VOV4.K’ho- Nghị định số 109/2018 bơh Chính phủ dê bè lơh broă sa sươn sre hữu cơ geh ai ngui bơh ngai 15/10 tus do. Jat mờ hơ\, phan bơna hữu cơ pal geh dờp tơl khà dà lơgar halà ală tơl khà dunia, tiah do mờ lơgar ndai jat jơnau yal bơh Bộ Nông nghịêp mờ phát triển nông thôn dê.

Ală mpồl lơh sa kă bro dềt, hợp tác xã, anih lơh sa sươn dờng, hìu bơnhă mờ mpồl hìu lơh sa geh dong kờl dùl dơ\ 100% priă tă lơh sră dờp phan bơna lơh geh bơh sươn sre hữu cơ jat tơl khà dà lơgar mờ ală priă tă ndai, bè: lùp kờp, mblàng bơta ù, bơta dà, bơta nhơm kis tàm ală tiah tơl bơta lơh sa hữu cơ.

Bơdìh hơ\ tai, gam dong kờl jat khà ai bè bơto pơlam, rề ơnàng lơh uă broă lơh sa hữu cơ jat tơl khà dà lơgar; priă tă blơi sơntìl chi tam sơndră mờ tu kòp lơh aniai, ală bơta phơng sih, sơnơm tu sinh học; priă tă blơi sơntìl phan ròng, phan sa hữu cơ, sơnơm phan ròng…

Cau mblàng Lơ Mu K’Yến