Yau òr, tềng bồ tô croh dà Sê-băng-hiên, geh 1 nă ồng hìu pas, hìu ồng pas do geh gal ngan rơwas gam sa `hơ\t tềng jơng bơnơm, cing, mồng yồng bềng hìu, biàng prăp bềng drăp, 10 nă cau tờp ù tơ\p drăp geh biàng tus 4 mang, 4 ngai hơ\ sồng jơh. Hìu pas, mơya ồng ờ geh kòn, tus tàm tu\ ùr bơklao ồng so\ tàm bồ neh bò hơ\ sồng deh 1 nă kòn ùr mờ sơnđan là A Mang. Kòn ùr do geh ròng siam niam bơne\, dờng mhar mờ hàng bơne\ ngan den tàng lơh ală klao pơnu tàm [òn mờ ală [òn ndai gơboh ngan. Mang pah mang, A Mang ai kơwào A Mam nggui tềng mpràp hìu uh, kơno wăc rơwờl ngan. Mơya tu\ kơno săp kơwào Ta Riền bơh ală klao pơnu uh, den A Mang đơs crih mờ jơnau ờ bài. Tu\ kơno săp kòn ùr do đơs crih mờ jơnau ờ bài, ală klao pơnu kung gam ờ dil sơl, mang pah mang uh kơwào mờ lòt gùt dar hìu A Mang.

Hờ lồi [òn geh 1 nă klao pơnu hìu nhă rơ[ah ngan sơnđan là Xà Nông. Ngai pah ngai, Xà Nông lòt ê rơpu, sền rơwas hìu ồng pas in. Bu\ lah nùs nhơm gơboh mờ A Mang, mơya tài rài kis hìu nhă rơ[ah ir, den tàng Xà Nông mbè rơgơi geh phan, biàng, rơpu, rơwas kờ` lăp bao. Sơlơ kơlôi tus A Mang, nùs nhơm Xà Nông gơlơh bè mhoal jù tìm bồ bơnơm, tus trồ mang ờ lòt nhơl, mơya nùs nhơm sùm ờ su\k ơm. Tu\ kơno săp kơwào Ta Riền bơh ală klao pơnu uh, Xà Nông gơlơh nùs nhơm ờ su\k ơm ngan, guh sing ồs tềng nggùl mpang hìu, ai kơwào Ta Riền uh sơl. Săp ntas kơwào Xà Nông uh lơh kơno tus hìu ồng pas. Kơno săp kơwào Ta Riền Xà Nông uh, A Mang kung gơlơh ờ su\k ơm sơl, b^c ờ lơhă, den tàng guh ai kơwào nggui tềng bồ mpràp hìu mờ uh. Ùr bơklao hìu ồng pas tu\ go\ kòn ùr bè hơ\ den ờ su\k ơm ngan. Tài ồng pas do kờ` ai kòn ùr bao mờ kòn klao hìu ồng pas ndai [òn hờ lồi croh dà, den tàng ồng pas do pơn jồh A Mang, mơya A Mang kung ờ bài sơl, tài A Mang neh gơboh mờ Xà Nông.

Ồng pas do gơboh mờ kòn, mơya nùs nhơm ồng pas kờ` ai A Mang bao mờ kòn klao hìu ồng pas ndai, mờ ờ tu\ lơi ồng pas do ai kòn ùr bao mờ Xà Nông rơ[ah, glar bòl. Den tàng tu\ kơno săp kơwào Xà Nông uh, ồng pas do gơjra` ngan.

Geh 1 ngai, ồng hìu pas kơlôi gơl^k 1 jơnau kờ` lơh aniai. Ồng hòi Xà Nông tus mờ sồr: ơ sau, kòn ùr wa neh gơgoh mờ sao. Den tàng, di lah sao kờ` bao mờ kòn ùr wa den tơlòng bơta pràn sao geh ndrờm mờ rơpu dam, ơseh dam dê lah ờ? Tu\ kơno ồng hìu pas đơs bè hơ\, Xà Nông ờ su\k ơm ngan, nggui is mờ ờ g^t đơs jơnau lơi. Hờ đah me tàm jơdu\ A Mang đơs chều lơh bè sồr Xà Nông kờ` bal. Xà Nông đơs crih, nùs nhơm sơlơ ờ g^t kơlôi bè lơi. Ồng hìu pas `o\ mờ đơs: mê gơboh mờ kòn ùr a`, kòn ùr a` gơboh mờ mê. Mê pal mă kòn ùr a` hào guh bồ bơnơm tềng đăp hìu a`. Tu\ mê neh mă tus hờ đang bồ bơnơm den mê mă mù rê tai, ờ geh rơlôi tàm chàr bơnơm, ờ geh hùc dà tàm tu\ lòt mờ rê. Di lah mê lòt tơl 1 dar den a` ai mê bao mờ kòn ùr a`. Di lah ờ, a` ờ ai mê lòt, ờ ai mê kis tai.

