VOV4.K’ho - Tơnơ̆ mờ tŭ geh gŏ cau gơtìp kòp Covid-19 pa là cau lơh broă tàm anih lơh broă sră nggal tàm Văn phòng, UBND càr Gia Lai neh tam gơl lơh broă pờ tơlik tàm internet mờ lơh tiah tam cah is nàng geh gàr niam broă lơh, mờ rơcang sơndră mờ kòp gơtờp.

                                      UBND càr Gia Lai tam gơk lơh broă pờ tơlik tàm internet

Mùl màl, cau lơh broă sră nggal gơwèt Văn phòng UBND càr Gai Lai geh cồng nha xét nghiệm RT-PCR geh gŏ mờ virus Sars CoV-2 tàm ngai 26 nhai 10. Tơnơ̆ mờ tŭ gŏ cau gơtìp kòp do, Mpồl đơng lam rơcang sơndră mờ kòp Covid-19 càr Gia Lai neh mhar jòi cau F1, wàng se gùt dar tiah gơtìp kòp mờ xét nghiệm ai 123 nă kuang bàng, công chức, viên chức tàm UBND càr Gia Lai in, cồng nha ndrờm ờ gŏ mờ kòp. Bơdìh hơ̆ tai, tàm hìu lơh broă, UBND càr Gia Lai neh tam gơl lơh broă pờ tơlik tàm internet, gàr niam 5K nàng rơcang sơndră mờ kòp gơtờp. Tus drim òr (27/10), càr Gia Lai neh gŏ tai 52 nă cau geh gŏ gơtìp pa mờ virus Sars CoV-2 mờ 56 mẫu tơrgùm bal bơh 191 nă cau geh gŏ mờ kòp, gam geh xét nghiệm wơl. Tŭ do, 900 nă cau kòp gam geh sơm kòp.

Cau mblàng Ndong Brawl