VOV4.K’ho - Mờ tơl tùh sra\ geh ơn tàm  ơdu\ bơsram hala tàm blàng hìu bơsram, ala\ tùh sra\  ơdu\ bơsram neh dong ala\ kơnòm bơsram tàm Daklak geh tai bơta chờ pa bơdĩh mờ tu\ jiơ bơsram. Ờ mìng geh lơh geh bơta kờ` sền sra\  bơh ala\ oh, broa\ lơh do gam pơ gồp ngan ai ala\ pang sra\ tus hờ kơnòm bơsram ờ di gơ ơm mìng tus hìu sền mờ prap sra\.

Tàm nđờ ngai do, jiơ lik nhơl bơh ala\ kơnòm bơsram hìu bơsram kấp một Nguyễn Chí Thanh, xã Ea Kpam, kơnhòal Cư\ Mgar, càr Daklak gơ lơh ờ  hoan nggồr rlau bè pah dơ\. Ơla tàm broa\ nhơl nho\ sơnđoh ntoat, ala\ oh geh ơm  ur gơs mpồl nggui sền sra\. Ala\ sra\ yal yau hala sra\ geh yal bè cau jak chài, cau khin cha rài dà lơgar sùm geh ala\ oh jòi sền ua\ ngan. Oh Nguyễn Mai Anh Thư kơnòm bơsram ơdu\ 4B ai git sền sra\ la dùl broa\ lơh nàng oh lơh rài bồ tơngoh mờ jòi wa\ git tai bè bơta niam bơh tàm jơnau yal:

Oh kờ` ngan sền sra\, oh sùm sền sra\ bè dunia phan chi che, oh ùr tac kùet, hìu gơlang bơh sềm cêk, mờ gam ua\ yal yau ndai tai. Oh sùm sền sra\ hờ hìu bơsram tàm tu\ lik nhơl mờ tàm hìu prap sền sra\. Oh chờ ngan mờ kờ` geh git geh  bơh ala\ jơnau cih tàm sra\. Ala\ tu\ ru den oh geh sền sra\ nàng nùs nhơm gơ niam, rài sa\ bồ.

Tùh sra\ geh ơn tàm tơl ơdu\ bơsram bơh hìu bơsram kấp một Nguyễn Chí Thanh geh 55 tus 80 pang sra\, mờ ua\ ngan bơta sra\ bè: sra\ lịch sử, khoa học,  bơta chài kis, gàr sơntìl nùs nhơm… di pal ngan mờ sơnam gam lòt bơsram tàm ala\ khối bơsram. 26 tùh sra\ mờ rlau 1.400 pang sra\, kờp pria\ geh tus mờr 36 tơlak pria\ la  cồng nha bơh srơh broa\ lơh bơt bơtàu Tùh sra\ ơdu\ bơsram bơh ala\ mpồl kơnòm bơsram bơh hìu bơsram tàm nam  bơsram 1986-1990 bơyai lơh ta\ pơ gồp mờ rwah, mut lơh jat  broa\ lơh ‘’Sra\ gơ rờm bal mờ [òn lơgar’’.

Mò Bành Thị Thuận, Hiệu trưởng  hìu bơsram kấp một Nguyễn Chí Thanh ai git, ala\ nam bơsram lài hìu bơsram neh geh hìu prap mờ sềnn sra\ mơya khà sra\ den ờ ua\,  tơnggu me  sra\ den ờ li la den tàng ờ hềt lơh di bơta kờ` sền sra\ bơh kơnòm bơsram mờ cau pơgru. Nam bơsram do,  tu\ geh ‘’Tùh sra\ ơdu\ oh’’ geh ơn tàm ơdu\, hìu bơsram geh bơyai lơh ua\ ngan broa\ lơh, pơr lòng bơh ala\ ơdu\ nàng tơngguh bơta kờ` sền sra\ bơh ala\ oh dê:

Geh bơyai lơh lơh mbè lơi khà sra\ do ala\ oh geh sền slơ ua\ slơ niam. Bơyai lơh ala\ jiơ sền sra\, gơtùi la pơr lòng bơh ơdu\ do mờ ơdu\ ne. Ala\ oh rơp sơnđờm sền mơya neh go\ bơto bơtê ua\ ngan, ngan la geh ua\ sra\ bơto bơtê bơta chài nàng ala\ oh  kờ` jòi git wa\. Geh lơh mbè lơi nàng bơyai lơh geh cồng nha mờ geh ngui geh cồng nha sra\ do mờ kung kơp kờ` sra\ do geh slơ ua\ rlau.