Sền bồ bơnơm `hoa tềng đăp [òn, Xà Nông gơrơm să ngan, tàm ală dơ\ hào guh bơnơm jòi lơwe, Xà Nông neh lơgah jơng, tơhìr dà. Tu\ do, ồng hìu pas sồr mă kòn ùr tàm tu\ mhoal gam pơn bồ bơnơm, mờ ờ geh hùc dà, ờ geh rơlô tai mbè rơgơi Xà Nông khin dờp jơnau sồr do. Xà Nông rê mờ nùs nhơm moăt jrùng ngan, ai kơwào Ta Riền uh is tềng gah bơnhă ồs. Săp kơwào ntas kơno tus hìu ồng pas, lơh A Mang ờ su\k ơm ngan mờ `ìm. Tu\ neh jơh `ìm, A Mang mù ờm mờ lòt tus hìu Xà Nông, tơmềt tềng mpồng hìu mờ đơs: ơ bi, mè bèp oh ờ ai, mơya nùs nhơm 2 nă he bè 2 dang che rơyas car bal, 10 nă cau sreh kung ờ tăc sơl, 100 nă cau kơl tung kung ờ jai sơl. Bi dờp jơnau bèp oh sồr te\. Yàng sồr kis, 2 nă he bao bal. Yàng sồr chơ\t, oh chơ\t jăt bi. Tu\ kơno A Mang đơs bè hơ\, nùs nhơm Xà Nông chờ hờp ngan, 2 nă bol khi guh hờ đang hìu mờ uh kơwào A Mam, săp kơwào kơno mpong wăc rơwờl ngan gùt ù gùt tiah. Tu\ trồ rơ\p rìng àng drim, A Mang rê, um kloh să bồ, kơ\p Xà Nông tus nàng dan mă A Mang hào bơnơm bè jơnau ồng hìu pas neh sồr. Xà Nông mă A Mang hào bơnơm. A Mang gơboh mờ sơnđàc Xà Nông uă ngan, mơya ờ g^t lơh bè lơi mờ tài ngòt mè bèp den tàng mìng kơ\p kờ` Xà Nông tơl pràn mờ sơlèt dơ\ tơlòng do. A Mang bơh đang ngkời đơs crih kờ` tơn pràn jơng Xà Nông hào bơnơm. Tus nggùl chàr bơnơm, A Mang tơn jrùh so\ nàng Xà Nông mum tàm bơr. Tài gơboh mờ Xà Nông, den tàng A Mang neh iu\ so\ tàm dà nàng geh dà tơn hùc Xà Nông in tu\ hào bơnơm. Tài geh dà bè hơ\, den tàng Xà Nông neh mă A Mang tus bồ bơnơm mờ mù rê. Nùs nhơm chờ hờp tu\ mờr geh bao mờ ùr hàng, Xà Nông ờ g^t glar tai mờ mă A Mang rê tus tơn hờ hìu ồng pas. Go\ Xà Nông ờ chơ\t jăt gùng lòt, ồng hìu pas gơjra` ngan, mơya lơh bè chờ mờ đơs: ơ Xà Nông, a` là cau kra, 1 jơnau neh hơ den pal lơh jăt. Tu\ do Xà Nông rê te\ rơcang tơl 5 kơnăc priă trà bò, 10 nơm glah dờng, 4 nơm glah bung nàng lơh phan kơ\t bao mè, bèp A Mang in. Mờ jòi geh 3 nơm rơpu, 10 nơm sur, 5 drăp tơrnờm nàng jà ală cau tus `ô jun bao. Tu\ kơno ồng hìu pas đơs bè hơ\, nùs nhơm Xà Nông gơlơh is rơmis ngan. Jơh 1 rài ơm lơh d^ tàm hìu ồng pas, Xà Nông mìng prăp geh 1 nai priă trà bò, bè rơgơi geh glah dờng, glah bung, rơpu, sur nàng `ô jun bao. Moăt jrùng ir, ngai pah ngai, Xà Nông lòt mus mìr hìu ồng pas in, tus mang rê sing ồs tềng nggùl mpang hìu, ai kơwào Ta Riền uh mờ ală jơnau moăt jrùng. Săp ntas kơwào kơno tus hìu ồng pas mờ lơh nùs nhơm A Mang kung ờ su\k ơm sơl, 1 mang, hơ\ sồng 2 mang, săp kơwào Xà Nông uh geh tu\ wăc rơwờl bè cau `ìm ròc, geh tu\ krơi is bè jơnau hơ, bè jơnau yal. 1 mang, 2 mang, măt A Mang ờ lơhă b^c, tồr A Mang iăt săp ntas kơwào, mờ iăt jơh tơl săp ntas gơl^k bơh kơwào dê, tài ờ jai ir ơ\t tai, A Mang l^k bơh hìu mờ lòt tơn tus hìu Xà Nông mờ đơs: ơ bi, klàng nrah yô gơtìp chơ\t tềng bồ lu\. Oh ờ geh bi oh ntru` tàm dà nàng chơ\t. Tu\ kơno A Mang đơs bè hơ\, Xà Nông mù bơh đang hìu attê A Mang mờ đơs: di lah ờ bao mờ oh, bi tơm bồ tềng lu\. Di lah ờ kis mờ oh, bi ntru` bơh đang chi nàng chơ\t sơl. Hơ\ sồng 2 nă bol khi `ìm sùm, tus tàm tu\ trồ neh mờr àng, hơ\ sồng 2 nă bol khi tam jà bal lòt jăt gùng mờ 2 nă bol khi neh mă lòt lài do. Tu\ măt tơngai neh mờr tam toh tềng bồ, 2 nă bol khin kung neh hào tus hờ bồ bơnơm. Glar bòl, tơhìr dà bal mờ nùs nhơm chờ hờp geh ơm kis rềp bal, lơh 2 nă bol khi glar ngan mờ ờ gơtùi lòt tai. 2 nă bol khi jòi geh 1 nai lu\ niam nàng lơh anih nggui bal, sền gùt dar ù tiah, mờ dờp bơta gơboh gơbài bơh ùr ơruh klao pơnu dê. Xà Nông mờ A Mang uh bal 1 nơm kơwào A Mam, đơs wơl 1 jơnau hơ pơrgon lài do. Săp đơs crih bol khi dê gơlơh mpong ngan gùt ù gùt tiah, sềm kơno săp bol khi đơs crih kung ờ par mờ ntào sền, dồ hờ đang cồng ch kơno săp bol khi đơs crih kung ờ nggà ờ sơnđoh mờ ơm sền… đơs crih sùm tus tàm tu\ ờ geh nhơn tai, 2 nă bol khi chơ\t bal tơn. Tu\ chơ\t A Mang ai nao tê ơn tàm bơr Xà Nông, Xà Nông kung ai nao tê ơn tàm bơr A Mang sơl.

