VOV4.K’ho-Mờ bơta lơh ngan lơh jơh broă dơ\ 4 tàm broă bơ\t bơtàu [òn lơgar pa, tàm tơngai lài, Công ty Ồs đèng Dak R’lấp, gơ wèt Công ty Ồs đèng càr Daknông lơh niam nùs nhơm lơh broă geh kơnòl, gàr niam sùm gùng che đèng ai làng bol in. Ală gùng che đèng ờ mìng drơng jơnau kờ` ngan ngồn bơh rài kis dê lơm mờ gam dong làng bol drơng tàm broă lơh sa sươn sre, bơtàu tơnguh lơh sa.

Bi Lê Như Xa, ơm tàm [òn 3, xã Nhân Cơ, kơnhoàl Dak R’lấp, càr Daknông kă bro pờ hìu `ô dà kơphê mờ ală bơta phan dà lơngồt neh uă nam do. Mờ bơta krơi is ù tiah bơh hìu kă bro dê là pal ơnàng, ha pah mờ geh jơnau kờ` uă bè đèng nàng gơtùi ngui đèng pờ àng, chi puh, ti vi, đơs crih tam ya drơng năc hùc dà in.

Mờ bơta gùng che ồs đèng geh niam sùm bè tu\ do neh dong broă kă bro bơh hìu bơnhă bi dê tìp uă bơta niam, bal mờ priă lơh geh sùm rlau 10 tơlak priă dùl nhai tơnơ\ tu\ kờp jơh priă tă bơcri. Bi Lê Như Xa, đơs:

“Hìu bơnhă a` geh pờ hìu hùc dà kơphê, lài do tàm kàl prang, tơngai duh mờ ờ geh đèng den năc go\ tus tai. Bàr pe nam rềp ndo den ngui đèng sền go\ gơlơh niam rlau, đèng pràn, jơnau chơ\t đèng halà đèng ờ pràn tu\ geh tu\ ờ ờ go\ gơlik geh tai, ngan den tàng bè hơ\ mờ năc lòt hùc dà uă rlau, dong geh đèng pờ chi puh mờ pờ phan ndai nàng drơng năc in niam rlau tai”.

Kung ndrờm bè uă làng bol ndai lơh broă sa sươn sre, ồng Nguyễn Văn Thức ơm tàm [òn 2, xã Nhân Cơ, kơnhoàl Dak R’lấp pà gi\t, ală nam lài, tài sươn mìr gơ ơm ngài mờ [òn, ờ hềt geh đèng den tàng ồng bal mờ uă hìu bơnhă ndai pal ngui măy nổ nàng tuh dà kơphê in. Uă tu\ máy nổ gơtìp ờ niam, broă tuh dà gơtìp kal ke neh lơh gơrềng tơn tus bơta kis dờng bơh chi tam dê mờ jơh uă ngan tu\ tơngai.

Mơya, tu\ do neh geh đèng, broă [ồm dà tuh phan tam in kung bơh hơ\ mờ gơlơh [ươn rlau, tềm pềr priă tă lơh uă rlau pơndrờm mờ lài do, pơgồp bơnah dong ai ală hìu bơnhă lơh broă sa sươn sre in niam rlau. Ồng Nguyễn Văn Thức, đơs:

“Tơngai mờ pa cah is càr den gùng che đèng ờ hềt geh, pah tu\ tus tơngai tuh dà, măy kơphê là he pal ngui jơh mờ măy nổ lơm, priă jền jơh uă ngan, ai tu\ do geh gùng che đèng ngui bơta lơi kung [ươn lơm, mờ gam tơrmù geh tai priă tă lơh ai cau lơh broă sa in, rlau mờ hơ\ tai đèng gơ ờ kas mờ [ươn ngui, ờ duh pal geh uă cau lơh broă, ờ go\ jơh uă tu\ tơngai den tàng cồng nha lơh geh uă uă rlau sơl, geh gùng che ồs đèng lơh broă sa sươn sre kung gơ niam dùl bơnah lơi sơl”.

Ồng Nguyễn Văn Thành, Phó Chủ tịch Ủy ban Nhân dân xã Nhân Cơ pà gi\t, Nhân Cơ là xã lơh geh tơl khà [òn lơgar pa tàm nam 2015 mờ 11 [òn ndrờm neh geh ồs đèng. Ală nam rềp ndo, kơnờm geh bơta sền gròi bơcri priă lơh ală gùng che đèng tus tàm ală tiah gam uă kal ke, tiah làng bol kòn cau tàm ală [òn mờ rài kis làng bol dê neh gơ tam gơl loh làng ngan.

