VOV4.K’ho – Lơh jat dơ\ lam sồr “Ngai tài cau r[ah” mang ngai 15/10, tàm xã Ea Kiết, kơnhoàl Cư\ Mgar, càr Daklak geh lơh dơ\ đơs crih tam ya “Ngai tài cau r[ah”.

Dơ\ lơh đơs crih tam ya do neh hòi jà ală mpồl lơh sa kă bro, cau geh nùs nhơm niam tă pơgồp geh rlau 200 tơlak priă, jàu kơrnoat lơh 4 nơm hìu tam klac dờng; pà 26 nơm rơndeh coh ai kơnòm bơsram geh rài kis kal ke bơsram jak in; jàu khà priă 60 tơlak dong kờl blơi kơnrồ me ai 6 hìu bơnhă geh rài kis kal ke uă ngan in.

Mpồl bơyai lơh pà rơndeh coh ai kơnòm bơsram r[ah in

Lơh jat dơ\ lam sồr “Ngai tài cau r[ah”, tơngai lài, xã Ea Kiết, kơnhoàl Cư\ Mgar neh lơh geh 510 tơlak priă, lơh geh 17 nơm hìu Tam klac dờng mờ hìu bơta nđàc; pà rlau 1.400 bơnah phan ai kơnòm bơsram mờ cau kra geh rài kis kal ke in; dong kờl 60 nơm kơnrồ me.

Ală hìu r[ah dờp quyết định lơh hìu tam klac dờng

Ồng Nguyễn Đình Hiệp, Kuang atbồ Ủy ban Nhân dân xã Ea Kiết, pà gi\t, geh bơta dong kờl bơh ală mpồl lơh sa kă bro, cau geh nùs nhơm niam dê, uă hìu bơnhă r[ah geh tai priă jền bơtàu tơnguh lơh sa, tơl ngui tơl sa tàm rài kis. Ồng Nguyễn Đình Hịêp, đơs:

“Pah nam, xã lơh niam broă lơh tơrmù r[ah, nam do, bơh broă lơh do neh lơh geh bơta gơrề uă tàm jơh gùt xã mờ làng bol bal mờ mpồl lơh sa kă bro neh geh bơta lơh bal mờ gơnoar atbồ tiah do, lơh broă lơh tơn jơh jơgloh tơrmù r[ah. Pah nam, xã tơrmù bơh 3-4% khà hìu r[ah. Nam do geh lơh ngan jơh nùs ai broă tơrmù hìu r[ah gơmù gam 7% nàng lơh geh tơl khà [òn lơgar pa”.

Cau cih mờ yal tơngi\t-Lơ Mu K’ Yến