VOV4.K’ho - Tàm broa\ lơh dà lơgar bơt bơtàu [òn lơgar pa geh 2 broa\ lơh geh gơ rềng tơn tus gah bơto bơtê mờ bơsram la broa\ lơh sồ 5 bè hìu bơsram mờ broa\ lơh sồ 14 bè bơto bơtê mờ bơsram. Cau ai tơnggit jơnau đơs Việt Nam lơh broa\ tàm Tây Nguyên neh geh dơ\ tìp mờ lùp jơnau mờ ồng Bùi Hữu Thành Cát - Phó kuang atbồ Sở giáo dục mờ Đào tạo càr Daklak bè ala\ broa\ lơh ngan gah do dê tàm broa\ mut  lơh 2 broa\ do tàm càr.

-Ơ ồng,  tàm tơngai lài do, gah bơto bơtê mờ bơsram càr Daklak neh lơh geh ala\ cồng nha lơi tàm broa\ mut lơh bal broa\ lơh bơt bơtàu [òn lơgar pa tàm càr?

Ồng Bùi Hữu Thành Cát: Mờ la cau geh jơng tàm Mpồl lam sồr bơt bơtàu [òn lơgar pa càr dê, gơ wèt mờ gah  bơto bơtê mờ bơsram bol a` neh nhap nhar  dong broa\ mờ Mpồl  lam sồr càr kờ` geh mut lơh ala\ broa\ lơh sồ 5 bè hìu bơsram la  bơt bơtàu phan bơna hìu bơsram, phan ngui bơsram. Kờp tus jơh nhai 6 nam 2017 pa do, khà cơldu\ bơsram lơh kơljap gùt càr geh tus 65%, tàm hơ\ kai bơsram mầm non mờ kấp một mìng rơp geh 53 tus 54%, 69 tàm 152 xã tơl khà lơh  gơs broa\ sồ 5.

Bè broa\ lơh sồ 14, den tàm nam 2016 pa do, den Bộ giáo dục mờ đào tạo neh lòt sền mờ geh dờp càr Daklak tơl khà geh bơto bơsir kai bơsram mầm non kơnòm dềt 5 sơnam. Bè broa\ bơto bơsir kai bơsram kấp một di sơnam den tu\ do càr bol he kung neh lơh gơs broa\ geh ai bơto do mờ gam lơh ngan geh lơh gơs  tàm khà 2 mờ khà 3. Mờ gơ wèt mờ hìu bơsram kấp  hai den kung neh lơh geh khà bơto bơtê bơsir jơh kai bơsram kấp hai. Mìng is bơto cau ờ git sra\ den tu\ do tàm gùt càr geh tus khà cau tàm sơnơm git  sra\ pa mìng tus 95%.

-Bè hơ\, ala\ kal ke mờ càr Daklak gơbàn tàm broa\ lơh mut lơh 2 broa\ lơh do la broa\ lơi, ơ ồng?

Ồng Bùi Hữu Thành Cát: Ơi tàm  broa\ lơh mut lơh ala\ broa\ lơh sồ 5 mờ broa\ lơh sồ  14 den bol a`  go\ geh  ờ ua\ bơta kal ke bè tơnơ\ do, lài jơh la tus mờ broa\ lơh sồ 5 hơ\ la bơt bơtàu hìu bơsram mờ phan bơna ngui tàm hìu bơsram den tu\ do gùt càr mìng rơp tus 65% khà ơdu\ bơsram geh lơh kơ\ kơljap, tàm hơ\ mầm non mờ kấp một  gam lơh geh  lơyah ngan, mìng rơp geh  bơh 53 tus 54%, gam ua\ ngan ơdu\ bơsram bơsram jồm bơsram ing tàm  kai bơsram mầm non mờ kấp một.  Ta\ dia geh bơh [òn lơgar  tàm ala\ nam rềp do den gơlin ờ ua\, den tàng broa\  bơcri lơh ala\ hìu bơsram  ơdu\ bơsram jat broa\ lơh kơljap den gơbàn ua\ ngan kal ke. Mờ ala\ kơnhòal, [òn dờng, ala\ kơnhòal ta\ dia kung lơyah den tàng bơta do geh sền la dùl kal ke dờng ngan. Bol a` kung nhap nhar ngan dong broa\ mờ càr nàng trơ gùm geh ala\ bơta geh bơh tàm mpồl bơtìan lơh bal.  Mờ broa\ lơh sồ 14 den bol a` pơnjat tai geh mut lơh mờ broa\ lơh lùp sền, trơ gùm sền nàng geh jơnau đơs do jat broa\ lơh  bơto bơsir wơl tàm ala\ kấp  bơsram. Ngan la mờ broa\ lơh bơto cau ờ git sra\, bol a` neh lam sồr ala\ kơnhòal,  thị xã, [òn dờng  lơh pràn  broa\ ndai nàng bơcri tus bơta lơh geh hìu bơsram, ơdu\ bơsram.

Mờ broa\ lơh sồ 14, bol a` go\ dùl kal ke dờng ngan la broa\ bơto cau ờ git sra\ in. Tu\ do gam  di 55 khà kờp làng bol tàm  sơnơm pal bơto sra\ cau ờ git sra\ in, gam ờ hềt  trơ gùm geh nàng lòt bơsram. Lài jơh la  ala\ cau do drờm neh dờng sơnam, la cau  kòn cau kis tàm ala\ tiah gam rbah ngan, kal ke ngan, den tàng broa\ trơ gùm, pờ ơdu\, sùm gàr ơdu\ bơto git sra\ do tu\ do king la dùl bơta lòng  ngan tus mờ gah lơh broa\ bol a` dê.

-Tàm tơngai tus,  gah bơto bơtê mờ bơsram càr Daklak geh ala\ broa\ lơh mbè lơi nàng lơh gơs 2 broa\ lơh do tàm bơt bơtàu [òn lơgar pa, ơ ồng?

Ồng Bùi Hữu Thành Cát: Bè broa\ lơh sồ 5 den bol a` neh dong broa\ geh mờ Ủy ban  càr lơh gơs rơndap broa\. Pơnjat hơ\,  lơh geh hìu bơsram tơl khà dà lơgar tơngai bơh nam 2017-2020, mờ  broa\ lơh lơh ngan  lơh geh 50% hìu bơsram tơl khà dà lơgar tàm nam 2020. Bal mờ hơ\ la broa\ lơh niam kơljap hìu bơsram mờ ua\ ngan khà pria\ bơh dà lơgar, bơh càr, bơh kơnhòal mờ geh bơh  mpồl bơtìan ta\ pơ gồp bal lơh geh nàng lơh bè lơi lơh pràn rlau tai khà kơljap hìu  bơsram, ngan la tàm mầm non, mờ kấp một, trơ gùm tàm  cau tơl sơnơm pal lòt bơsram cau ờ git sra\ nàng  gàr geh  kơljap bơta bơto bơsir tàm ala\ kấp bơsram.

-Dan  ưn ngài ồng!

                                            Cau cih mờ yal tơnggit K’ Brọp