Wă rò Bơtau lơgar Campuchia ồng Norodom Sihamoni geh Cau kơ đơng Yàng phờk Thích Thiện Nhơn, Abồ mpồl duh broă Yàng phờk Việt Nam - Abồ hìu Yàng phờk Quán Sứ. tơnơ̆ mờ tŭ chu ñàng tềng hìu Yàng phờk Quán Sứ, Bơtau lơgar Campuchia boh bơr mờ ală cau kơ đơng yàng tàm hìu yàng phờk.

Bàr gah geh sền wơl ală tơngai lài do, tam pà bal, dong kờl bal đah Gah Yàng phờk Việt Nam mờ gah Yàng phờk lơgar Campuchia dê, pơgồp bal tàm broă dong kờl làng bol bàr lơgar sơrlèt ờ kal ke. Cau kơ đơng Yàng phờk Thích Thiện Nhơn tơlik nùs nhơm, dơ̆ tus còp do bơh Bơtau lơgar Campuchia dê là broă lơh kwơ màng, ai tơngŏ gơnoar broă bơh Gah yàng Phờk lơgar Campuchia mờ gah Yàng phờk lơgar Việt Nam dê tàm broă pơgồp bal lơh pràn rơlao tai bơta git gơ̆p rềp mềr bal, ai tơngŏ nùs nhơm tam klăc, lơh bơyô bal niam bơnĕ ờs mờng bơh làng bol bàr lơgar dê.