Ala măt kwang đơng lam bồ Đảng, Dà lơgar ki ngàm jàu pà ồng Trần Quốc Vượng in Gai lòng 45 sơnam Đảng, Tổng Ƀí thư ồng Tô Lâm chờ hờp bal mờ ồng Trần Quốc Vượng mờ ală oh mi geh jàu pà Gai lòng 40 sơnam, 30 sơnam Đảng mờ đơs sùm, ală oh mi geh pà gai lòng đảng ngai do neh geh ală tŭ lơh broă jŏ jòng tàm uă anih lơh broă, mpồl lơh broă, tàm ală tŭ lơh broă, ală oh mi neh sùm prăp gàr kơ̆ nùs nhơm kăc màng bơh cau kộng sản dê lơh jăt niam kơnòl broă gơnoar broă geh jàu.

Is ồn gơ wèt mờ nă să ồng Trần Quốc Vượng tàm tơl gơnoar broă lơh broă sùm lơh gơs jak chài ngan kơnòl broă geh jàu, pơgồp bơnah kwơmàng tàm broă bơ̆t bơtàu mờ sền gàr bơta tờm cíñ trị cơng tàng adăt boh lam dê kung bè lơh jăt geh cồng nha ală kơnòl broă cíñ trị Đảng dê, geh uă tă pơgồp dờng ngan tàm dơ̆ tam dră rơcăng, tam dră sa kwề sa kwà ờ niam, pơgồp bơnah lơh kơ̆ kơl jăp bơta pin dờn kwang bàng đảng viên mờ ală rơnàng làng bol dê gơ wèt mờ Đảng.