VOV4.K’ho- Jat Anih tờm gròi sền kòp tê jê să càr Dăk Nông yal, kờp jơh khà cau bơtờp kòp Covid-19 tàm càr là rlau 1 rbô nă. Tàm khà do neh geh 855 nă cau bời kòp rê bơh hìu sơnơm, 7 nă cau chơt.

Pal đơs là tàm ƀòn dờng Gia Nghĩa pa git gŏ 8 nă cau bơtờp kòp tàm mpồl bơtiàn. Tàm hơ̆ geh 5 nă cau geh gơ rềng tus cau kòp geh git gŏ tàm ƀòn dờng Hồ Chí Minh mờ 3 nă cau là cau lơh broă hìu karaoke geh bơta gơ rềng bơtờp kòp bơh càr Dăk Lăk. Mpồl lơh broă geh gơnoar neh jòi cau ơm rềp sơbac mhar, đal git 120 nă cau F1, tàm hơ̆ 5 nă cau geh cồng nha xét nghiệm bơtờp mờ virus Sars Cov-2 mờ kỹ thuật RT-PCR. Gơ wèt mờ 3 nă cau là cau lơh broă hìu karaoke geh bơta gơ rềng bơtờp kòp bơh càr Dăk Lăk, tŭ do gah lơh broă geh gơnoar càr Dăk Nông gam lơh ngan jòi ală cau geh gơ rềng. Bơh sơn rờp đal git git nđờ jơt anih tàm Gia Nghĩa ală cau kòp do tus, tàm hơ̆ geh 2, 3 hìu karaoke, hìu nac.

Cau mblàng K’Duẩn