VOV4.K’ho - Tàm bơt bơtàu [òn lơgar pa, ồs đèng la broa\ lơh 4 geh bơnga\ kuơ màng ngan, ờ mìng geh lơh di broa\ ngui tàm rài kis mờ lơh sa mờ gam chul chồl lơh gơs ala\ broa\ lơh ndai. Tàm Daklak, bal mờ bơta sền gròi bơh dà lơgar,  gah ồs đèng kung neh bơcri mờ ua\ khà pria\ ngan nàng gờ` lơh gơs broa\ lơh do.

            Bulah neh geh ngui đèng git nđờ jơt nam do,  mơya hìu nha\ ồng Mai Anh Tuấn kung bè gal ngan hìu nha\ làng bol tàm [òn 1, xã Cư\ Króa, kơnhòal M’ Drak, càr Daklak gam ờ suk ngan bơh khà ngui ồs đèng ờ niam. Gơbàn geh bơta do la bơh ròt gùng che ồs đèng neh gơbàn ờ gam niam tai,  gơbàn hòac đèng ua\ ngan, tàm tu\ bơta kờ` đèng gơ lòt dờng den tàng ồs đèng ờ pràn. Ồng Mai Anh Tuấn đơs:

            Ngui ồs đèng neh jo\ bloh den tàng gơ ờ hoan niam tai. Tu\ do mpồl bơtìan bơtàu tơngguh, phan ngui tàm hìu nha\ ua\ ngan la ngui mờ đèng, bè dà nàng tuh rơsĩh, ngui tàm rài kis pah ngai bè ngui tùh nriềt, ti vi,  radio cassette, karaoke. Rài kis bơtàu tơngguh den pal ngui đèng ua\ den tàng gùng ce gơ ờ gam niam  tai, ờ ua\ hìu nha\ ngài den đèng ờ pràn ngan, ờ gơtùi ngui.

            Nàng geh lơh niam bơta do,  nam do tàm kơnhòal M’Drak neh mut lơh 3 broa\ lơh ồs đèng [òn lơgar nàng dong geh ồs đèng niam  500 hìu nha\ ngui.

            Tàm kơnhòal Ea Kar, bal mờ broa\ lơh đèng ai tus rlau 200 hìu nha\ làng bol kòn cau kis tàm [òn Sêdang, xã Ea Sar geh lơh gơs lài mờ tus sa tềp bơhìan lơgar he nam do,  broa\ geh lơh niam gùng che ồs đèng tàm [òn lơgar neh geh  gah ồs đèng [òn lơgar sền gròi, nàng tơngguh khà niam ồs đèng tàm tiah kis. Ồng Trần Văn Dũng - Phó kuang atbồ bồ Ồs đèng Ea Kar ai git,  mpồl neh bơcri rlau 40 tơmàn pria\ nàng lơh 26 trạm biếp áp,  lơh ròt jrong che đèng rlau 20 kơi sồ gùng  che hạ thế mơ kung geh tam gơl jơh ròt jiơ đèng  ai rlau 12 rbô hìu nha\ cau ngui đèng:

            Bol a` neh dờp bơh đah HTX đèng dà Ea Kar rlau 12 rbô hìu nha\ ngui đèng. Tus tu\ do, bol a` kung neh drơng làng bol  geh ngui  đèng niam bơh broa\ lơh bơcri geh lơh niam gùng che ồs đèng la lơh kràn ngan, bol a` neh mhar lơh niam mìng tàm tơngai 6 nhai. Jat khà broa\ lơh sồ 4 bơh Broa\ lơh [òn lơgar pa  den bol a` geh lơh bal mờ gơnoar atbồ [òn lơgar nàng mut lơh nàng  geh lơh di ala\ broa\ lơh tàm do. Mìng tàm tơngai jal mhar, di dùl nhai lơm, tàm bơta trồ tiah ờ niam, mìu càl dờng, mìu nhàc gơbàn mơya neh  lơh gơs mờ geh đèng ngui di pal  tus ala\ trạm biếp áp [òn Ea Cung, xã Cư\ Huê di pal geh đèng ngui.

