VOV4.K’ho - Ờ gơtùi càn priă ngân hàng, tu\ lơh hìu ơm ndrờm pal lơh ờm… hơ\ là mùl màl neh gơbàn bơh jo\ mờ gam gơbàn sùm tàm [òn Bu Nơr B, xã Quảng Tâm, kơnhoàl Tuy Đức, càr Dak Nông dê.

Geh bơta do là làng bol ờ geh ai sră ngui ù, tài UBND càr neh pơgồp jơh lăa bă ù lơh hìu ơm, ù lơh sa tàm [òn mu\t tàm dùl rơndăp broă ai anih lơh sa kă bro in ơpah ù ơpah brê. Tìs do gơbàn neh g^t nđờ 10 nam, mơya kung gam ờ hềt geh bơsong, gam lơh g^t nđờ rơhiang hìu làng bol tàm [òn Bu Nơr B gơbàn kal ke, ờ gơtùi lơh ală rơndăp broă lơh sa kă bro, sơlèt mờ rơ[ah.

                                               Dùl tiah tàm [òn Bơnơr B

Bu\ lah geh rơlao 2 lồ ù mìr mờ 4 sào ù sre, mơya hìu nhă mò Thị Mượt, 64 sơnam, kis tàm [òn Bu Nơr B, xã Quang Tâm kung gam gơwèt hìu rơ[ah. Mò Mượt pà g^t, ờ geh priă den tàng ù mìr 2 lồ hìu nhă mò mìng gơtùi tam bùm blàng, geh priă bơh broă tam bùm mblàng kung ờ uă sơl.

Hìu nhă kờ` càn priă bơh ngân hàng kờ` tam kơphe, mơya ù ờ gơtùi lơh sră ngui ù, den tàng ờ gơtùi càn priă. Do kung là bơta mờ mò Mượt ờ su\k ơm tài jơh ală bă ù mìr ù lơh hìu ơm ndrờm geh loh làng:

-Mò ồng lài do, bol a` dê kis bơh jo\ tàm bă ù do. Bơh lài do làng bol cau lơi kung mus brê lơh mìr. Bol a` kơ\p kờ` gơnoar atbồ ai tơl bơta niam kờ` lơh sră ngui ù ai ală hìu nhă in, kờ` làng bol ring niam tàm rài kis.

Jăt ồng Điểu Vinh, kuang atbồ [òn Bu Nơr B yal, tu\ do [òn geh 368 hìu mờ rơlao 60% hìu rơ[ah. Ờ geh cau lơi tàm [òn geh càn priă bơh ală ngân hàng kă bro, tài ndrờm ờ geh sră dờp ngui ù. Tu\ kờ` lơh hìu, làng bol kung pal “lơh ờm” tài gơnoar atbồ ờ ai sră lơh.

                                    Làng bol kis tàm[òn Bơnơr B kờ` gờ` geh lơh sră ngui ù

Geh ờ uă hìu geh ù jăt gah gùng dờng, kờ` tam gơl nàng tăc geh priă bơcri tàm broă lơh sa, mìr kung gơbàn rồn bơklơn priă tài ờ geh sră nggal. Jăt ồng Điểu Vinh yal, broă ờ ai lơh sră ngui ù neh lơh kal ke uă ngan tus mờ broă tơnguh bơtàu lơh sa làng bol tàm [òn do dê:

-làng bol kis tàm [òn Bu Nơr đơs, do là làng bol kis bơh yau mờ ờ geh sră, tàm tu\ làng bol bơh tiah ndai tus ơm kis den neh geh lơh sră ngui ù. Kơ\p kờ` geh gùng dà broă lơh, ai bơta niam kờ` [òn Bu Nơr là [òn làng bol kòn cau kis bơh yau gờ` geh sră ngui ù, kờ` rài kis geh niam, kờ` càn priă bơcri tàm broă lơh sa suơn sre, tơnguh rài kis làng bol in.

Jăt ồng Nguyễn Thành Trí, Chủ tịch UBND xã Quảng Tâm yal, ù tiah tàm [òn Bu Nơr B gơbàn kòl bơh nam 2008, tu\ UBND càr Dak Nông toh wơl brê mờ ù brê tàm xã do kờ` ai Công ty TNHH MTV Cao su Phú Riềng in ơpah.

Tài lơh broă ờ geh kơnòl, lơh [òn Bu Nơr B, tàm hơ\ geh bal ù lơh hìu ơm bal mờ ù lơh sa kung pơgồp bal tàm rơndăp broă ai anih lơh sa kă bro in, UBND xã Quảng Tâm neh dan mờ UBND kơnhoàl Tuy Đức, kơnhoàl Tuy Đức kung neh dan mờ UBND càr Dak Nông.

-Broă kờ` g^t ù bơh làng bol kis bơh yau den [uơn ngan. Tài làng bol kis bơh g^t nđờ rơbô nam do bloh. Xã kung neh dan mờ UBND kơnhoàl jào wơl mờr 300 lồ, tàm hơ\ geh bal ù lơh sa jăt bàr gah gùng. Đah xã neh bơyai lơh pơrjum kờ` yal sră nggal pơyoa tus mờ phòng tài nguyên dan ai sră jăt mờ kơrnoăt.

Tơnơ\ mờ ală jơnau dan bơh làng bol kis tàm [òn Bu Nơr B, gơnoar atbồ xã Quảng Tâm bal mờ kơnhoàl Tuy Đức nam 2017 UBND càr Dak Nông kung neh tơl^k uă sră nggal đơng lam Sở Tài nguyên mờ Môi trường, Sở Nông nghiệp mờ Phát triển Nông thôn bal mờ UBND kơnhoàl Tuy Đức sền wơl, lơh loh bơta geh tu\ do, mhar lơh gơs broă lơh sră nggal ngui ù yal mờ UBND càr Dak Nông k^ di mờ kơrnoăt neh ai.

Mơya tus tu\ do, broă lơh sră ngui ù làng bol tàm [òn Bu Nơr B kung gam ờ hềt geh ală anih lơh broă geh gơnoar tàm càr Dak Nông lơh sơl, lơh gơbàn ờ niam uă ngan tus mờ gơnoar kuơ bal mờ broă bơcri priă lơh sa kă bro làng bol dê.

Cau mblàng Ndong Brawl