VOV4.K’ho- Mho ngai 2/8, tàm tiah ai ơm yah ngài sơm kòp Covid-19 càr Dăk Nông dê, gah lơh sơnơm càr dê neh jàu sră ai rê bơh hìu sơnơm ai 2 nă cau kòp in tơnơ̆ tơngai sơm kòp. 2 nă cau kòp geh ai rê dơ̆ do là cau klau kòp sồ 26004 Đ.Q.N. (deh nam 1995, ơm tàm thị trấn Krông K’mar, kơnhoàl Brông Bông, càr Dăk Lăk) cau măy rơndeh pơndiang phan bơh ƀòn dờng Hồ Chí Minh rê tàm ƀòn dờng Buôn Ma Thuột, càr Dăk Lăk, ngai 8/7. Cau dơ̆ 2 là cau ùr kòp sồ 31604 C.T.Q (deh nam 1966, ơm tàm thôn 7, xã Dăk Wer, kơnhoàl Dak R’Lấp, càr Dăk Nông). Jat broă sơm kòp bơh Bộ Y tế dê, tŭ do bơta kòp bơh sơnrờp bơh 2 nă cau kòp do dê neh bè ờs mờ tơl bơta nàng ai rê bơh hìu sơnơm.

Dăk Nông geh tai 2 nă cau bơtờp kòp Covid-19 geh sơm bời mờ ai rê bơh hìu sơnơm

Lài hơ̆, càr Dăk Nông neh jàu sră ai rê bơh hìu sơnơm ai cau kòp sồ 40924 V.H.L.E (deh nam  1991, ơm tàm xã Mỹ An, kơnhoàl Chợ Mới, càr An Giang in). Kờp tus mho ngai 2/8, càr Dăk Nông geh 89 nă cau bơtờp kòp Covid-19 tàm 7 kơnhoàl mờ ƀòn dờng.

Cau mblàng K’Hạnh