Kơno cau yal Xà Nông mờ A Mang neh lòt 2, 3 ngai ờ rê, nùs nhơm ồng hìu pas ờ su\k ơm ngan mờ sồr cau lòt jòi. Ală cau lòt jòi gùt ù gùt tiah, gùt kơh gùt bơnơm, gùt croh dà. Tus 2, 3 ngai kung ờ go\ sơl…tus ngai dơ\ 5, cau tàm hìu ồng pas rê yal, 2 nă bol khi neh nggui chơ\t bal hờ đang bồ bơnơm tềng đăp hìu.

Tus tu\ do, ồng hìu pas gơjra` ndang mờ sơnđàc kòn ndang, nùs nhơm ồng gơlơh bè cau tam truh sơngơr, ntoăt hào guh bơnơm, sền nền muh măt kòn ùr bal mờ Xà Nông nggui chơ\t bal, mờ 2 nă bol khi ndrờm lu\t nao tê lơm. Go\ bơr bol khi geh mhàm, ồng hìu pas tă bơh tàm bơr 2 nă boh khi ndrờm geh nao tê lơm. Tàm tu\ gam ngòt rơngơ\t mờ ờ g^t lơh bè lơi, ồng hìu pas nggà dờng ngan: uih, kòn ùr a` mờ Xà Nông neh chơ\t. Tu\ kơno ồng hìu pas đơs bè hơ\, ală cau ndrờm gơlơh nùs nhơm ngòt rơngơ\t lơm. Bơh tu\ hơ\, ùr ơruh, klao pơnu kòn cau Vân Kiều tus sơnam kờ` jòi bao pal òt sề, tài di lah lời, ngòt bol khi kăp chơ\t bal. Mờ kung bơh tu\ hơ\, rơgồng hờ đang bơnơm mờ 2 nă ùr ơruh, klao pơnu neh chơ\t bal geh sơnđan tơn là rơgồng A Mang, mờ croh dà tềng jơng bơnơm geh sơnđan là croh dà Xà Nông./.