VOV4.K’ho - Ai go\ bơnga\ la cau lơh lài, lam lài bơh cau kơnòm sa\, ua\ ơruh pơnu, đoàn viên tàm Daklak neh khin cha ngui khoa học kỹ thuật mut tàm mùl màl lơh sa, geh lơh bal crơng gơs tổ hợp tác mờ hợp tác xã, pơ gồp bal lơh tam gơl broa\ lơh sa, bơtàu tơngguh lơh sa, at tê bal bal mờ [òn lơgar lơh gơs broa\ lơh bơt bơtàu [òn lơgar pa.

            Pah nam lo\ Lã Thị Thanh Tuyền (29 sơnam) kis tàm [òn Triết, xã Dur Kmăn, kơnhòal  Krông Ana, càr Daklak tam 3 lồ bùm lô sơntìl lơgar Nhờk, geh cồng di 300 tơlak pria\. Ờ mìng geh lơh kuơ tus hìu nha\ lo\ Tuyền, broa\ tam bùm lô gam pơ gồp bal bơsong ai geh broa\ tus 5 na\ cau lơh broa\, hơ\ la ờ hềt kờp sồ cau lơh broa\ ru tu\ tơngai.

            Lo\ Tuyền ai git, bơh broa\ lơh tam jàu ala\ broa\ lơh bơtàu tơngguh  chi tam lơh sa sun sre bơh đòan xã, lo\ geh pơnjat tai geh git mờ git tus tờm bùm lô lơgar Nhờk. Go\ bùm do gơ kờ` ngan mờ bơta ù tiah mờ trồ tiah tàm [òn lơgar, nam 2013, bi neh khin cha càn tai 20 tơlak pria\ bơcri nàng tam 8 sào bùm lô. Tài bơh ờ hềt git ngan bơta chài den tàng kàl sơnrờp bùm lô cat hòn ờ dờng, gơbàn tu sa aniai, lo\ Tuyền gơbàn hòac hươr roh gời 30 tơlak pria\. Ờ dil màl, tàm ala\ nam tơnơ\ hơ\, sền tàm sra\ ndang, bi Tuyền lòt bơsram mờ cau ndai mờ pờ ơnàng ba\ ù lơh sa pah nam:

            Tu\ sơnrờp bơh broa\ lơh chài he dê ờ hềt geh, dơ\ 2 tai la he ờ hềt git loh  geh drà ka\ bro. A` geh bơsram bơh tàm sra\, hơ\ sồng ờ ua\ gơp bơyô rềp mờ ờ ua\ hìu nha\ tam bơh lài den geh geh sền bè bơta broa\ lơh chài. Dơ\ pa do geh lòt lơh bal den kung geh ua\ cau lùp nđan lah bùm hìu bi ua\ sa\ bùm, den a` kung đơs la dơ\ dùl la bơh broa\ sền gàr sơng ka mờ dơ\ 2 la bơh jrang bùm, jrang bùm pal la jrang niam.

            Mờ bi Nguyễn Quốc Cường (29 sơnam) kis tàm xã Ya Tờ Mốt, kơnhòal Ea Sup, càr Daklak, atbồ Hợp tác xã bơsềt mờ broa\ lơh ơla broa\ lơh sa suơn sre ai git, bi git tam bơsềt bơh tơnơ\ dơ\ tus lòt sền bơsram broa\ lơh tam bơsềt tàm kơnhòal Krông Ana, càr Daklak.

Go\ bơsềt but niam, phan lơh bơsềt la rhe tàm xã geh lài, bi geh sơnơng lơh bal mờ ala\ ơruh pơnu ndai crơng gơs hợp tác xã, nàng ai geh broa\ lơh ơruh pơnu, mờ lơh geh mat phan sơnđan la bơsềt rhe Ea Sup, geh drà ka\ bro bơsềt tam.

