VOV4.K’ho- Jơnau yal bơh Sở Y tế ƀòn dờng Hà Nội pà git, ngai òr (06/10), tàm ƀòn dờng do gŏ 6 nă cau gơtìp mờ virus Sars CoV-2 ndrờm tàm tiah wàng se mờ gơwèt mpồl cau kòp gơrềng tus mờ hìu sơnơm Hữu Nghị Việt Đức.

Bè hơ̆, tơnơ̆ mờ 6 ngai gơtìp, tus tŭ do neh geh mờr 50 nă cau gơrềng tus mờ hìu sơnơm Việt Đức geh gŏ mờ virus Sars CoV-2. Bè cồng nha ai mẫu xét nghiệm, gah lơh sơnơm neh ai geh 18 rơbô 168 mẫu, tàm hơ̆ geh 17 rơbô 988 mẫu neh geh cồng nha xét nghiệm, gŏ 40 nă cau geh gŏ mờ kòp, geh 13 nă cau là cau tàm hìu nhă sền gàr cau kòp; 19 nă cau kòp gam sơm kòp tàm hìu sơnơm; 6 nă cau lơh broă tàm hìu sơnơm mờ 2 nă cau gơrềng bal ndai.

Cau mblàng Ndong Brawl