VOV4.K’ho - Ờ geh  lòt bơsram  tàm hìu bơsram, tàm ơdu\ bơsram, mơya mờ bơta lơh ngan jòi git wa\, lùp bơsram mờ pràn brồ guh, klau pơnu Y Phăng Mlô, cau Rơđê kis tàm kơnhòal Cư\ Mgar, càr Dak Lak neh lơh is mut lơh broa\ sa mờ broa\ lơh khàp tam chi bơka niam mờ bàng kơghe\ mờ sơmang, bơh sơnrờp neh lơh geh pria\ jền sùm geh  sa\ tờm in ngui.

            Gơbàn kuet kơlte bơh deh tềng jơng neh lơh broa\ lòt rê kal ke ngan, hìu nha\ rbah, jơh bơsram ơdu\ 9, Y Phăng Mlô 26 sơnam kis tàm [òn Jok, xã Ea Hđing, kơnhòal Cư\ Mgar, càr Dak Lak pal ơm lòt bơsram, ơm tam hìu dong bi ùr tac dà tào. Tàm tu\ ru, bi sùm lòt sền broa\ lơh gơs khàp tam chi bơka rềp hìu,  sền broa\ cau lơh khàp bè lơi.

            Dùl tu\ tơngai tơnơ\, Y Phăng sơnơng gơlik geh broa\ tam bon-sai, tờm chi bơka nàng tac. Ờ geh lài khàp tam, kung ờ geh ua\ pria\ bơcri, bi neh bơsram is lơh geh ala\ khàp tam chi bơka sa\ tờm he dê, tềm pềr ndang, mờ khat gơboh bơceh lơh ala\ bơta he kờ` niam bơne\.

            Jơh tus dùl nam jòi wa\ mờ bơsram is, Y Phăng neh lơh gơs ala\ khàp tam chi bơka krơi niam bè khà bè ly jơnhua ngko, khàp bè kho\ dum, khàp bè mpal… Ala\ phan bi lơh geh ua\ cau git tus mờ jòi lòt blơi. Bi Y Phang Mlô pà git:

            Bơh sơnrờp den broa\ lơh la kal ke ngan. Ngan la he ờ geh pria\ ua\, bơta git wa\ kung êt. Tơnơ\ dùl tu\ tơngai den geh đah huyện đoàn ai càn pria\ mờ bơh tềng hơ\ broa\ lơh kung niam rlau. A` geh ngui pria\ càn tàm broa\ blơi phan lơh, ma\y koh, ma\y hàn nàng lơh khuôn mờ geh lơh blàng nàng  lơh broa\.

            Nam 2016,  geh đoàn xã Ea H’Đing pơlam, Y Phăng lơh sra\ dan đơs bơta kờ` mut lơh broa\ mờ geh huyện đòan Cư\ Mgar dong kờl 20 tơlak pria\ càn bơh kes pria\ mut lơh broa\. Mờ khà pria\ do, Y Phăng blơi phan  lơh,  mờ lơh ngan tàm broa\ lơh khàp, lơh bàng kơghe\ mờ sơmang. Bi gam jòi ala\ bơta khàp niam krơi is, niam nàng lơh di bơta kờ` ngui bơh cau  blơi.

            Bi Nguyễn Văn Lanh, cau tờm  tam bơkàu, chi bơka niam tàm [òn dờng Buôn Ma Thuột, càr Dak Lak neh ua\ dơ\ blơi khàp bơh Y Phăng lơh ai git,  mìng kờ` geh yal bơta kờ` he dê den la Y Phăng geh lơh di mo bơta kờ`:

            A` go\ bi hơ\ ờ bơsram bơh hìu bơsram mờ bi hơ\ kờ` ngan bơsram lơh, tơryang tơryồng, tài pơnyơu bè trồ mìu càl dờng bè hơ\ mờ bi gam lơh. Hơ\ sồng phan do lơh mờ tê ờ go\ di lơh mờ ma\y. Khà niam kơljap den kung bè ua\ cau ndai dê lơh sơl, a` go\  bi lơh broa\ la jơh nùs ngan tàm tơl phan lơh gơs.

            Tu\ do pah ngai kờp bal Y Phăng tac di bơh 4 tus 5 nơm khàp mờ pria\ tac bơh 50 rbô tus 600 rbô tơl nơm khàp,  lơh geh  pria\ jền pah niam di 50 tơlak pria\. Tàm ala\ tu\ cau kờ` ua\, nac kờ` blơi ua\ hala ala\ phan khàp dờng den  bi pal ơpah  cau dong lơh bal.

            Bi Y Long Kbuôr, cau kuang lơh broa\ đoàn kơnhòal Cư\ Mgar đơs,  broa\ lơh sa bơh Y Phăng geh bơta bơceh pa, sa\ tờm Y Phăng la klau pơnu kòn cau geh bơta pràn sa\ ja` ngan:

 Y Phăng la dùl na\ pơnu kuet kơlte sa\ ja` lơh ngan brồ guh tàm rài kis mờ lơh geh  ua\ ngan phan bơna. Broa\ lơh do ờ  bơsram bơh ơdu\ bơto bơtê mờ bi hơ\ neh lơh   bơsram lơh, bơsram bơh tàm sra\, tàm bao\ hala tàm internet tơnơ\ hơ\ geh lơh is khàp gơ in di pal mờ bơta kờ` tu\ do bơh drà ka\ bro mờ tus tu\ do neh bơtàu tơngguh pràn rlau. Mờ la cau pơnu bè Y Phăng la dùl  na\ klau pơnu kuet kơlte mờ  sa\ tờm neh lơh ngan brồ guh tàm rài kis den jơh ala\ ơruh pơnu ndai tàm do cau kung pal tus bơsram nàng ai bơta do lơh pràn kờ` bơtàu tơngguh tơnơ\ do.

            Tus tu\ do,  Y Phăng neh tơm jơh pria\ càn mut lơh broa\ bơh huyện  đoàn. Bi  gam kờp du\ geh pơ ơnàng broa\  lơh sa, jòi tai cau lơh broa\, pơ gồp bal lơh geh broa\ lơh  ua\ cau ndai in. Bi kung rcang pơlam jơh ala\ cau  lơi kờ` mờ bơsram kờ` lơh   khàp tam chi  bơka niam. Y Phăng boh bơr, mut lơh broa\ sa pal bơh bơta kờ` lơh, mờ  dùl na\ cau bè ès neh kal ke, cau kuet kơlte den slơ kal ke rlau. Mơya mìng kờ` bơta lơh ngan mờ  jơh nus, tơl ala\ bơta kal ke drờm gơ tùi sơrlèt gan nàng cèng geh cồng nha.

                                    Cau mblàng K’ Brọp