Dơ̆ tơrgùm să lơh jat ngai dunia rcang lài kơryan kòp AIDS nam 2024
Thứ bảy, 06:00, 30/11/2024
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Drim ngai 29/11, tàm Hà Nội, Phó Thủ tướng ồng Lê Thành Long tus bal dơ̆ tơrgùm să lơh jat Ngai dunia rcang lài kơryan kòp AIDS (01/12) mờ tơngume “Ring bal, ring bal ùr klau tàm gĭt bal broă drơng rcang lài kơryan kòp HIV/AIDS – Wèt tus tơn jơh kòp AIDS tàm nam 2030”.
Việt Nam neh lòt gan mờr 35 nam rcang lài kơryan kòp HIV/AIDS mờ lơh geh uă cồng nha niam ngan, là lơgar lam lài câu Á- Thái Bình Dương bè khà cau geh sơm mờ sơnơm PrEP, dong gròi sền geh 97% cau ngui pleh mờ bơta pơhìn bơtờp HIV.
Nàng lơh jat geh jơnau kờñ tơn jơh kòp AIDS tàm nam 2030, Phó Thủ tướng ồng Lê Thành Long sồr ƀộ, gah broă geh gơnoar kờp sền, bơtơl, lơh sir adat boh lam bè rcang lài kơryan kòp HIV/AIDS gàr niam bơta di pal, dồ ròt bal. Ai lơh jat broă lơh, gùng dà broă lơh, lơh geh bơta ƀuơn ngan nàng sơlơ tơnguh tai bơta tus bal bơh ală mpồl cau, cau dồ nă să; pơn jat tai tơnguh uă bơta niam yal jơnau, mblàng yal jơnau, bơto bơtê, ngan là kơryan bơta ờ rờm bal, tam cah is tơm bơh bơr geh gơrềng tus kòp HIV/AIDS.
Viết bình luận