VOV4.K’ho - Tàm 4 nam do, tàm càr Gia Lai geh rơlao 100 Hợp tác xã lơh sa suơn sre geh crơng gơs. Mờ broă adăt Hợp tác xã nam 2012 geh ngui, ală hợp tác xã do kơ\p kờ` lơh broă geh cồng nha, lơh tam gơl niam ai gah lơh sa suơn sre tàm càr Gia Lai dê. Mơya, mờ uă kal ke gơbàn tàm broă lơh bal mờ broă “ Kờ` lòt gơbàn priă, kờ` rê gơbàn phan bơna”, geh uă hợp tác xã tàm bơta lơh broă ờ geh cồng nha. Ală Hợp tác xã lơh broă geh cồng nha kung kal ke pờ ơnàng broă lơh sa kă bro, kal ke gơdờp mờ drà kă bro.

Bồ nam 2018, hợp tác xã lơh sa suơn sre mờ broă lơh drơng ala An Trường Phát tàm [òn Tân Hiệp, xã Tân An, kơnhoàl Đăk Pơ geh crơng gơs, dong kờl biăp, kơnuh, plai chi kloh bơh 55 nă cau tus mờ drà kă bro [òn dờng Đà Nẵng ờ di tus bơh cau lòt blơi.

                    Broă lơh Hợp tác xã jăt bơta pa dong kờl làng bol pơgồp bal kờ` gơdờp mờ drà kă bro

Tơnơ\ mờ hơ\, geh ờ uă anih lơh sa kă bro tàm do pơgồp bal blơi, mơya hợp tác xã ờ bài lơh broă bal. Tài là anih lơh broă hợp tác xã dê gam yòng ing den tàng mìng geh lơh di pal mờ 1 rơbô 200 k^ phan pah ngai.

Ồng Nguyễn Văn Thành, kuang atbồ Hợp tác xã pà g^t, anih lơh broă do neh uă dơ\ pơyoa sră yal tus mờ UBND xã, kơnhoàl kờ` dan ơpah rơlao 8 sào ù lời gời uă nam tàm do kờ` lơh hìu lơh phan bal mờ hìu lơh broă, mơya ndrờm ờ gơtùi. “Lơ\ neh geh, mơya sur pal ơ\t sa” là bơta ờ di mờ hợp tác xã lơh sa suơn sre mờ broă lơh drơng ala An Trường Phát gam gơbàn. Ồng Nguyễn Văn Thành yal:

-Hợp tác xã lơh 3 pang sră dan ù, Sở Tài nguyên mờ Môi trường bal mờ UBND kơnhoàl kung neh hơ là ờ geh ù kờ` jào, ai ơpah. Tơngu me tòm là adăt Hợp tác xã đơs là ờ geh cơ chế ai ơpah ù, mơya pal lơh jăt kơrnoăt bơh adăt ù tiah. Mơya ù tàm do den mìng gam ù 5%. Jăt adăt ù tiah, ù 5% den UBND xã atbồ, ai hìu nhă, cau 1 nă să ơpah jăt broă lơh blơi đấu giá kờ` lơh sa suơn sre. Kal ke là hợp tác xã là mpồl lơh broă den ờ gơtùi ai ơpah ù. Ai pơn drờm mờ adăt ù tiah den hợp tác xã ờ tu\ lơi ơpah geh ù do.

Bơdìh mờ bơta kal ke bè ù tiah, broă lơh tu\ do geh uă hợp tác xã lơh sa suơn sre tàm càr Gia Lai ờ gơtùi geh càn priă bơh Ngân hàng mờ ală mpồl ai càn priă. Hợp tác xã lơh sa suơn sre Cư\ A Thai tàm xã Ia Ke, kơnhoàl Phú Thiện, càr Gia Lai tu\ do geh 148 lồ ù bal mờ phan geh lơh là phe geh drà kă bro tàm càr bal mờ bơdìh càr kờ` ngan.

