Tàm dơ̆ Pơrjum cribơyai, ală cau ala măt bơh 2 gah neh neh boh bơr, cribơyai, lòt jrô mblàng sền ală jơnau tàm sră pơ àr mờ bơta geh ngan tàm rài kis mùl màl bè broă bơ̆t bơtàu rài lơh sa krơi is, rơcăng lài is, bơh hơ̆ lơh tơnggŏ loh tai bàr pe broă mờ 2 gah sền gròi, bè: tam gơl pa bồ tơnggoh kơlôi sơnơng mờ tơngguh uă pràn jak dơlam is tàm broă bơtàu tơngguh; lơh niam wơl tiah bơcri priă kă bro; bơta pràn mờ gơn kơnờm ai broă bơ̆t bơtàu rài lơh sa krơi is in; lơh li la drà kă bro, tơngguh uă jơnau tơl pràn gơdờp bơh rài lơh sa dê tàm tŭ tơngai mŭt gơrờm bal mờ ală lơgar jrô ơnàng, làm uă.

Ală cau ala măt ring bal đơs là, broă bơ̆t bơtàu mờ bơtàu tơngguh rài lơh sa krơi is, rơcăng lài is là kờñ ngan gơ wèt mờ tơl lơgar, ngan là tàm tŭ tơngai, broă tŭ do.