam pa gùng che ồs đèng do làng bol go\ gơ lơh ờ hoan aniai rlau. Bồm dà, ma\y pì phan,  tùh mriềt, đèng pờ àng, sền ti vi… niam rlau mờ lài ua\ ngan.

             Nhai do, tàm kơnhoàl Dak Mil,  càr Dak Nông, ala\ anih lơh  broa\ cơ khí sơnđờm lơh broa\ ua\,  lơh di bơta kờ` lơh  niam ma\y mok rcang tàm kàl tơnhàu kơphe, tiêu. Neh mut tàm mho jơla, tàm tu\ ua\ ngan cau ngui, mơta  anih  cơ khí Bình Khanh tàm thôn Đức Sơn, xã Đức Mạnh, kơnhoàl Dak Mil, mờ ua\ ngan bơta ma\y mok geh hàn,  tồl, koh kim loại gam lơh broa\ bè ờs. Mò Nguyễn Thị Phương Khanh, cau tờm anih lơh broa\ do ai git,  ua\ rơndeh công nông, rơndeh lơ òr, ma\y bồm dà, ma\y ma\y kơphe gam kơp nàng lơh niam  kờ` rcang tàm kàl tơnhàu kơphe, tiêu. Kơnờm bơh ròt gùng che ồs đèng pa  geh lơh niam, den tàng anih lơh broa\ do geh lơh broa\ ngai kung bè mang:

            A` ngui đèng nàng  lơh niam  cơ khí, lơh niam rơndeh công nông,  rơndeh lơh broa\.  Bơh nhai 10 tus nhai 12 la ua\ ngan, lơh ngan tàm broa\ lơh niam wơl rơndeh nàng cau pơndiang kơphe. Lài do,  den trồ mang la ờ gơtùi lơh. Bơh 5 jiơ drim tus 6 jiơ mho la pal ơm lơh, dilah lơh den jơh mờ [òn do  gơbàn chơt đèng, lơh  mang bè ngai,  lơh ma\y hàn, ma\y tồl, ma\y koh, đèng pràn ngan.

            Nam do,  ròt gùng che ôs đèng tàm jơh  8 xã, thị trấn bơh kơnhoàl Dak Mìl, càr Dak Nông neh geh lơh niam wơl, mờ kờp jơh khà pria\ mờr 45 tơmàn pria\. Tàm hơ\,  Đức Mạnh la xã geh gah ồs đèng  bơcri pria\ lơh ua\ ngan, mờ khà pria\ mut lơh mờr rlau 17 tơmàn pria\. Pơnjat hơ\,  rlau 10 rbô kơi sồ gùng che  trung áp mờ rlau 31 rbô  kơi sồ gùng che hạ áp neh geh lơh pa, crap tai 7 biến áp mờ kờp jơh bơta pràn 700 kVA. Ồng Nguyễn Văn Lục - Chủ tịch UBND xã Đức Mạnh, kơnhoàl Dak Mil, càr Dak Nông ai git, mờ broa\ bơcri do, ròt gùng che ồs đèng tàm kơnhoàl neh bơh sơnrờp lơh gơs,  tơl khà sồ 4 bè bơt bơtàu [òn lơgar pa:

            Pa do, xã Đức Mạnh geh ky\ sra\ broa\ lơh niam wơl mờ lơh  pa gùng che ồs đèng. Đức Mạnh neh  bơh sơnrờp lơh geh bè broa\ lơh ồs đèng tàm bơt bơtàu [òn lơgar pa, kung bè tơngguh rài kis ngui sa,  dơ\ 2 la drơng tàm broa\ lơh sa. Ngan la  Đức Mạnh la  tiah lơh sa sươn sre ua\ ngan la tàm kơphe. Tu\ do,  làng bol neh ngui đèng do drơng tus broa\  sơng ka sền gàr kơphe niam.

            Mờ la dùl kơnhoàl tiah  nhàr lơgar, ồs đèng Dak Mil, Kong ti ồs đèng Dak Nông, ờ mìng lơh di bơta kờ` ngui đèng ngui sa, lơh sa- ka\ bro mờ gam gàr niam khà đèng ai tus ala\ pôs cau ling sền gàr  nhàr lơgar jat  nhàr lơgar rlau 52 kơi sồ bơh kơnhoàl Dak Mil, càr Dak Nông  lòt gan ala\ kơnhoàl Buôn Đôn mờ Ea Súp, di càr Dak Lak. Bal mờ hơ\,  mpồl kung gàr niam tơl đèng ai ala\ Kong ti  lâm nghiệp lơh broa\ tàm tiah brê bơnơm. Ồng Nguyễn Xuân Huy - atbồ ồs đèng Dak Mil, Kong ti ồs đèng Dak Nông  ai git,  tềng lơi làng bol kis  la tềng hơ\ geh đèng ngui,  do la bơta kờ` ngan ngồn nàng bơtàu tơngguh rài kis mờ drơng bơtàu tơngguh lơh sa-mpồl bơtìan tàm [òn lơgar. Den tàng, bal mờ broa\ geh  bơcri lơh niam, lơh pa ròt gùng che ồs đèng, mpồl sùm sền gròi khà niam  broa\ drơng lơh:

            Tềng lơi geh làng bol ơm kis den gah ồs đèng geh bơcri lơh. Tus tu\ do, broa\ lơh sồ 4 bè ồs đèng tàm bơt bơtàu [òn lơgar pa neh bơh sơnrờp lơh gơs.  He pal lơh di broa\ kờ` lơh bè ba` lơi ngan gơbàn  chơt đèng, ba` lời gơlik geh aniai. Bal mờ hơ\,  broa\ ai lơh geh đèng pal 24 tàm 24 jiơ den mpồl  pal ai cau ơm  lơh broa\ sùm,  pơnyơu tàm xã Dak Nia den pal geh mpồl cau kong nhơn sùm ơm tềng hơ\. Cau ngui đèng chơt đèng ờ rlau 2 jiơ la pal geh đèng  mo wơl, bol a` geh ai rơndap cau lơh broa\ tàm tiah  he atbồ,  kờp bal mờ cau ling sền gàr nhàr lơgar tàm tiah nhàr lơgar, tu\ geh bơta gơbàn aniai den pal mhar  bơsong mo, bơh cau lơh broa\, phan bơna drờm pal rcang lài.

            Bal mờ ala\ tiah ndai  bơh càr Dak Nông, tàm ala\ nam do,  kơnhoàl Dak Mil neh geh Chính phủ mờ  ala\ gah lơh broa\ geh gơnoar sền gròi mờ ua\ ngan broa\ lơh niam pa mờ lơh pa gùng che ồs đèng dà lơgar. Bơh bè hơ\, tus tu\ do,  jơh ala\ xã, thị trấn bơh kơnhoàl neh bơh sơnrờp lơh gơs broa\ lơh sồ 4 bè bơt bơtàu [òn lơgar pa.  Ồs đèng neh lơh di bơta ngui, lơh broa\ sa- ka\ bro, ta\ pơ gồp bal, kuơ màng ngan tàm bơtàu tơngguh lơh sa-mpồl bơtìan, gàr niam ngap lơngai tàm lơgar tàm [òn lơgar.

          Cau mblàng K’ Brọp