Bơh hơ\ dong làng bol tam gơl bơhiàn mờng quèng lơh sa, tam gơl tờm chi tam geh cồng nha, pơgồp bơnah tơnguh jơnhoa bơta niam rài kis. Ồng Nguyễn Văn Thành, Phó Chủ tịch Ủy ban Nhân dân xã Nhân Cơ, pà gi\t:

“Pơndrờm mờ ală nam lài, tu\ ờ hềt geh đèng tus tàm ală [òn ngài ngan den bơta bơtàu tơnguh lơh sa bơh làng bol dê kung kal ke ngan sơl. Kuơmàng tàm bơtàu tơnguh lơh broă sa sươn sre, ngui măy mok, yal tơngi\t bè bơta niam chài, yal tơngi\t mblàng yal jơnau kal ke ngan mơya bơh tu\ geh ồs đèng den làng bol chờ hờp ngan, mờ tơl ngan phan ngui bơh tùh mrềt tus jơnau yal tàm sră báo mờ ti vi, den tàng bè hơ\ tàm broă lơh mblàng yal gùng dà broă lơh bơh Đảng mờ kơrnoat boh lam bơh Dà lơgar dê kung niam ngan sơl. Bơta lơh sa mờ bơtàu tơnguh [òn lơgar den bơtàu tơnguh tai loh làng ngan”.

Tu\ do jơh gùt kơnhoàl Dak R’lấp geh rlau 23 rbô nă cau dan ngui đèng mờ khà ngui là 6 tơlak kw tàm dùl nhai. Nàng drơng niam jơnau kờ` ngui đèng bơh làng bol dê, Công ty ồs đèng Dak R’lấp neh bơcri priă lơh 203 trạm biến áp mờ mờr 350 kơi sồ gùng che đèng trung áp, 380 kơi sồ gùng che đèng hạ áp.

Ồng Trần Minh Huy, Kuang atbồ Công ty Ồs đèng Dak R’lấp pà gi\t, mờ nùs nhơm lơh mhar tơngai pơrgon lơh jơh ală broă bơ\t bơtàu [òn lơgar pa tàm kơnhoàl do, gah lơh ồs đèng sùm wèt tus jơnau kờ` lơh đèng ai làng bol in lơh geh bơta niam. Kơnờm bè hơ\ mờ ồs đèng tàm [òn lơgar, ngan là ală xã cih mat dan lơh jơh ală broă lơh bơ\t bơtàu [òn lơgar pa geh tam gơl uă ngan.

Tu\ do, kơnhoàl Dak R’lấp geh 8 tàm 10 xã lơh geh broă sồ 4, geh tus 80%, khà hìu bơnhă làng bol ngui đèng sùm, ờdo ờdă geh 95%. Ồng Trần Minh Huy, Kuang atbồ Công ty Ồs đèng Dak R’lấp, đơs ngan bè do:

“Broă sồ 4 bè [òn lơgar pa dilah lơh geh den broă lơh geh đèng tàm ù tiah kơnhoàl dê halà lơh uă tus tàm ală tiah ndai den broă lơh geh đèng geh lơh niam rlau tai, geh lơh sùm rlau. Làng bol geh drơng mờ bơta niam đèng geh rlau tài bơh broă sồ 4 gơ uă broă ngan bal mờ uă broă dềt, mờ sền swì ndrờm bè jơh ală broă lơh geh đèng, dilah lơh geh den bơta ờdo ờdă mờ đèng lơh geh den geh gơ tam gơl uă rlau”.

Jat broă rơndăp lơh, tàm tơngai tus, Công ty Ồs đèng Dak R’lấp geh lơh pràn bơcri priă lơh uă lơh niam wơl ală gùng che đèng, lơh pa mờ tơnguh pràn lơh broă ală trạm biến áp gam geh tu\ do nàng lơh geh bơta ring bal bè ală gùng che đèng, tơnguh khà hìu làng bol ngui đèng sùm rlau tàm ală xã [òn lơgar ờ hềt lơh geh tơl khà bè broă đèng.

Cau cih mờ yal tơngi\t- Lơ Mu K’Yến