            Tàm ala\ ngai lồi nam 2017, tàm ala\ [òn 5, 6 mờ 8 bơh xã Ea Hu, kơnhòal Cư\ Kui`, nùs nhơm lơh broa\ bơh bơt bơtàu [òn lơgar pa gam nhap nhar ngan, mờ broa\ mut lơh niam wơl gùng che đèng hạ thế tàm xã. Go\ geh bơta kuơ bơh mpồl bal mờ bơta kuơ sa\ tờm, den tàng ala\ hìu nha\ neh  drờm kờ` bal ai ù, wà pơng gàr, kơl chi dờng nàng mpồl geh tiah lơh gùng che ồs đèng. Ồng Nguyễn Kim May, Chủ tịch UBND xã Ea Hu ai git, xã neh geh 8 [òn  den mìng rơp 5 [òn la geh gùng che đèng hạ áp mờ trung áp tơl khà, gam wơl 3 [òn gam pal ngui gùng che đèng dang ing mờ ngui bal jiơ đèng. Nàng lơh tơl khà broa\ lơh sồ 4 tàm broa\ lơh bơt bơtàu [òn lơgar pa, [òn lơgar neh geh bơcri pria\  tus di 10 tơmàn pria\:

            Tàm broa\ lơh bơt bơtàu [òn lơgar pa, broa\ lơh bè ồs đèng  bơh [òn lơgar den broa\ lơh geh ky\ sra\ mờ pria\ di 10 tơmàn pria\, làng bol ta\ pơ gồp 10%  tàm broa\ lơh ai ù, kơl chi nàng lơh gùng che ồs đèng, gam wơl la bơh dà lơgar mờ gah ồs đèng mut lơh. Bè broa\ lơh,  làng bol neh ai  gơs ù, dilah tàm nam tus gah ồs đèng lơh geh gùng che đèng hạ áp mờ trung áp do den  dilah gờ` la lồi nam 2018 bol a` geh lơh gơs broa\ lơh do.

            Ồng Lê Hòai Nhơn, Phó kuang atbồ Kong ti ồs đèng Daklak ai git, tu\ do gùt càr neh geh 116 tàm 152 xã lơh gơs broa\ lơh sồ 4 bè ồs đèng tàm [òn lơgar pa. Tàm ala\ nam do, bal mờ bơta sền gròi ngan bơh dà lơgar, gah ồs đèng kung neh lời ua\ ngan khà pria\ ndai  nàng bơcri lơh niam wơl, mờ lơh pa ua\ gùng che ồs đèng tàm [òn lơgar. Ồng Lê Hòai Nhơn ai git:

            Tus tu\ do,  bol a` neh lời 2 khà pria\ nàng geh lơh niam wơl gùng che ồs đèng tàm gùt càr nàng  ta\ pơ gồp tàm broa\  lơh niam gơs broa\ lơh sồ 4 bè ồs đèng tàm bơt bơtàu [òn lơgar pa. Dơ\ 2, jat pơrgon bơh Tập  đòan ồs đèng Việt Nam, tập đòan neh pơrgon ai pria\ nàng Kong ti ồs đèng  Miền trung ai tơl pria\ bơcri lơh broa\ sồ 4  bè ôs  đèng tàm càr Daklak tàm tơngai gờ` ngan.

            Jat Ban  điều phối bơt bơtàu [òn lơgar pa càr Daklak, kờ` 36 xã gam wơl lơh gơs broa\ lơh sồ 4 bè đèng [òn lơgar pa, càr kờ` pơgap 887 tơmàn pria\. Tàm hơ\, ua\ ngan la pria\ jền  bơh dà lơgar pơgap di 780 tơmàn pria\, pria\ lơh bal  la 110 tơmàn pria\. Ồng Trương Công Hồng, Phó kuang atbồ Sở Công thương, ai git,  càr lơh ngan tus nam 2020, jơh ala\ xã geh lơh gơs broa\ lơh sồ 4 bè đèng [òn lơgar:

            Nàng lơh gơs broa\ lơh sồ 4 bè ồs đèng càr dê den gah ồs đèng  neh bal mờ UBND càr geh sang bơnah pria\ lơh bal la rlau 100 tơmàn. Gam wơl la pria\ bơh dà lơgar den geh rơndap jat broa\ lơh  nam 2018 la rlau 700 tơmàn jat broa\ lơh khà pria\ di mơ tơngai, dilah Thủ tướng ai geh pria\ càr in den tàm tơngai tus di gơlan càr geh lơh geh broa\ lơh tus nam 2020  geh lơh gơs ala\ broa\ lơh bè ồs đèng.

                        Cau cih mờ yal tơnggit K’ Brọp