VOV4.K’ho - Bơh ngai 01 ngai 1 nam 2019, gùt lơgar geh rơlao 19 rơbô nơm rơndeh jơh tơngai ngui. Broă ală rơndeh jơh tơngai ngui lòt tàm gùng ờ geh tơl niam ờ do ờ dă mờ di gơlan gơbàn rềs àr uă. Mơya, broă atbồ ală rơndeh do gam tìp kal ke, tài ală rơndeh do geh ai ngui tàm tiah sar lơgar ngài kờ` pơn diang phan geh lơh bơh broă lơh sa suơn sre, pơn diang dơm chi ha là geh tam gơl broă ngui kờ` pơn diang năc lòt gùng jòng gơs pơn diang kơnòm bơsram. Do là bơta mùl màl geh tàm càr Gia Lai.

{làng gàr rơndeh gơbàn tìs bơh mpồl sền gàr brê kơnhoàl Kbang, càr Gia Lai hăt tơn ală rơndeh dờng, bơh rơndeh pơn diang phan tus mờ rơndeh pơn diang năc, geh tu\ rơndeh 4 kong. Ală rơndeh do geh lơh wơl kờ` pơn diang dơm chi ờ di mờ adăt boh lam, tu\ gơbàn ku\p, cau măy rơndeh ndrờm sơbì rơndeh dô.

                                     {làng ku\p phan bal mờ rơndeh kơnhoàl Kbang hăt tơn

Tu\ sền, ală rơndeh do ndrờm neh jơh tơngai ngui mờ kung ờ gơtùi jòi go\ cau tòm rơndeh kờ` lơh glài. Bơta kờ` đơs ngan tàm do là ală rơndeh do tu\ pơn diang chi geh lòt jờl ngan, broă di gơlan gơbàn rềs àr là uă ngan mờ geh tu\, tu\ tìp mờ mpồl lơh broă geh gơnoar, cau măy rơndeh kung ờ ngòt tơm tơn di tàm ală cau lơh broă.

Ồng Nguyễn Văn Sơn, kuang atbồ mpồl sền gàr brê kơnhoàl Kbang đơs là, rơndeh jơh tơngai ngui ờ mìng là bơta ngòt rơngơ\t mờ làng bol mờ gam geh bal mờ mpồl sền gàr brê:

-Ală rơndeh do, tu\ geh lòt tàm gùng den lơh gơbàn uă ngan kal ke tus mờ mpồl lơh broă geh gơnoar kơrian. Mờ ală rơndeh do pràn ngan, tu\ neh l^k tàm gùng dờng, gùng dă mờ cài den ntoăt jờl ngan, tàm broă bè hơ\ den cau măy rơndeh ngui kờ` lơh kơrian tai. Do là broă kal ke ngan tàm broă atbồ, sền gàr brê.

Kung gam geh nùs nhơm ờ su\k ơm mờ làng bol càr Gia Lai là ală rơndeh jun, rò kơnòm bơsram. Geh uă ală rơndeh do ndrờm neh klar, mờr jơh tơngai ngui, geh tam gơl bơh rơndeh pơn diang năc lòt gùng jòng gơs rơndeh pơn diang kơnòm bơsram. Uă rơndeh ờ tơl kơl jăp tai mơya kung gam geh lòt, rơndeh do gơbàn uă ngan bơta di gơlan gơbàn rềs àr.

                                            {làng ku\p phan bal mờ rơndeh kơnhoàl Kbang hăt tơn

Nhai 3 nam 2017, 1 nơm rơndeh pơn diang kơnòm bơsram tàm kơnhoàl Mang Yang neh gơbàn rềs àr lơh 18 nă cau gơbàn chơ\t mờ sồt să, tàm hơ\ 3 nă cau gơbàn chơ\t geh cau măy rơndeh mờ 2 nă kơnòm bơsram. Lo\ Nguyễn Thị Nga, kis tàm xã Hra, kơnhoàl Mang Yang pà g^t, ală rơndeh jun, rò kơnòm bơsram sền bơh ngài neh go\ ờ tơl kơl jăp, mờ bu\ lah ờ su\k ơm tơnơ\ mờ ală dơ\ gơbàn rềs àr gơrềng tus mờ rơndeh pơn diang kơnòm bơsram, mơya tài kis tàm tiah sar lơgar ngài, den tàng kung gam pal ai kòn lòt bơsram:

-Ală oh kòn kis tàm tiah ngài, tàm [òn lơgar den ờ geh rơndeh jun, rò oh kòn lòt bơsram den tàng pal lòt jăt rơndeh buýt. Go\ rơndeh do ờ tơl kơl jăp, sền go\ loh làng ngan là ờ kơl jăp, mơya tài rài kis oh kòn kờ` lòt bơsram bơh tàm tiah ngài den tàng pal dờp. Kơ\p kờ` lơh bè lơi kờ` ală rơndeh niam mờ kơl jăp rơlao, ờ do ờ dă kờ` ai oh kòn in lòt bơsram niam là bơta gơboh gơbài ngan.

