VOV4.K’ho - Bi K’ Giang, Bí thư Đoàn xã Mỹ Đức, kơnhoàl Dà Teh,  càr Lâm Đồng la dùl na\ cau kuang gam kơnòm sa\ cau Mạ bềng bơta jơh nùs. Bi geh làng bol kờ` gơboh bè sềm bơrling àng bơh brê bơnơm đah jum Tây Nguyên, cèng jơh bơta chờ tus ala\ [òn làng mờ tơl cau in, mờ ala\ broa\ lơh nhap nhar ngan mờ broa\ lơh dong kờl  kơnòm dềt làng bol kòncau brồ guh bơsram jak.

            Bi K’ Giang boh bơr, tơnơ\ jơh bơsram khoa Luật, Đại học Dà Làc, mơya bi geh kờ` rê lơh broa\ hờ [òn tờm. Tàm xã Mỹ Đức, đoàn viên tàm hơ\ geh 124 na\ cau,  tàm cau hơ\ cau kòn cau den la 34 na\. Chờ tài đoàn viên gal, mơya gam geh bơta ờ suk sùm la gal ngan ala\ đoàn viên ờ gam lòt bơsram mờ pal lòt lơh broa\ suơn mìr, tam zơu ròng tu dong kờl hìu nha\ den tàng geh ala\ bùi pơrjum  chi đoàn  tàm ala\ thôn, [òn, đoàn viên ờ tòm ua\ ngan, tus  rlau mơ gùl.

             Bè hơ\,  rlau dùl nam do, K’ Giang neh sơnơng mờ lơh broa\ lơi tềng đap bơta do? Ho jơnau lùp a` dê K’ Giang boh bơr:

-A` lơh ngan đơs dà Yoan bè cau Yoan tu\ geh tam tìp mờ ala\ đoàn viên mờ tu\ geh yal ala\ nghị quyết tàm ala\ dơ\ pơrjum nàng ala\ bơyô bươn ngan iat, bươn wa\. Broa\ do tô lah bươn, mơya a` pal lơh ngan  yua gơ.

            Jat hơ\,  K’ Giang crơng gơs broa lơh dong  kơnòm bơsram la cau Mạ tàm broa\ bơsram mờ tàp ơnà sa\,  dùl broa\ lơh pa tàm  kơnhoàl Dà Teh.

            Mut  lơh broa\ lơh, K’ Giang neh tus tơl hìu lam sôr hìu nha\ ba` lời oh kòn sơbì bơsram.  Bơta bươn bi dê la geh đơs dà đơs kòn cau he,  làng bol bươn iat, bươn wa\. Cồng nha la 2 nam do,  Mỹ Đức ờ geh kơnòm dềt lơi sang bơsram.

            K’ Giang tìp ala\ cau pơgru, rơndap ai dùl poh dùl dơ\ tàm trồ mang ngai dơ\ prao nàng ai sền wơl bài bơsram ala\ oh in. Broa\ lơh do geh  mè bèp kơnòm bơsram kờ` ngan.

            Mìng is K’ Giang, dùl poh den 3 bùi trồ mang tus ala\ hìu nha\ boh bơr mờ ala\ oh bè ala\ bơta tàm broa\ bơsram,  yal jơnau bơhìan kòn cau Việt Nam,  jơnau rài dà lơgar gỉt nđờ rbô nam, ala\ jơi bơtìan kòn cau neh tam klac bè lơi nàng sền gàr mờ bơt bơtàu dà lơgar, tàm hơ\ geh cau Mạ, cau K’ Ho he dê. Broa\ yal  jơnau bơhìan nàng  geh bơto bơtê nus nhơm kờ` gơboh dà lơgar, kờ` gơboh  [òn lơgar, nùs nhơm pơnỳơ sa\  jơi bơtìan  ai ala\ oh in.

            Sùm 3 nhai, K’ Giang geh  tìp ala\ oh tàm mang dơ\ poh nàng bơyai lơh nhơl ala\ bơta  nhơl bơhìan yau bè glòm mat kup be,  glòm mat ja` sơnggơr, đơs crih tam ya…

             K’ Giang  tus mờ ala\ kơnòm dềt mờ nùs nhơm kờ`  gơboh bơh dùl na\ klau bi tàm hìu nha\. Mờ bơta kờ` gơboh hơ\ neh lơh gơ  kờ` ala\ oh ua\ ngan. Mìng tơnơ\ dùl học kỳ,  rlau jơt na\ oh bơsram yếu neh  gơ guh trung bình hơ\ sồng khá.