   Kơnờm mờ broă lơh Hợp tác xã jăt bơta pa kơnhoàl Phú Thiện càr Gia Lai lơh geh uă bă suơn tam tào dờng ơnàng

Mơya, ồng Phạm Ngọc Nghĩa, Chủ tịch Hội đồng quản trị mờ là kuang atbồ hợp tác xã pà g^t, uă nam do, mpồl lơh broă do mìng geh lơh is phơng sih, sơntìl, sơnơm sền gàr phan tam mờ tăc kòi, phe mờ ờ gơtùi lơh khà pmăt phan kă bro tài ờ geh priă. Neh uă dơ\ ồng teh mpồng ală ngân hàng bal mờ ală mpồl lơh broă ai càn priă, mơya ndrờm gơbàn ờ geh tài phan bơna bơh hợp tác xã dê là phan bơna bal, geh dà lơgar jào den tàng ờ gơtùi ai càn priă. Mìng geh 1 broă là cau tàm mpồl hợp tác xã pal ai phan bơna is, mơya kung mìng geh càn ờ uă priă sơl. Ồng Nguyễn Ngọc Nghĩa pà g^t:

-Hợp tác xã kă bro broă lơh drơng ơla geh nùs nhơm lơh is, dờp kơnòl is, mơya tu\ càn priă den ờ geh phan bơna lơi kờ` ai. Ù bơh dà lơgar jào ờ tă priă, ù lơh sa bal, ờ geh gơnoar ai kờ` càn priă. Bol a` pal jòi is broă lơh, pơgồp is, càn is priă mờ să tòm, mờ phan bơna bơh ală cau tàm hợp tác xã dê. Tu\ do, a` gam càn mờ sră ngui ù hìu nhă tòm kờ` càn priă ai hợp tác xã in.

Tàm khà 165 hợp tác xã tàm càr Gia Lai tu\ do, geh tus 119 hợp tác xã lơh sa suơn sre. Jăt mpồl tam klăc Hợp tác xã càr Gia Lai yal, geh uă hợp tác xã gam lơh broă ờ pràn, mpồl kuang atbồ, đơng lam gam ờ tơl mờ ờ pràn. 10% khà hợp tác xã lơh sa suơn sre kờ` tìp mờ drà kă bro gơtìp kal ke bè uă bơta, kuơ màng là priă, phan lơh broă mờ ờ hềt geh bơto kuang bàng geh tơl bơta ngăc ngar jăt mờ adăt hợp tác xã nam 2012.

Bồ nam 2017, UBND càr Gia Lai tơl^k chỉ thị sồr ală cấp uỷ, gơnoar atbồ tàm ală tiah bal mờ uă gah lơh broă tus bal tàm broă bơsong kal ke, chồl pràn broă tơnguh bơtàu broă lơh hợp tác xã. Mơya, tus tu\ do, tiah lơh broă bơh ală hợp tác xã lơh sa suơn sre tàm do kung gam ờ geh cồng nha rơlao. Jăt ồng Nguyễn Văn Tiếp, Chủ tịch mpồl tam klăc hợp tác xã càr Gia Lai yal, tềng đăp măt ờ hềt geh broă lơh lơi tus mờ broă do, ală hợp tác xã pal lơh is:

-Mpồl tam klăc hợp tác xã neh tus uă kơnhoàl lơh broă mờ bí thư bal mờ chủ tịch UBND kơnhoàl kờ` dan geh broă dong kờl ai ală hợp tác xã in. Chỉ thị sồ 2 nam 2017 bơh UBND càr kung đơs bè bơta do. Mơya, ală kal ke tu\ do bơh hợp tác xã lơh sa suơn sre ờ gơtùi bơsong gờ` bơta do, mờ pal geh tơngai. Broă lơh is bơh ală hợp tác xã pal bơsong is kal ke să tòm, mờ broă tơnguh uă ngan khà kuang bàng.

Broă lơh hợp tác xã jăt bơta pa geh tơngu me lơh tơn pràn mờ tơnguh bơtàu broă lơh sa bal, dong kờl ală cau tàm mpồl rơcang rơlao mờ drà kă bro. Kờ` pleh mờ khàr pa, ơlăk yau tàm broă lơh bơh ală hợp tác xã dê, pal geh broă dong kờl niam di pal, mờ bơsong geh ală kal ke, ai geh broă tơnguh bơtàu broă lơh do in.

Cau mblàng Ndong Brawl