   Ồng Hà Ngọc Đào, Kuang atbồ Hội khuyến học càr Daklak ai git,  tàm ala\ nam do, geh bơta sền gròi bơh mpồl bơtìan mờ ala\ cau dong kờl bal, bơh broa\ lơh sra\ ma\y  lơh bal tàm [òn lơgar, git nđờ rbô pang sra\ neh geh ai tus tềng kơnòm bơsram tàm càr, ngan la kơnòm bơsram tàm tiah sar lơgar ngài. Kơnờm bơh hơ\, khà cau sền sra\ tàm pơgru mờ kơnòm bơsram tàm ala\ hìu bơsram neh gơguh, kờp bal pah nhai dùl na\ cau pơgru jồm geh rlau 3 pang sra\, pah na\ kơnòm bơsram jồm geh rlau 4 pang sra\. Tàm dơ\ pơr lòng cih bè sra\ bơh hìu bơsram bơyai lơh geh gal ngan kơnòm bơsram tus bal mờ geh khà jơnhua, ngan la ala\ kơnòm bơsram  kòn cau. Mìng is tàm nam do, Vụ thư viện di Bộ Văn hóa-Thể thao mờ Du lịch neh bal mờ  broa\ lơh jàu pà 180 tùh sra\ ơdu\ bơsram ai ala\ hìu bơsram kấp một mờ kấp hai tàm 12 kơnhòal tàm càr, pơ gồp geh lơh ua\ broa\ lơh tus gùt car, nàng kờ` slơ geh ua\ kơnòm bơsram sền sra\ tơn tàm ơdu\ bơsram:

Broa\ lơh do gah bơto bơtê mờ bơsram mờ hội khuyến học neh lơh nđờ nam  do bloh mờ kung neh  bơh sơnrờp cèng wơl cồng nha niam. Broa\ lơh mờ a` geh tus bal hơ\ la ai sra\ geh tus mờ kơnòm bơsram ờ go\ di mìng tus hờ  hìu sền mờ prap sra\. Den tàng geh ua\ ngan  mpồl bơh hìu bpssram neh ai sra\ lik bơdĩh blàng hìu bơsram, ai ala\ oh jồm sra\ rê hờ hìu sền. Ờ mìng lời ala\ oh in sền mờ  oh mi mè bèp ala\ oh kung sền bal sơl nàng cèng wơl bơta kuơ màng ngan ngồn  tus mờ pang sra\.

Tus mờ ala\ hìu bơsram  ờ hềt geh tùh sra\ ai tus ala\ ơdu\, hìu bơsram geh lơh geh tùh sra\ geh ntrờn làm, ai tùh sra\ ơn tàm blàng  nhơl hìu bơsram tàm tu\ lik nhơl. Ờ mìng sền sra\, ua\ kơnòm bơsram gam geh lơh is ta\ pơ gồp sra\ he dê tơmut tàm tùh sra\ bơh hìu bơsram nàng lơh li la tai sra\ nggal tu\ do geh. Bal mờ hơ\,  tơnơ\ pah dơ\ sền sra\ jơh, ala\ oh geh khòm rơndap niam wơl, ơn niam wơl tàm tùh, bơh tềng hơ\ geh dong ala\ oh geh git wa\ broa\ sền gàr is, sền gàr sra\  mờ phan bơna bal dà lơgar.

                         Cau cih mờ yal tơnggit K’ Brọp