VOV4.K’ho - Mờr 20 nam ơm kis kềng gah tơnau dà hìu ma\y pờ tơlik ồs đèng  dờng ngan tam gùl 2 càr Dak Lak mờ Dak Nông, tu\ do rlau 300 hìu nha\ làng bol kis tàm 2 [òn Phú Hoà, Phú Vinh, xã Quảng Phú, kơnhoàl Krông Nô, càr Dak Nông neh geh ồs đèng dà lơgar ngui. Ồs đèng rê tus tàm nhai prang, ờ mìng lơh jơh bơta duh tàm tơl hìu nha\, hìu bơsram mờ gam drơng geh đèng tuh dà sơndra\ prang chi tam in tàm tiah dòr làc ngài ngan do.

            Mò Vi Thị Đào kis tàm [òn Phú Vinh, xã Quảng Phú, kơnhoàl Krông Nô, ai git: hìu nha\ mò bơh Thanh Hoá mut tàm Dak Nông ơm kis neh mờr 20 nam do. Kis tàm tiah sar lơgar ngài, gùng lòt rê kal ke, ờ hềt geh ồs đèng den tàng rài gam bềng bơta  kal ke, siơ\u siar. Den tàng tu\ gùng che ồs đèng pa geh lơh, làng bol neh dan cih mat mờ  Ồs đèng Dak Nông nàng lơh che đèng mut tàm hìu, mờ ua\ ngan bơta kờp du\ tàm rài kis:

            Đơs  ngan la ờ geh đèng den bòl glar kal ke, bòl ngan! Ờ geh đèng àng nàng ơm kis, pơnyơu mho rê lơh broa\ mờ ờ geh àng den den kal ke ngan, kal ke tus rài kis pah ngai. Geh đèng den làng bol tàm do chờ ngan. Ngan do a` tus tàm do dan lơh đèng. Oh mi gah ồs đèng neh pơlam làng bol crap đèng tàm hìu nàng ngui.  Bơta sơnrờp la pờ àng, tơnơ\ hơ\ den  pờ tivi, bồ đĩa, tùh mriềt… he kung kờ` geh sơl. Tơnơ\ hơ\ he lơh sa tuh dà kơphe, tiêu in. Đơs ngan la geh ồs đèng den lơh sa bơtàu tơngguh.

            Pa mut tàm nhai prang, tàm ala\ ơdu\ bơsram bơh sơne\ Hìu bơsram kấp một Bế Văn Đàn, tàm [òn Phú Vinh, xã Quảng Phú, kơnhoàl Krông Nô, càr Dak Nông neh duh git lơh ngan. Hìu bơsram do geh tìp mờ rlo đang dòr bơnơm  làc ờ geh dùl tơm chi. Rơ\p tàm bùi drim, tơngai neh duh ngan lơh ùr pơgru mờ kơnòm bơsram gơlik kơlhề pơrhàl. Ùr pơgru Lang Thị Khăm bơto ơdu\ 1B, sơne\ hìu bơsram kấp một Bế Văn Đàn đơs bơta chờ ngan tài mờr geh blơi quạt crap đang lơ phong hìu tàm ơdu\ bơsram nàng geh càl puh hi lơh jơh bơta duh ai kơnòm bơsram in bơsram  sra\ mờ ua\ ngan bơta kuơ ndai:

            Tu\ do, neh geh ồs đèng bloh, hìu bơsram geh crap quạt ai kơnòm bơsram in nggui bơsarm, blơi glah tru\ piang mờ đèng ai kơnòm  bơsram ơm gùl ngai,  tơl đèng bồm dà ngui sa pah ngai kơnòm bơsram in. Geh ồs đèng bloh, ala\  cau pơgru lơh broa\ tàm  do kung chờ ngan ai làng bol 2 [òn Phú Vinh mờ Phú Hoà. Geh ồs đèng den làng bol geh  git wa\ rlau bè công nghệ thông tin, mang internet, rơzio, tơvi, tơl đềng pờ nàng den oh kòn geh bơsram sra\ niam rlau.