            Bulah pa crơng gơs mơya tus tu\ do, hợp tác xã bơsềt mờ broa\ lơh ơla lơh broa\ sa suơn sre bơh Bi Nguyễn Quốc Cường la cau lơh tờm neh geh 12 na\ cau lơh bal, ai geh broa\ lơh sùm rlau 30 na\ cau.Pria\ geh bơh bồ sơnam tus tu\ do geh rlau 500 tơlak pria\, geh kờp bal tơl na\ cau rlau 5 tơlak pria\ dùl nhai. Bi Cường pà git, bal mờ broa\ pờ ơnàng lơh sa, mờr tus do hợp tác xã geh tơngguh tai ala\ broa\ lơh ơla mờ bơta phan bơna ka\ bro:

            Tu\ do khà cau geh jơng den gam êt mờ khà bơsềt gam ờ ua\ den tàng ua\ ngan la bơsềt ris, mờ wèt tus tơnơ\ do den tu\ cau tàm mpồl geh ua\ den geh lơh bơsềt ro. Tu\ do,  den khà bơsềt tac tàm drà ka\ bro ờ hềt ua\ mờ gam ờ tơl ua\, mờ pria\ tac den niam, geh tac bơh 60 tus 80 rbô tàm dùl kg gơ jat tu\ tơngai, mờ khà kờ` blơi tàm Daklak la gam ua\ ngan kờ`.

            Nàng chồl guh bơnga\ lam lài, lơh tờm bơh ơruh pơnu tàm tus bal bơtàu tơngguh lơh sa-mpồl bơtìan tàm [òn lơgar, tàm ala\ nam do, Ban thường vụ đòan ala\ kơna\ càr Daklak neh mut lơh, lơh nền nòn srơh lơh broa\ “Lòt bal mờ ơruh pơnu tus mut lơh broa\ lơh sa” mờ ua\ ngan broa\ lơh, bè: bơyai lơh mblàng  pơlam mut lơh broa\  lơh, yal tơnggit broa\ lơh ai tus đoàn viên, ơruh pơnu, jàu pria\ mut lơh broa\ sa ai tus ala\ broa\ lơh ơruh pơnu bơtàu tơngguh lơh sa, pờ ơdu\ bơto pơlam broa\ lơh, geh ngui mờ tam jàu khoa học kỹ thuật ai ơruh pơnu tàm [òn; geh lơh bal mờ Ngân hàng chính sách xã hội càr atbồ khà pria\ kơnờm cau lơh sra\ ai càn, ai ơruh pơnu in càn.

Mìng is bơh bồ sơnam tus tu\ do, ala\ kơna\ kuang bàng đoàn càr Daklak neh jàu 8 bơnah pria\ mut lơh  broa\ sa kờp pria\ geh tus 160 tơla pria\, crơng gơs mờ tơlik mat 3 hợp tác xã ơruh pơnu. Kơnờm bơh hơ\, slơ ngai lơh geh ua\ ngan đoàn viên ơruh pơnu geh càn ala\ khà pria\ dong pria\ cồng, khin cha bơcri pria\ nàng bơtàu tơngguh lơh sa.

Ồng Vũ Văn Đông, Phó kuang atbồ Sở Nông nghiêp mờ Phát triển nông thôn, Chánh văn phòng đơng pơlam tam pà broa\ bơt bơtàu [òn lơgar pa càr Daklak đơs, ala\ broa\ lơh sa ơruh pơnu neh pơ gồp bal mờ [òn lơgar lơh gơs ala\ broa\ lơh tàm bơt bơtàu [òn lơgar pa:

            Jơh ala\ broa\ lơh bơh Đoàn ơruh pơnu, ngan la broa\ lơh bơt bơtàu ala\ broa\ lơh lơh sa pơnrơ geh cồng nha jơnhua. Mờ pơrya hơ\ lơh bè lơi nàng geh lam sồr mpồl ơruh pơnu cau gam kơnòm sa\ lam lài tus bal bơt bơtàu [òn lơgar pa, bơt btàu [òn lơgar slơ ngai slơ pas mờ niam. Den tàng bol a` git là,  mờ ơruh pơnu, đoàn viên càr Daklak tàm ala\ nam do neh lơh niam ngan mờ geh đơs niam ngan tàm broa\ mut lơh broa\ lơh bal bơt bơtàu [òn lơgar pa.    

Mờ broa\ lơh nhap nhar bơsram mờ geh ngui khoa học kỹ thuật mut ngan tàm mùl màl, khin cha mut lơh ala\ broa\ lơh bal lơh sa, ua\ ơruh pơnu tàm Daklak neh ai go\ bơnga\ lam lài bơh kơnòm sa\, ờ mìng lơh geh kuơ tus sa tờm mờ hìu nha\ mờ gam pơ gồp bal lơh tam gơl broa\lơh broa\ lơh sa, bơtàu tơngguh lơh sa tàm [òn lơgar.

Cau cih mờ yal tơnggit K’ Brọp