VOV4.K’ho - Tềng đăp mờ ală bơta kal ke bơh kòp Covid-19 tàm càr Dăk Lăk tŭ pơn jăt sùm geh gŏ cau gơtìp kòp tàm ngai, Sở Y tế càr Dăk Lăk neh tơlik rơndăp broă lơh bè broă lơh hìu xét nghiệm nàng sơm kòp Covid-19.

                                                         Càr Dăk Lăk pa ai ngui hìu sơnơm ing sồ 2

Bơdìh mờ broă tơnguh ală hìu sơnơm ntrờn, hìu sơnơm ing, den bơta krơi is tàm rơndăp broă lơh do là càr geh bơyai lơh atbồ mờ sền gàr cau F0 tàm hìu, tam gơl broă lơh jơh ală hìu sơnơm gơs hìu xét nghiệm nàng sơm kòp Covid-19. Jăt mờ hơ̆, geh ngui sơm kòp tàm hìu gơwèt mờ cau kòp Covid-19 ờ geh tơngŏ kòp mờ di pal mờ ală jơnau kờñ bơh Bộ Y tế bè broă sồr sơm kòp hờ bơdìh hìu sơnơm tàm hìu, geh cau lơh sơnơm, gơnoar atbồ ƀòn lơgar gròi sền mờ ai gŏ geh tơl bơta niam. Tàm ngai òr (02/11), càr Dăk Lăk geh gŏ 102 nă cau kòp Covid-19, tàm hơ̆ geh 44 nă cau tàm mpồl bơtiàn, tơnguh khà cau gơtìp kòp Covid-19 gùt càr tus 4 rơbô 396 nă.

Cau mblàng Ndong Brawl