Rơndeh dờng neh jơh tơngai ngui, rơndeh ờ tơl kơl jăt ờ su\k ơm ngan là bè hơ\, mơya geh tu\ ală rơndeh do geh lơh di pal kờ` lòt tàm gùng tu\ geh ai sră dờp tơl bơta niam. Bồ nhai 10 do, Sở Giao thông Vận tải càr Gia Lai pơgồp bal mờ Cục Đăng kiểm Việt Nam neh bơyai lơh sền mờ lơh glài tìs gơwèt mờ 3 nă cau sền rơndeh bal mờ 2 anih lơh boă sền gròi rơndeh tàm càr do tài tìs tàm broă ai sră dờp rơndeh pơn diang kơnòm bơsram in ờ tơl kơl jăp.

                                        {làng ku\p phan bal mờ rơndeh kơnhoàl Kbang hăt tơn

Ồng Lê Văn Hạnh, Phó kuang atbồ drơng broă lơh Sở Giao thông Vận tải càr Gia Lai pà g^t, Sở do gam pờ dơ\ l^k lơh broă sền gròi rơndeh dờng jơh tơngai ngui, tàm hơ\, kuơ màng là sền kuơ tus mờ ală bơta rơndeh pơn diang kơnòm bơsram:

-Sở Giao thông Vận tải neh geh kơrnoăt crơng gơs mpồl kuang bàng sền gròi geh sở Gia thông Vận tải, Phòng Cảnh sát sền gàr gùng lòt càr, Sở Giáo dục mờ Đào tạo kờ` tus sền ờ uă hìu bơsram, 1 anih lơh niam wơl bơta do, gàr niam ờ do ờ dă ai kơnòm bơsram in. Gơwèt mờ ală rơndeh geh pin là neh geh 67 nơm rơndeh ơm wơl kờ` sền gròi nền nòn mờ neh go\ 7 nơm rơndeh gơbàn tìs.

Bơh broă sền gròi mờ atbồ rơndeh, mpồl lơh broă geh gơnoar càr Gia Lai neh dờp, tus jơh nam 2017 gùt càr do geh mờr 650 nơm rơndeh neh jơh tơngai ngui; gam tus jơh nam 2018 geh tai di pơgăp 550 nơm rơndeh ndai kung jơh tơngai ngui.

         Rơndeh pơn diang kơnòm bơsram gơtìp rềs àr lơh 18 nă cau chơ\t mờ sồt să tàm kơnhoàl Mang Yang

Thượng tá Lê Văn Cường, kuang atbồ mpồl sền gròi, atbồ rơndeh, Phòng Cảnh sát sền gàr gùng lòt, kuang àng càr Gia Lai pà g^t, khà măt nền nòn ală rơndeh do neh geh ai kờ` yal tus mờ cau tòm rơndeh kờ` ai wơl sră dan, [àng sồ rơndeh. Mơya, broă ai wơl do gam tìp uă kal ke:

-Tài ù tiah càr dê ơnàng mờ tơngai dan neh jo\ den tàng geh ờ uă cau tòm rơndeh neh tăc rơndeh mơya ờ yal mờ anih lơh broă kuang bàng in. Dơ\ 2, bè anih, geh ờ uă cau tòm rơndeh tu\ do neh ntrờn anih ơm kis tus tàm tiah ndai, ờ gam kis tàm anih lài do.

Den tàng, tìp uă kal ke tàm broă yal kờ` ai wơl [àng sồ rơndeh. Broă do den bol a` geh lơh ngan pơgồp bal mờ kuang àng ală kơnhoàl, xã, sơnah [òn kờ` tus mờ tơl nă làng bol, sền gròi, ai wơl. Di lah làng bol gam kờ` ngui rơndeh neh jơh tơngai ngui, ală anih lơh broă geh gơnoar go\ den lơh glài di mờ kơrnoăt tàm adăt boh lam.

Mờ khà rơndeh dờng geh uă neh jơh tơngai ngui, mơya broă ai wơl sră dan, [àng sồ rơndeh ờ hềt jơh ală rơndeh do gam geh tơngai lòt tàm ală gơl gùng tàm càr Gia Lai, tàm hơ\ uă ngan là àm tiah sar lơgar ngài. Mờ tàm uă tiah, ală rơndeh do di gơlan lơh uă bơta gơbàn rềs àr uă ngan.

Cau mblàng Ndong Brawl