VOV.K’ho-Tiah ơm kis là broă ờ kal ke lơh tàm uă ngan jơh ală tiah tàm càr Daklak dê tu\ bơ\t bơtàu [òn lơgar pa. Mơya, tàm kơnhoàl Krông Ana broă do gam gơlơh wơl là bơta kal ke ngan lơh geh gơ wèt tus mờ bàr pe xã, tài bơh geh uă bơnhă lơh găc mờ tê. Nàng bơsong jơnau do, gơnoar atbồ tiah do neh sơlơ gròi sền ngan, sồr pal tam gơl broă lơh bơh ală anih lơh sa do dê, kờ` lơh geh broă tiah ơm kis tàm broă lơh jơnau kờ` dà lơgar bơ\t bơtàu [òn lơgar pa.

{ùi drim tàm nhai prang, trồ tiah àng sơndah mờ mrềt niam ngan mơya tàm [òn Mlớt, xã Ea Bông, kơnhoàl Krông Ana, càr Daklak dê kung gam klam jơngo sơl tài bơh nhhu\ gơ dô bơh ală bơnhă ồs chu lòng lơh găc mờ tê.

Bi H’Loa Bkrông, cau rơđê, kis tàm [òn Mlớt, pà git: mờr 10 nam do, ngai lơi hìu bơnhă kung pal rơhềp nhhu\, thul kơmbuh ù bơh ală bơnhă chu ồs lơh găc, ờ niam ngan. Chi che tàm sươn kung gơtìp aniai sơl, mờ tờm prìt gơ kung kal ke ngan gơtùi kis dờng sơl:

Nhhu\ thul kơmbuh bơh chah lu\ bơh bơnhă lơh găc dê gơ par gơkuar tàm tờm kơphê ờ gơtùi lì geh bơkàu, geh tu\ là tờm prìt tam gơtìp croa` ờ dờng. Ai tiah ơm kis bơh làng bol dê den [ơ\ [ơl ngan, làng bol tàm [òn gơtìp kòp jê sùm, as sồt klờm soh kung uă sơl.

Broă lơh bơh ală bơnhă lơh găc mờ tê tàm kơnhoàl Krông Ana dê ờ mìng lơh aniai tus tờm chi tam lơm gời ờ mờ gam lơh aniai tus pràn kơldang să jan, mờ rài kis pah ngai mờ lơh kal ke tàm broă lơh sa, kă bro tàm tiah do dê.

Gùng lòt tàm [òn gơtìp thul kơmbuh ù uă ngai tài bơh rơndeh pơndiang ù kơnềt lơh găc lòt rê sùm

Pah ngai, rơndeh pơndiang ù kơnềt bơh sre jun tus hờ bơnhă lơh găc, hơ\ sồng pơndiang wơl tai găc kiă lòt tăc, lơh thul kơmbuh uă ngan lơh klam jơngo jơh gùng lòt 2 tàm càr, gơl lòt gan xã Ea Bông. Bi Lê Thị Loan, cau tờm hìu ràng tăc phan tàm [òn Mlớt, xã Ea Bông, pà gi\t:

A` ràng phan tàm do neh bơh uă nam do, pah dơ\ tus kàl prang rơndeh cau dê pơndiang ù, pơndiang găc lòt gan thul kơmbuh ù gơmu\t tàm hìu gơkuar đềr uă ngan tàm jơh ală phan bơna tàm hìu.

Hìu bơnhă pal til mpồng gùt ngai sùm mơya kung ờ go\ gơtùi sơl, dùl ngai jùt hìu jùt đam uă dơ\ sùm gơlơh bòl ngan, mờ gam tai nhhu\ thul kơmbuh ù gơpar gơmu\t tơn tàm hìu he rơhềp di gơtìp as sồt rơnồng dờ gùt nam sùm. Kơ\p kờ` ală kơnă ală gah lơh broă mhar dong làng bol bol a` kơryan bơnhă lơh găc do, dilah ờ den là làng bol bòl glar ngan.

Jat tơrgùm kờp bơh gah lơh broă geh gơnoar dê, tàm ù tiah kơnhoàl Krông Ana, càr Daklak geh mờr 100 anih lơh găc kiă, mờ rlau 250 bơnhă, găc kiă lơh geh pah nam pơgăp 250 tơlak nơm.

Ală bơnhă lơh găc tơrgùm uă ngan tàm 3 xã, tàm hơ\ geh: Ea Bông, Bình Hoà mờ thị trấn Buôn Trấp. Jơh ală bơnhă lơh găc tàm do ndrờm chu mờ tê ngui uă phan chu bơh lòng halà chah lu\, den tàng nhơm [ơ\ gơ dô, nhhu\ thul kơmbuh gơ dô lơh [ơ\ [ơl tiah ơm kis uă ngan, aniai tus pràn kơldang să jan, rài kis mờ broă lơh sa, kă bro.

Bơnhă lơh găc chu mờ chah geh lơh rềp kềng tơn hìu làng bol dê tàm kơnhoàl Krông Ana

Ồng Nguyễn Xuân Khu, Chủ tịch Ủy ban Nhân dân xã Ea Bông, kơnhoàl Krông Ana, càr Daklak pà gi\t, ngan tài bơh broă lơh lơh [ơ\ [ơl tiah ơm kis bơh ală bơnhă lơh găc dê neh lơh gơrềng tus broă lơh geh jơh ală broă bơ\t bơtàu [òn lơgar pa bơh xã dê. Tus tu\ do, xã neh jơh lơh 12 tàm 19 broă; tàm 7 broă gam wơl den tiah ơm kis là broă bòl glar ngan:

Bè broă tiah ơm kis tàm xã den xã gam tìp uă ngan kal ke tài bơh tàm xã geh 41 anih lơh găc buh mờ pơgăp 165 bơnhă gam lơh broă. Tơngai lài, UBND càr neh geh sră nggal sồr ơm ing ờ go\ di lơh tai phan ngui lơh broă, ală anih lơh broă do mìng gam chu phan ngui geh jòi lài hơ\, jơh den pal ơm mờ kơ\p kơrnoat pa bơh Dà lơgar dê.

Bulah UBND càr Daklak neh geh kơrnoat bơh nhai 12/2014, tơn jơh broă lơh lơh găc ù kơnềt buh mờ bơnhă lơh mờ tê tàm ù tiah càr, mơya bơta geh ngan kung gam lơh broă sơl. Mờ jat tu\ tơngai lơh broă bơh UBND càr Daklak dê ai, den tus nam 2020, ală bơnhă lơh găc lơh [ơ\ [ơl tiah ơm kis pa lơh jơh broă tam gơl tus lơh găc bơ\t hìu đam ờ go\ buh.

Bè hơ\, êt ngan kung là gam 3 nam tai, ală bơnhă găc lơh mờ tê lơh niam wơl, bơnhă ntàu sùm mờ bơnhă pơdar ngui phan chu gơs lu\ kung gam lơh broă sơl, mờ pơn jat tai lơh [ơ\ [ơl tiah ơm kis. Jơnau do ờ mìng lơh gơrềng tus broă tàm bơ\t bơtàu [òn lơgar pa mờ gam gơrềng tơn tus tiah ơm kis, rài kis mờ broă lơh sa bơh làng bol dê tai.

Cau cih mờ yal tơngi\t- Lơ Mu K’Yến