Jăt mờ hơ̆, bơh ngai 01/11 tus do, Mpồl bơyai lơh rơ̆p dờp jơnau pơyua pơrlòng bơh ală mpồl cau, cau dồ nă să dê tus bal dơ̆ pơrlòng. Bơh dơ̆ pơrlòng nàng kờñ tơngguh uă bơta gĭt wă bơh kwang bàng, kông cưk, viên cưk, làng bol, mpồl lơh sa kă bro dê…bè bơta kwơmàng, jơnau gơtha mờ bơta kwơ mờ Ală jơnau neh lơh nền sồ 06 bè “Bơtàu tơngguh jăt ngui jơnau yal tơnggĭt làng bol ơm kis, măt sơnđan, dipal điện tử drơng tam gơl sồ dà lơgar tơngai bơh nam 2022- 2025, bơta wèt sền tus nam 2030” dê cèng wơl. Bơh hơ̆, pơgồp bơnah lơh jăt ală kơnòl broă, jơnau kờñ bơh ală jơnau neh lơh nền dê neh sồr lơh.

Cau tus pơrlòng là ală mpồl cau, cau dồ nă să gam ơm kis, lơh broă tàm càr Dăk Lăk. Cau pơrlòng cih măt tus bal ală broă lơh dipal, bal mờ măt jơnau kơlôi lơh phan bơna, pơyua jơnau pơrlòng tus mpồl bơyai lơh in lài mờ ngai 30/11/2024. Digơlan, cồng nha dơ̆ pơrlòng rơ̆p geh yal mờ jàu khà jờng tàm nhai 12 nam 2024.