VOV4.K’ho –{òn Yam tàm thị trấn Ia Kha, kơnhoàl Ia Grai, càr Gia Lai lài do là tiah kal ke ngan bè bơta lơngăp lơngai rơndăp tăp sèng ờdo ờdă tàm [òn lơgar, ală cau Fulro mờ yàng Tin Lành Đê Gar bơchồt lơh uă cau dô gan nhàr lơgar tìs mờ kơrnoat boh lam.

Mờ bơta lơh ngan jơh nùs ngan bơh jơh ală anih lơh broă chính trị tàm tiah do dê, [òn Yam neh mờ gam lơngăp lơngai wơl, làng bol tơryăng tơryồng kơlôi rơcang tàm broă lơh broă sa nàng bơtàu tơnguh rài kis mờ lơh ngan klàs bơh bơta r[ah.

Iat jat jơnau bơchồt bơh cau iơh là cau tàm mpồl Fulro, Tin lành Đê Gar ơm kis lềng tàm lơgar ndai dê, nam 2015, Ksor Vin bal mờ 4 nă klau pơnu ndai tàm [òn Yam, thị trấn Ia Kha, kơnhoàl Ia Grai dô tus lơgar Campuchia nàng ơm kơ\p geh cau lòt rò mờ jun tus ơm kis tàm lơgar Mỹ.

Mơya, tus tàm tiah cau [òn cau, bi den hơ\ sồng gi\t là he gơtìp cau pơrlồm. Dùl nam tơnơ\ hơ\, jơh dùl mpồl ờ geh broă lơh, ờ geh priă jền, pal kis ing lơm, kis gơlềng gơlàng muăt jrùm bàs sìl tàm ală sàl dô pleh. Ală nhai ngai ơm ngài mờ hìu bơnhă, kah bau, sơnđàc kòn ờ geh cau ròng siam sền gàr, Ksor Vin wờl să ngan mờ gi\t dil màl ngan broă lơh bơngơl gơla, tìs ngan bơh he dê.

Nhai 7 nam 2015, Ksor Vin mờ ală cau bơyô rê wơl hờ [òn, lơh wơl rài kis. Bơh dùl nă cau lơbơn lơhơ nùs, mhar pin dờn, iat jat jơnau cau iơh dê bơchồt, tu\ do Ksor Vin gơlơh wơl là cau tờm mblàng yal ai làng bol [òn Yam in gi\t bè ală broă lơh blac pơrlồm ờ niam ngan bơh ală cau jat yàng Tin Lành Đê Gar dê tàm tiah do.

Lài do geh cau đah lơgar Mỹ ne bơchồt jà a` lòt. Mơya, tu\ a` lòt tus lơgar Campuchia den ờ go\ geh cau lơi tus lòt rò a`. Jơh ală là blac pơrlồm lơm, ờ geh dùl jơnau lơi di bè khi neh đơs.

Dilah a` gi\t bè do, den là a` ờ go\ kờ` lòt ờ, ờ go\ sang lời bau, kòn ơm tàm hìu, ờ go\ sang lời mè bèp a` dê ơm wơl tàm [òn ờ. A` ơm tàm hìu lơh broă ròng siam hìu bơnhă lơm. Tu\ a` rê, gơnoar atbồ tiah do kung tus tàm hìu pơndờm pơnđiang sơl a`, sồr a` pal kơlôi rơcang lơh broă lơh sa, ờ go\ di pal kơlôi sơnơng bơta lơi, tài bơh do là dà lơgar he dê.

Ksor Vin (soh àu jù) yal bè ală ngai nhai neh rlau lòt tìs gùng tìs dà, lòt jat yàng Tin Lành Đê Gar, dô gan nhàr lơgar tìs mờ kơrnoat boh lam tus lơgar Campuchia

{òn Yam geh 190 hìu làng bol kòn cau Jrai. Nam 2004 lài do, tàm do neh geh tu\ geh rlau nggùl ală hìu làng bol lòt jat yàng Tin Lành Đê Gar mờ gơ gơs là tiah pơneh ờ niam ngan bè lơngăp lơngai rơndăp tăp sèng ờdo ờdă tàm [òn lơgar, bè lơngăp lơngai chính trị.

Ồng Rơ Mah Thê, Bí thư chi bộ [òn Yam pà gi\t, pơgăp mờ do uă nam, ală cau jat Yàng Tin Lành Đê Gar sùm bơtòm tơrgùm să, mblàng yal ală nùs nhơm bồ tơngoh iơh, ờ niam, bơchồt làng bol đơs lah sơrpah kuang bàng [òn lơgar, lơh roh bơta lơngăp lơngai [òn lơgar.

