VOV4.K’ho-  Bí thư Thành ủy Hà Nội ồng Đinh Tiến Dũng pà gĭt, gah lơh sơnơm càr lơgar dê neh gàr niam 1 rơbô 600 broă lơh cĭt vaccine mờ bơta pràn cĭt pơgap 500 rơbô ding dùl ngai.

 Bí thư Thành ủy ồng Đinh Tiến Dũng pin dờn Hà Nội geh kơryan jai kòp

Mờr 8 rơbô nă y, bác sĩ, cau lơh broă xét nghiệm, kỹ thuật viên, cau bơsram dờng neh geh ai bơh 12 càr, ƀòn dờng nàng dong kờl càr lơgar. Kơnờm bơh mpồl cau do, ală anih cĭt sơnơm ndrờm lơh broă uă ngan rlau jơh. Ală anih cĭt sơnơm ndrờm geh ai ală bác sỹ hồi sức kấp cứu mờ ală mpồl cấp cứu ntrờn làm bă tiah nàng gàr niam bơta ờdo ờdă ngan ai làng bol in. Mờ tơngai lơh broă do, tus ngai 15/9, Hà Nội lơh sir jơnau kờñ 100% cau bơh 18 sơnam rlau hơđang geh cĭt ết ngan rlau jơh 1 ding vaccine rcang sơndră kòp Covid-19.Bí thư Thành ủy Hà Nội ồng Đinh Tiến Dũng sồr ală kấp, ală gah sơnah lơh broă pơn jat tai pơgồp bal niam mờ gah lơh sơnơm, ală mpồl lơh broă bơh ală càr, ƀòn dờng; ngui tơl phuk tơl jiơ nàng lơh gơs, lơh sir jơnau kờñ cĭt sơnơm vaccine gàr niam bơta niam mờ geh cồng nha uă.

Cau mblàng K’Hạnh