VOV4.K’ho - Bơt bơtàu, tơngguh pràn broa\ lơh bơh ala\ hợp tác xã broa\ lơh pa mờ ala\ tổ hợp tác tàm [òn lơgar, gam ai go\ geh cồng nha loh ngan tàm bơt bơtàu [òn lơgar pa tàm ua\ tiah tàm càr Daklak. Ua\ hợp tác xã tàm khà do neh lơh sir is bơh broa\ rcang phan bơna mut lơh, tus mờ bơyai lơh sa mờ jòi geh drà ka\ bro ai tus phan lơh geh, pơ gồp  tơngguh cồng nha  lơh sa, bơta kơljap bơh broa\ lơh sa suơn sre, la tiah trơ gùm,  tam klac bơh cau lơh broa\ sa, bơsong geh cồng nha ua\  bơta ngan tàm ala\ [òn.

Kung lơh kòi, tam bùm, kung mut lơh ala\ broa\ lơh bơh cau lơh broa\ sa tàm suơn sre, mơya tơl kàl lơh sa bơh cau lơh broa\ sa xã Quảng Điền, kơnhoàl Krông Ana, càr Daklak geh lơh krơi is bơh ua\ tiah tàm càr. Ua\ ngan ala\ cau lơh broa\ sa tàm do la xã viện bơh ala\ hợp tác xã lơh broa\ sa suơn sre den tàng ala\ bơta lơh sa drờm geh kờp du\ nền nòn ngan, dipal ngan. Broa\ sih tam, broa\ tơnhàu pah dơ\ drờm geh bơyai lơh mhar ngan,  tàm bơta kờp du\ geh kuơ ngan ngồn. Ồng Nguyễn Văn Hoàng cau lơh broa\ sa tàm hợp tác xã Thăng Bình 1 ai git,  lơh broa\ bal tàm hợp tác xã, lơh broa\ geh kờp du\ nền nòn mờ rơndap broa\ nền nòn ngan  den tàng làng bol  di nùs ngan:

Lài mờ mut lơh sa tơl kàl, hợp tác xã neh pơrjum làng bol  nàng ring bal Nghị quyết bơh hờ đang tus, bơh kơnhoàl tus geh broa\ lơh bơyai sih tam ngai lơi,  dà ia mbè lơi la hợp tác xã geh drơng tơl, mờ ala\ bơta sih tam den he jat hợp tác xã tài khi lơh bè hơ\ la gơ geh di pal bal.

Xã Quảng Điền, kơnhoàl Krông Ana, càr Daklak geh rlau 1 rbô lồ ủe lơh kòi mờ tam phan, ua\ ngan drờm  tàm tiah lơh sa bơh 2 hợp tác xã lơh broa\ sa suơn sre la hợp tác xã Điện Bàn mờ hợp tác xã Thăng Bình 1. Ua\ ngan cau lơh broa\ neh  trơ gùm bal tàm hợp tác xã, tơl ala\ broa\ geh bơyai lơh nền nòn ngan, jat rơndap broa\ nền nòn den tàng cồng nha lơh sa geh bơtàu tơngguh. Bơh tu\ geh hợp tác xã mờ geh ròt bơtơt àr gàr broa\ lơh sa,  cồng nha lơh sa gơ guh bơh 4 tus 6 dơ\. Tàm hơ\,  geh kờp bal bơh lơh kòi gơ guh mơ gùl, geh bơh tam phan tam kờl bồ jơnhua bơh 3 tus 4 dơ\ pơndrờm mờ lơh kòi. Broa\ lơh bal tàm lơh sa neh  lơh đềt mềr tàm làng bol rlau,  rlau mờ hơ\ tai git gơp cau rềp hìu, [òn  bal niam bơne\ rlau. Bơh hơ\,  broa\ mut lơh ua\ broa\ jàu tàm bơt bơtàu [òn lơgar pa kung bươn boài rlau. Ồng Đoàn Công Bình atbồ hợp tác xã lơh broa\ sa suơn sre Thăng Bình 1, kơnhoàl Krông Ana, càr Daklak ai git:

Lơh di adat geh ala\ cau tàm mpồl bơh hợp tác xã geh kờ` bal ta\ pơ gồp phan bơna he dê nàng geh lơh broa\, cèng wơl cồng nha bal bơtàu tơngguh rài kis làng bol bè tam gơl ờ ua\ broa\ lơh bơh lơh kòi gơs tam bùm lô, dơ\ 2 la lơh broa\ tac phơng la bol a` geh lơh bal mờ kong ti  lơh phơng cèng phơng niam ngan rê tac ờ sa cồng ai tus tàm tàm  xã viên, kung bè ala\ broa\ lơh ka\ bro sơntìl  ai ala\ sơntìl sơndra\ kòp jơnhua ngan, khà niam bơh phan bơna niam tàm lơh sa kờ` tơmù bà pria\ jền, tơngguh geh ai tus ala\ cau tàm mpồl kung bè  cau xã viên in. Bơh hơ\ geh pơ gồp nàng xã he dê geh lơh gơs ala\ broa\ lơh [òn lơgar pa.

Tus tu\ do,  gùt càr geh rlau 170 hợp tác xã lơh broa\ sa suơn sre, tàm hơ\ 108 tàm 152 xã neh lơh tơl broa\ lơh 13 bè [òn lơgar pa la geh tổ hợp tác, hợp tác xã gam lơh broa\. Ala\ hợp tác xã lơh broa\ sa suơn sre ua\ ngan la lơh broa\  ai geh ka\ bro phan nàng lơh sa bè phơng tuh, sơnơm tu, rơndeh lơ òr sre, tam jàu kông nghệ khoa học kỹ thuật. Bơh broa\ geh lơh niam ala\ broa\ lơh he dê bơh ala\ hợp tác xã, geh cèng wơl cồng nha lơh sa mờ cèng wơl cồng nha kuơ mpồl bơtìan. Tàm broa\ lơh bơt bơtàu [òn lơgar pa, ala\ hợp tác xã gam  pơ gồp ai  [òn lơgar lơh geh ala\ khà broa\ lơh bè pria\ jền geh, cau lơh broa\ geh broa\ lơh, tơmù rbah, ờ do ờ da\ tàm mpồl bơtìan. Ồng Nguyễn Thiên Văn kuang atbồ Liên minh hợp tác xã càr Daklak ai git:

Tàm bơt bơtàu [òn lơgar pa broa\ lơh sồ 13, ala\ xã pal geh hợp tác xã hala ala\ tổ hợp tác hala geh bơta lơh bal bơh  cau lơh broa\ sa mờ mpồl lơh sa ka\ bro nàng bơtàu tơngguh lơh sa den ala\ hợp tác xã  geh dong kờl pràn ngan tus broa\ bơtàu tơngguh lơh sa bơh ala\ mpồl geh jơng geh ai ala\ broa\ lơh ka\ bro sơntìl, phơng ngan mờ dong kờl ka\ bro phan bơnah lơh geh  làng bol lơh sa in mờ neh geh ala\ cồng nha ai go\ niam ngan tàm broa\ ta\ pơ gồp bơt bơtàu ala\ broa\ lơh phan bơna kuơ mpồl bơtìan tàm tiah kis mờ geh  pơ gồp bal bơtàu tơngguh pria\ geh làng bol lơh sa in.

Bal mờ adat hợp tác xã nam 2012, ala\ hợp tác xã tàm Daklak  đơs bal mờ hợp tác xã lơh broa\ sa suơn sre đơs is gam rhời geh rơndap tam gơl pa. Ua\ hợp tác xã pa crơng gơs neh  rhời geh lơh rcang lài is brồ guh gơs la anih pin dờ` cau lơh broa\ tàm mpồl mờ làng bol. Geh hợp tác xã lơh broa\ geh cồng nha làng bol geh bơyai lơh sa niam la bơrnàng  nàng ala\ [òn lơgar tàm càr mut lơh ala\ broa\ lơh ndai buơn boài tàm bơt bơtàu [òn lơgar pa.

                                      Cau cih mờ yal tơnggit K’ Brọp