VOV4.K’ho- Bơh broă xét nghiệm mhar mờ xét nghiệm, drim òr (25/08), gah lơh broă geh gơnoar neh gŏ 14 nă cau kis tàm ƀòn 7, xã Cư̆ Êbur, ƀòn dờng Buôn Ma Thuột, càr Dăk Lăk geh gŏ mờ virus Sars CoV-2 mờ ờ hềt gĭt loh bơh cau gơtờp.

                                                 Mpồl lơh sơnơm xét nghiệm mhar làng bol

Cồng nha do neh geh ai tơngŏ cơng tàng broă xét nghiệm RT-PCR geh Anih tờm gròi sền kòp tê jê să (CDC) càr  mờ Viện Vệ sinh dịch tễ Tây Nguyên lơh. Tơnơ̆ mờ tŭ geh gŏ ală cau gơtờp kòp, gơnoar atbồ tàm tiah do neh lơh xét nghiệm mhar kòp ai làng bol kis tàm tiah gùt dar tiah do. Bè hơ̆, mìng tàm 4 ngai, ƀòn dờng Buôn Ma Thuột neh gŏ 2 tiah gơtìp kòp tàm ƀòn 6 mờ ƀòn 7 xã Cư̆ Êbur mờ 31 nă cau gơtìp kòp. Jơh bàr tiah kòp do ndrờm ờ hềt git loh tiah gơtờp. Tềng đăp mờ bơta do, gah lơh sơnơm ƀòn dờng Buôn Ma Thuột geh pờ ơnàng ai mẫu xét nghiệm mhar tus gùt làng bol, nàng tam cah ală cau F0 lik bơdìh mpồl bơtiàn.

Cau mblàng Ndong Brawl