VOV4.K’ho- Tơnơ̆ tŭ 2 nă cau lơh sơnơm lơh broă jòi cau ơm rềp mờ cau kòp geh cồng nha xét nghiệm bơtờp mờ virus Sars CoV-2, ngai 10/11, gah lơh sơnơm càr Kon Tum neh sơbac mhar lam lơh lùp sền, đal git, jòi cau ơm rềp, lam lơh broă lơh rơcang sơndră kòp. 2 nă cau lơh sơnơm geh git gŏ bơtờp mờ virus Sars CoV-2 là T.V.M, 58 sơnam, lơh broă tàm Anih tờm gròi sền kòp tê jê să càr Kon Tum- anih sồ 1 mờ H.T.M.L, 39 sơnam, lơh broă tàm Hìu sơnơm sơnah ƀòn Duy Tân, ƀòn dờng Kon Tum.

Hìu sơnơm ing sồ 1 là anih sơm uă ngan cau F0 in

Bal mờ 2 nă cau F0 là cau lơh sơnơm, tàm ƀòn dờng Kon Tum kung git gŏ dùl nă cau F0 tai tàm mpồl bơtiàn là N.X.L, 46 sơnam ơm tàm sơnah ƀòn Quyết Thắng. Tơnơ̆ tŭ git gŏ 3 nă cau F0 tàm mpồl bơtiàn tàm ƀòn dờng Kon Tum, gah lơh sơnơm càr Kon Tum neh sơbac mhar lam lơh lùp sền, đal git, jòi cau ơm rềp, lam lơh broă lơh rơcang sơndră kòp. Kờp tus 6 jơ drim ngai 10/11, càr Kon Tum geh 327 nă cau bơtờp kòp Covid-19.

Cau mblàng K’Duẩn