VOV4.K’ho- Viện Vệ sinh dịch tễ dà lơgar pa geh kơrnuat tam pà 100 rbô ding sơnơm vaccine AstraZeneca ai ală mpồl tàm ƀòn dờng Hà Nội in. Khà sơnơm vaccine do bơh Chính phủ Hungary dong kờl, geh lơh gơlik tàm lơgar Italia. Viện Vệ sinh dịch tễ dà lơgar pà git, tàm 100 rbô ding do, Hìu sơnơm kòp klờm soh dà lơgar geh tam pà 10 rbô ding, Hìu sơnơm Bạch Mai 8 rbô ding, Hìu sơnơm kơnòm dềt dà lơgar, Hìu sơnơm E, Hìu sơnơm Hữu Nghị tơl hìu sơnơm geh tam pà 6 rbô ding, Hìu bơsram Đại học Y Hà Nội geh dờp 5 rbô ding. Viện Vệ sinh dịch tễ dà lơgar dờp mờr 51 rbô ding nàng tam pà ai ală tiah in. Jat Kơrnuat tam pà do, Viện Vệ sinh dịch tễ dà lơgar sồr ală mpồl lam lơh cit mơ khà sơnơm vaccine geh pà ai làng bol tàm ƀòn dờng Hà Nội in, gàr ngui sơnơm vaccine geh cồng nha, di jơnau kờñ, di cau.

Cau mblàng K’Duẩn