VOV4.K’ho - Chính phủ pa ai ngui Nghị định sồ 99 nam 2018 ai khà dong kờl gơwèt mờ cau geh màng mờ dà lơgar.

Nghị định do geh ai khà dong kờl pah nhai gơwèt mờ cau lơh broă mờ kăc màng lài mờ ngai 01 nhai 01 nam 1945: Đah l^k klàs là 1 tơlăk 693 rơbô priă; đah ờ l^k klàs là 2 tơlăk 874 rơbô priă.

Dong kờl gơwèt mờ cau pròc mhàm bơh 1 nă cau ling chơ\t màng là 1 tơăk 515 rơbô priă. Cau pròc mhàm 2 nă cau ling chơ\t màng là 3 tơlăk 30 rơbô piă; cau pròc mhàm bơh 3 nă cau ling chơ\t màng rơlao hờ đang là 4 tơlăk 545 rơbô priă.

Cau mẹ Việt Nam khin cha jăk chài geh dờp priă dong kờl pah nhai jăt khà priă dong kờl gơwèt mờ cau pròc mhàm cau ling chơ\t màng gam geh dong kờl khà priă dong kờl 1 tơlăk 270 rơbô priă.

Cau ròng siam cau mẹ Việt Nam khin cha jăk chài kis tàm hìu nhă geh dờp priă dong kờl 1 tơlăk 515 rơbô priă. Cau ling khin cha jăk chài, cau jăk chài lơh broă tàm rài tam lơh geh dờp priă dong kờl 1 tơlăk 270 rơbô priă.

Nghị định do kung cih loh ală khà priă dong kờl gơwèt mờ tơl mpồl cau geh dong kờl ndai. Nghị định do geh ngui bơh nhai 8 tus, ơla mờ nghị định lài do jơh tơngai ngui tàm nhai do.

Cau mblàng Ndong Brawl