            Sơrlèt gan git nđờ jơt kơi sồ gùng kùel  kơh bơh thị trấn Dak Mâm mut tàm xã Quảng Phú, cau kuang, cau lơh broa\  Ồs đèng Krông Nô, Kong ti ồs đèng Dak Nông neh nhap nhar mut lơh ala\ bơta, crap đèng mut tàm hìu làng bol in tàm 2 [òn Phú Hoà mờ Phú Vinh. Ồng Bùi Văn Liên, kuang atbồ ồs đèng Krông Nô ai git,  broa\ lơh đèng do  tus 7 kơi sồ mơ gùl gùng che trung áp, 3 trạm biến áp mờ kờp jơh  pràn la 150KVA mờ 7 kơi sồ gùng che  hạ áp, nàng lơh  di bơta kờ` ngui đèng  ai rlau 300 hìu làng bol. Do la  dùl broa\ lơh ngan bơh broa\ lơh đèng tàm [òn lơgar  bơh gùng che ồs đèng dà lơgar geh  dong lơh lài xã tiah nhàr lơgar mờ tiah  ua\ ngan kòl yan kal ke tơngai bơh nam 2015-2020  jat quyết định bơh Thủ tướng Chính phủ geh mut lơh tàm Dak Nông:

            Mo tơnơ\ tu\ gùng che ồs đèng geh lơh gơs la bol a` geh dờp mo. Bol a` trơ gùm  cau kuang,  cau lơh broa\ tàm  do nàng crap đèng làng bol in, hìu lơi geh tơl bơta la bol a` crap mo tơn tàm ngai.  Ala\ hìu ờ hềt geh tơl den bol a` ai dùl mpồl tus crap jơh tu\ lơh gơs gùng jrong che ồs đèng. Tềng đap mat la lơh đèng ngui tàm hìu nha\, ai lơh broa\ sa ka\ bro den gơ jat bơta kờ` ngui  bơh làng bol bol a` geh lơh di bơta kờ` ngui hơ\.

            Ồng Võ Hoàng Phú, Chủ tịch UBND xã Quảng Phú, kơnhoàl Krông Nô ai git,  ala\ hìu sơnrờp  lot tus  lơh sa pa tàm tiah do neh mờr 20 nam. Lài do, làng bol  kis tàm dơlam tơnau dà hìu ma\y pờ tơlik ồs đèng Buôn Tua Srah, nhàr bal 2 càr Dak Lak mờ Dak Nông. Tơnơ\ hơ\,  geh trờ` ai tus kis tềng do mờ crơng gơs 2 [òn Phú Vinh, Phú  Hoà bơh nam 2016, mờ di 400 hìu, ua\ ngan la làng bol cau Mông, Thái, Tày. Geh bơta sền gròi bơh Chính phủ mờ càr Dak Nông, broa\ lơh đèng ai 2 [òn do in kis tàm tiah sar lơgar ngài neh geh mut lơh. Kong ti ồs đèng Dak Nông neh lơh mhar, di  tơngai ai  geh đèng lài mờ nhai prang, geh pơrya kuơ màng ngan nàng bơtàu tơngguh lơh sa-mpồl bơtìan xã dê:

            Làng bol kis tàm 2 [òn do geh ala\ hìu neh mờr 20 nam gơ bloh, tus tu\ do  hơ\ sồng geh đèng ngui. Lài do tu\ ờ hềt geh đèng làng bol bòl glar kal ke ngan. Ngai do lơh đèng tus  làng bol chờ ngan, ua\ cau go\ ngan bơta chờ. Broa\ lơh đèng ai 2 [òn do den kuơ màng ngan nàng bơtàu tơngguh lơh sa, ròng phan,  tam chi kờp bal geh ma\y  ma\y phan lơh bơh lơh sa mờ ala\ broa\ ndai, khà dà tuh, um tu,  khà dà ngui sa nàng làng bol iang nùs bơtàu tơngguh lơh sa.

             Mờr 20 nam ơm kis tàm ù tiah pa,  bulah ngài, gùng lòt  gam kal ke, mơya bơh bơta  sền gròi bơh Chính phủ,  ồs đèng dà lơgar neh tus tơl hìu 2 [òn Phú Hoà, Phú Vinh, xã Quảng Phú, kơnhoàl Krông Nô, càr Dak Nông. Ồs đèng neh rê tus di pal tàm nhai prang, ờ mìng lơh jơh duh tàm tơl hìu, hìu bơsram mờ gam drơng bồm dà tuh chi tam in, di pal bơta kờ` lơh sa, pờ nàng  ai tus  bơtàu tơngguh lơh sa- mpồl bơtìan tàm tiah ua\ ngan kal ke do.

          Cau mblàng K’ Brọp