VOV4.K’ho – {uơn pin dờn, ai jơh hìu đam bal mờ ù lơh sa càn g^t nđờ tơmàn priă kờ` ai cau ndai in càn, uă hìu làng bol kis tàm ală xã Ia Blă mờ Ia Yok, kơnhoàl Ia Grai, càr Gia Lai gam ờ su\k tài jơh hìu nhă cau càn ni sơna dô l^k bơdìh [òn ơm kis. Broă do geh uă bơta ndrờm bal mờ ală dơ\ pơrlồm lài do tàm càr Gia lai sơl, mơya broă lơh den ndơ\p rơlao mờ gơlời hoàc huơr uă ngan tus mờ mpồl bơtiàn tàm tiah do.

Rơlao 10 ngai do, bơh tu\ geh dờp jơnau hìu nhă ồng Nguyễn Tất Bình deh nam 1965 ni sơna dô l^k bơdìh [òn ơm kis, ùr bơklao Ksor Do deh nam 1980 kis tàm [òn Dun De, xã Ia Bă, kơnhoàl Ia Grai ờ su\k ơm bè nggui hờ đang gơnru ồs.

Bi Do pà g^t, kàl mìu nam lài, tàm tu\ kờ` geh priă lơh niam wơl rơkàng hìu gơbàn `hăt dà, bi Do neh sồr ồng Nguyễn Tất Bình dong kờl lơh sră càn priă bơh ngân hàng.

Ồng Bình đơs là, sră ngui ù geh cih măt cau yoan geh càn priă [uơn rơlao, den tàng neh lam sồr jơh ală oh mi bi Do tus phòng công chứng lơh jăt broă tam gơl 5 sào ù cih măt kòn ùr là Nguyễn Th Ngọc Thảo deh nam 1997. tơnơ\ mờ hơ\, bèp mờ kòn ồng Bình tus 1 ngân hàng CPTM tàm [òn dờng Pleiku ai sră ngui ù do kờ` càn priă.

Ồng Bình jào 50 tơlăk priă ai bi Do in mờ hơ tu\ lơi ai tơl khà priă do den hơ\ sồng ồng Bình geh jào wơl ù.

Bồ nam do, ồng Bình pơn jăt tai sồr bi Do ai 9 sào ù kơphe, càn tai 150 tơlăk priă bơh ngân hàng, hơ\ sồng ai ồng Bình in càn jơh. Mìng tus tàm tu\ cau lơh broă tàm ngân hàng jòi tus tàm hìu kờ` tă priă cồng tài ờ gơtùi lùp ồng Bình, ùr bơklao bi Do hơ\ sồng g^t ồng Bình neh dô l^k bơdìh [òn. Bi Do ờ su\k ơm tài gơbàn roh ù, roh hìu:

-A` đơs mờ ồng Bình là hìu a` gơbàn `hăt, sùh ồi ào. Ồng hơ\ lùp a` là ù geh sră ngui lah ờ, ai ồng hơ\ in lòt lơh sră càn priă. Măt tàm sră hìu nhă a` gơbàn tìs, ồng Bình neh lòt lơh wơl kờ` di. Tơnơ\ mờ hơ\, ồng hơ\ hòi ală cau geh măt tàm sră hìu nhă tus phòng công chứng k^ ring bal kờ` tam jào ai kòn ùr ồng hơ\ in.

Ồng Nguyễn Tất Bình deh nam 1965, geh sră hìu nhă tàm sơnah [òn Trà Bá, [òn dờng Pleiku, mơya neh bal mờ cau tàm hìu nhă tus ơm kis tàm [òn Dun De uă nam do. Dờp ồng Rơ Châm Pip deh nam 1962, dùl nă cau geh bơngă pin dờn tàm [òn lơh oh mi bal, den tàng ồng Bình lơh geh nùs nhơm pin dờn mờ làng bol [òn lơgar.

Mơya tàm tu\ do, să tòm ồng Pip kung gam ờ su\k ơm tài neh ai rơlao 2 lồ ù lơh hìu ơm mờ ù lơh sa càn 200 tơlăk priă ai ồng Bình in. Di lah ờ tơm jơh dồs priă do, mờr 10 nă cau tàm hìu nhă ồng ờ mìng ờ geh ù lơh sa, mờ gam roh jơh hìu ơm tai.