Ờ mìng bè hơ\ lơm gời, ală cau do gam đơs pơrlồm rài kis pas sơm niam bơne\ ngan tàm ù tiah lơgar Mỹ dê, pơrlồm pơn jồ, bơchồt uă klau pơnu ùr ơruh tàm [òn dô gan nhàr lơgar tìs mờ kơrnoat boh lam.

Ờ niam ngan rlau jơh là tàm nam 2005, tàm [òn geh tus 8 nă klau pơnu dô gan nhàr lơgar tìs mờ kơrnoat boh lam tus lơgar Campuchia. Uă hìu bơnhă lời sơrbì sươn rơhàng, ờ go\ kơlôi rơcang broă lơh sa, bơtàu tơnguh rài kis.

{òn cau Jrai dê ơm tàm tiah tờm lơh broă dà lơgar kơnhoàl Ia Grai dê, mơya geh mờr 90% hìu r[ah mờ mờr ndrờm bè hìu r[ah. Kờ` dong làng bol [òn lơgar gi\t geh broă lơh blac pơrlồm bơh ală cau jat yàng Tin Lành Đê Gar dê, ồng Rơ Mah Thê bal mờ mpồl kuang àng thị trấn mờ ală mpồl cau tàm tiah do neh lòt tus tàm tơl hìu bơnhă nàng mblàng yal, hòi jà, dong làng bol đal gi\t ală broă lơh blac pơrlồm bơh bol iơh dê.

Ală gah sơnah lơh broă, mpồl cau bơh [òn dê sùm lòt mblàng yal là ba` iat jơnau đơs bơchồt bơh bol iơh dê hoài jà, pơrlồm pơn jồ, cau mìng pơrlồm gời he lơm. Tus tàm lơgar Mỹ ờ go\ di là jơnau [ươn ờ. Cau geh priă den hơ\ sồng rơgơi lòt tus. He ơm tàm hìu lơh broă lơh sa, lơh kơphê, lơh kòi, jòi priă ròng siam hìu bơnhă.

Bơta lơh ngan jơh nùs tam dră pràn mờ jơnau jòi kai bơh bol Fulro mờ Tin Lành Đê Gar dê, ală nam do, UBND thị trấn Ia Kha neh crơng gơs Mpồl đơng lam lơh broă bơto bơtê tàm [òn lơgar.

Pơn jat hơ\, tàm ală dơ\ pơrjum [òn, Mpồl đơng lam do hòi jà ală cau lài do neh rlau lơh tìs, dô gan nhàr tìs mờ kơrnoat boh lam gơ gơs là ală cau mblàng jơh nùs ngan yal bè nùs nhơm iơh bơh bol Fulro, Tin Lành Đê Gar dê mờ rài kis bòl glar kal ke tàm tiah cau lơgar cau.

Bơh hơ\, dong làng bol tơnguh uă jơnau gi\t wa\, geh jơnau gi\t wa\ dipal, rơcang ngac tềng đap jơnau pơrlồm pơn jồ, hoài jà bơh cau iơh dê. Tu\ do, tơl nă kuang bàng công chức tàm do geh jàu atbồ, sền gàr bơh 1 tus 3 nă cau là cau jat yàng Tin Lành Đê Gar.

Ală cau tàm mpồl đơng lam sùm lòt còp rwàng, lùp kờ` gi\t bè jơnau kơlôi sơnơng bơta kơ\p kờ` mờ nùs nhơm mờ dong ală hìu làng bol bơtàu tơnguh lơh sa hìu bơnhă. Nam 2017 pa do, Mpồl đơng lam neh dong 66 tàm 85 nă cau sang te\ yàng Tin Lành Đê Gar, ai 21 nă cau tơmu\t tàm mpồl cau pal atbồ sền gròi, bơto bơtê, lơh gi\t gơjra` sang glài tàm [òn lơgar.

Ồng Cao Minh Quyết, Kuang atbồ Kuang àng thị trấn Ia Kha, kơnhoàl Ia Grai, pà gi\t.

Nam 2017, bol a` dan mờ UBND thị trấn pờ 2 ơdu\ bơto bơtê bal ai 21 nă cau in. Nam do, bol a` pơrjum sền wơl 6 nhai bồ nam lơh broă atbồ sền gròi ală cau do. Nam do, bol a` ai bơh 3 tus 4 nă cau lik bơh sră cih mat là cau pal gơtìp atbồ mờ sền gròi.

Bơh broă ngui niam bơta pràn bơh jơh ală anih lơh broă chính trị dê, thị trấn Ia Kha gam jơh nùs tam dră kơryan, wèt tus kơryan jơh mờ ờ gam tai yàng Tin Lành Đê Gar tàm tiah do.

Cau mblàng Lơ Mu K’Yến