             Broa\ lơh bơh ala\ oh gơ ơm tàm broa\ lơh ‘’ Pờ àng bơta kơp kờ` ai kơnòm bơsram tàm tiah làng bol kòn cau’’ bơh kuang àng kơnhoàl Dà Teh lam lơh. K’ Giang la cau bal dang bơh broa\ lơh mờ cau sa\ tờm tus lơh. Bơh bơta pơlam bơh K ‘ Giang, ala oh tàm [òn neh git is tàm broa\ bơsram sra\ tàm  trồ mang, ờ gam  ơm ùr lòt nhơl tai tàm bơdĩh gùng, kềng croh dà bè lài do. Ngai lơi ờ tus, den bi kah, kơp kờ` tus ngai tus hờ Mỹ Đức  tus mờ ala\ kơnòm dềt rềp mêr he dê.

             Mờ broa\ lơh đoàn ơruh pơnu, pah dơ\ pơrjum,  bi sùm geh lơh bal ala\ broa\ lơh mblàng pơlam ala\ gùng dà broa\ lơh bơh Đảng, adat boh lam bơh dà lơgar. Mblàng pơlam broa\ gar brê,  gàr khà dà kloh, sền gàr bơhìan niam chài yau kòn cau dê… Ala\ dơ\ pơrlòng bơh Huyện đoàn bơyai lơh, Đoàn ơruh pơnu xã Mỹ Đức drờm tus bal bè pơrlòng plung,  ntoat,  pơrlòng cau kuang đoàn jak chài…  Đoàn xã Mỹ Đức drờm geh khà jờng.

             Tus tu\ do,  broa\ lơh mờ K’ Giang lơh neh geh ala\ thôn [òn kòn cau tàm kơnhoàl Dà Teh ngui mờ lơh geh cồng nha niam. Ờ gam la broa\ ơruh pơnu, kơnòm pa tào kơnòm dềt ơm ur trồ mang kềng gah gùng ờ kuơ. Ua\ cau neh sa\ tờm is sền bao\, sền sra\, sền ti vi nàng tơnguh git wa\ he dê.

             Ala\ broa\ mờ K’ Giang lơh neh geh kuang atbồ đơng lam kơna\ hờ đang đơs jơnhua ngan. Ồng Nguyễn Dũng- Phó Chủ tịch UBND xã Mỹ Đức đơs: K’ Giang bè cau pơgru jak ngan,  bơto dà Yoan ala\ oh in bơh 8 tus 12 sơnam, gam đơs chài ngan,  tu\ do neh  đơs chài ngan git lơh. Bi gam bơto ala\ oh lơh toán. Bài lơi kan lơh, bi  hòi điện thoại kơnờm mờ pgrru tus. K’ Giang sền broa\ do bè broa\ chờ  he dê.

             Ồng K’ Tỏi kra [òn xã Mỹ Đức, den đơs la,  K’ Giang la cau kuang bơh Bác Hồ. Khai  bal mờ ờ ua\ cau pơgru gam bơto tai  git sra\ bơdĩh mờ tu\ jiơ bơsram đang ơdu\  hờ kơnòm dềt. Khai bal mờ cau kuang  xã bơto bơtê làng bol ba` geh chu  brê lơh mìr, ba` ting mòk  phan brê kuơ. {òn làng  geh iat khai mờ iat cau kuang bloh.

            Tu\ do K’ Giang bal pơ ùr mờ 2 na\ kòn ùr kis bal mờ mè bi. Jơh jiơ lơh broa\, bi bal mơ pơ ùr sơng ka sền gàr rlau 2 lồ điều mờ suơn chi sa plai bơh hìu nha\. Bi kung sùm geh ngui bơta jak chài pa tàm broa\ lơh sa nàng sơng ka sươn chi gơ in geh cồng nha lơh sa niam.

            Nam do,  K’ Giang pa tòm pe jơt sơnơm. Bi neh pơnỳơ sa\ ngan geh mut Đảng bơh nam 2016. Làng bol [òn lơgar pơrya bi bè sềm bơrling àng bơh brê bơnơm đah jum Tây Nguyên, sềm ờ kis is, Mpồl  sềm  dềt ờ gơ ko\ gơ crà  tơnò, mơya sap nrao khi dê sùm niam ngan bơh tàm brê bơnơm dờng kròng, cèng wơl bơta  chờ tus mờ ala\ [òn làng mờ tơl cau in.

          Cau mblàng K’ Brọp