Kung kơnờm mờ ồng Rơ Châm Pip yal, den tàng tu\ g^t hìu nhă ồng Rơ Châm Bek kis tàm [òn Bồ 2, xã Ia Yok, kơnhoàl Ia Grai kờ` geh priă bơcri lơh kơphe kàl pa, ồng Nguyễn Tất Bình neh dong kờl lơh sră càn 100 tơlăk priă, hơ\ sồng yòng wơl 50 tơlăk priă bơh priă càn do. Khà priă càn rơlao dùl nam, pa geh yal kờ` càn tai pơgăp mờ do dùl nhai den ồng Bình neh dô g^t tàm tiah lơi.

Kung ndrờm mờ broă do sơl, kờ` càn geh priă bơh ngân hàng, ồng Bình neh nền nòn bơto ồng Pip mờ ồng Bek pơrlồm cau lơh broă tàm ngân hàng bè broă ngui priă. Ồng Pip pà g^t:

-Bình đơs là cau lơh broă tàm ngân hàng tus den đơs là he ngui priă kờ` blơi phơng sih tàm suơn kơphe, tơnguh bơtàu broă lơh sa. A` đơs jăt ồng Bình sồr. Cau lơh broă tàm ngân hàng lùp a` là jai tơm priă lah ờ, a` đơs là tơm jai, di lah ờ den tơm mờ sră ngui ù. Càn geh bơh ngân hàng 200 tơlăk priă, ồng Bình cèng jơh.

Tu\ do, tàm [òn Dun De, xã Ia Bă mờ [òn Bồ 2, xã Ia Yok geh 4 hìu làng bol ai sră ngui ù mờr 10 lồ ù lơh sa, ù lơh hìu ơm ai ồng Bình in càn mờr 1 tơmàn priă. Bơdìh mờ broă yòng priă, ùr bơklao ồng Bình gam yòng dồs g^t nđờ tấn phan geh lơh bơh broă lơh sa suơn sre làng bol tàm ờ uă [òn tàm xã Ia Bă. Ală hìu làng bol ndrờm ai ồng Bình yòng priă mờ ờ tu\ lơi cih 1 pang sră yòng càn, ha là hơ geh tơm wơl.

Di lah pơn drờm mờ ală dơ\ pơrlồm làng bol kòn cau tam jào ù tàm càr Gia Lai ală nam pa do, hoàc huơr bơh broă lơh ồng Bình dê kal ke ngan kờ` bơtơl wơl. Mờ ală dơ\ lài do, tu\ go\ broă pơrlồm tam jào ù, gơnoar atbồ tàm tiah do bal mờ anih lơh broă sền gàr adăt boh lam di gơlan geh pơgồp bal bơsong, tơm wơl phan bơna mờ broă kơrian broă càn priă, geh tu\ sơbì ală sră dờp neh lơh kờ` tơm wơl phan bơna làng bol in.

Gơwèt mờ broă pơrlồm bơh ồng Bình, phan bơna neh gơbàn ai ngân hàng in, gơbàn bơrkòl tài ală broă càn priă. Di lah ờ tơm dồs, phan bơna làng bol gơbàn ku\p, tăc kờ` ngân hàng ai wơl priă, do là broă geh ngan.

Trung tá Phạm Chính Nghĩa, kuang atbồ mpồl Cảnh sát lùp khào cau tìs ku\p màng, lơh sa, ma tuý, kuang àng kơnhoàl Ia Grai pà g^t tai, bal mờ broă ni sơna dô l^k bơdìh [òn ơm kis, tu\ do Nguyễn Tất Bình bal mờ ală cau tàm hìu nhă neh pồn ndơ\p. tu\ do, anih lơh broă lùp khào kuang àng kơnhoàl Ia Grai gam mhar sền, lơh loh broă do:

Dùl đah bol a` gam pơn jăt tai dờp sră yal, dùl đah ndai bol a` yal lài làng bol pal nền nòn tàm broă ai càn priă, yòng priă, phan bơna. Tu\ ai càn, yòng priă den pal rơcang ngăc mờ pal geh lơh sră nggal ai càn di pal.

Cau mblàng Ndong Brawl