VOV4.K’ho - Broa\ lơh dà lơgar bè bơt bơtàu [òn lơgar pa tàm Daklak neh cèng wơl cồng nha loh ngan, ngan la broa\ geh lơh ngan bơcri lơh phan bơna lơh muh mat [òn lơgar geh niam rlau, rài kis bơh làng bol geh bơtàu tơngguh. Kơnòm bơsram tàm [òn lơgar lài do sùm gơbàn ờ tơl srap bơta bè bơsram bơh ala\ kal ke bè gùng lòt, hìu bơsram, ơdu\ bơsram den tu\ do neh geh bơta chờ tài phan bơna hìu bơsram neh geh lơh tàm broa\ lơh bơt bơtàu [òn lơgar pa.

Hìu bơsram mầm non Tuổi Ngọc, thị trấn Ea Pốk, kơnhòal Cư\ Mgar tu\ do neh geh 6 ơdu\ bơsram,  hìu cau atbồ, cơldu\ lơh broa\, hìu bềp tru\ sa, phan nhơl, phan ngui… Ùr pơgru Đinh Thị Thu Thủy atbồ hìu bơsram chờ ngan tài bơh tu\ do, ala\ pơgru mờ ala\ sau tàm hìu bơsram neh  klàs mờ broa\ neh pal jồm ing hìu van hoa\ tàm ala\ [òn nàng lơh hìu bơsram:

Geh bơta sền gròi bơh kấp uỷ mờ gơnoar atbồ [òn lơgar neh lơh gơs hìu bơsram mờ 6 ơdu\ bơsram mờ ala\ cơldu\ lơh broa\  ndai kung neh lơh di bơta kờ` bal tài nam do hìu bơsram pa geh tơl ơdu\ bơsram mờ ala\ ơdu\ lơh broa\ ndai. Den tàng neh lơh di bơta kờ` pơyua kòn bơh làng bol tàm thị trấn mờ ngan la bơta chờ hờp ngan tus mờ pơrgu mờ kơnòm bơsram tàm hìu bơsram.

Geh bal  bơta chờ bơh cồng nha bơt bơtàu [òn lơgar pa,  bơh nam bơsram 2015-2016, cau kuang, cau pơgru, kơnòm bơsram Hìu bơsram kấp hai Trần Quang Diệu, xã Ea Kuếh, kơnhòal Cư\ Mgar neh geh hìu bơsram niam, mờ 30 ơdu\ bơsram, cơldu\ lơh broa\ atbồ mờ  cơldu\ mut lơh bơta bơsram. Pơgru Phạm Hồng Tuấn,  Phó  kuang atbồ hìu bơsram ai  git,  bơh broa\ bơcri phan bơna, hìu bơsram neh bươn bòai tàm broa\ tam gơl broa\ bơto, geh lơh bal bơh bơto bơta chài mờ bơto bơta  rgơi kis lơh geh  gah bơto bơtê bơsram niam, rềp mềr mờ  kơnòm bơsram:

Hìu  bơsram mờ jơh ala\ cau pơgru, mè bèp kơnòm bơsram, kơnòm bơsram, gơnoar atbồ  [òn lơgar chờ ngan tu\ dờp geh bơta sền gròi bơh  càr, bơh kơnhòal neh lơh geh hìu bơsram 3 ròt hìu 2 cờ`. Bơh ngai mut nam bơsram pa tus tu\ do, Hìu bơsram chờ ngan mờ trơ wơl wơl bơta sền gròi bơh càr, bơh kơnhòal bol a`  ngui geh kuơ hìu bơsram do.

Ồng Trương Văn Chỉ, Chủ tịch UBND kơnhòal Cư\ Mgar ai git,  bal mờ hìu bơsram mâm non Tuổi Ngọc mờ hìu bơsram  kấp hai Trần Quang Diệu, tàm 6 nam bơt bơtàu [òn lơgar pa, kơnhòal neh lơh bal ngan bơh ua\ khà pria\ nàng geh lơh niam, lơh pa rlau 200 ơdu\ bơsram tàm ala\ hìu bơsram tiah kal ke:

Broa\ geh lơh niam wơl tàm hơ\ geh xã Cuôr Đăng geh hìu bơsram mầm non 10-3. Ngan la tàm xã Ea Quế geh hìu bơsram  bơh bơta sền gròi  bơh càr bơcri lơh mờ khà pria\ ua\ ngan tus tu\ do neh lơh gơs broa\ crap gam tơngai dơ\ 2 la phan ngui tàm hìu bơsram,  do la ala\ hìu bơsram go\ ngan tus mờ broa\ lơh phan bơna hìu bơsram tàm broa\ lơh bơt bơtàu [òn lơgar pa.

Mờ Broa\ lơh dà lơgar bè bơt bơtàu [òn lơgar pa, kơnhòal Cư\ Mgar neh geh 32 hìu bơsram geh lơh pa hala  geh lơh niam wơl, pờ ơnàng jat broa\ lơh tơl khà dà lơgar. Ala\ broa\ lơh geh pơrya kuơ màng do neh lơh geh bơta chờ, bơta gơ rề nàng làng bol, cau kuang, cau pơgru iang nùs drơng gàr rlau tai tus gah bơto bơtê mờ bơsram tàm [òn lơgar  la bơrnàng nàng bơtàu tơngguh khà bơto mờ bơsram.

                          Cau cih mờ yal tơnggit K’ Brọp