VOV4.K’ho - Tàm kơnhoàl nhàr lơgar Ngọc Hồi, càr Kon Tum gơ lơh bè cau lơi kung git lơm lo\ Y Hếp, kis tàm [òn Tăng, xã Đăk Xú. Lo\ Y Hếp pơnrơ ngan la cau kòn cau Sêdang trơyang trơ ỳông, ờ ngòt bòl glar mờ kờ` ngan bơsram. Mờ geh pah nam rlau 1 tơmàn pria\ bơh lơh sa suơn sre, lo\ Y Hếp la cau pơnrơ ngan tàm srơh cau lơh broa\ sa, ka\ bro jak ngan bơh càr Kon Tum.

            Rềp kềng gah gùng dờng 40 gùng lòt tus mpồng nhàr lơgar dunia Bờ Y, càr Kon Tum, hìu lo\ Y Hếp bươn ngan jòi, jòi bươn ngan go\. Sền hìu  dờng niam tàm ba\ ù ơnàng nđờ jơt thơt tềng gah gùng mờ tơl jơh, bơh rơndeh deh dờng tus rơndeh pơndiang phan, rơndeh lơ òr, rơndeh rơ mòk drờm tơl nàng drờng tàm broa\ lơh sa suơn sre… êt ngan cau lơi sơnơng geh cau tờm bơh hìu do la dùl hìu nha\ kòn cau Sêdang. Nhap nhar rlau mờ sơnam 53, lo\ Y Hếp yal bè 26 nam bơh ngai tam kơphe sơnrờp tàm ù tiah Đăk Xú:

            Lài do den tam bùm blàng. Tam 2 lồ, 3 lồ hơ\ sồng geh tam tus 10 lồ.  Geh pria\ ờ ua\ bơh tac bùm den a` geh  blơi sơntìl kơphe, mờ ờ tam bùm blàng tam gơs tam kơphe. Bơh sơnrờp tam geh 1 lồ, tơnơ\ 2 lồ, 3 lồ tus 5, 6 lồ. Rhời hơ\ sồng tam ua\ bè tu\ do.

            Đơs bè mhar mờ buơn, mơya tu\ hơ\ òr kờ` tam geh kơphe, lo\ Y Hếp bơyai bal mờ bơklau la ồng A Klok,  lài do la cau  lơh kuang àng,  neh lòt tus tàm ala\ tiah tam ua\ kơphe bơh càr Gia Lai, Daklak nàng bơsram bơta chài tam, sơng ka sền gàr chi tam do.

            Mờ broa\ lơh ai chi tam lơyah ngai ròng chi tam jo\ tơngai, ngui dơ\ tềm pềr mờ cồng nha geh bơh lơh sa geh bơcri tai lơh sa, tus tu\ do, ba\ kưphe mờ lo\ Y Hếp tam neh tus 6 lồ mờ 10 lồ cao su. Mờ jơh ala\ ba\  tam chi drờm gam tàm tơngai tơnhàu, kờp bal pah nam hìu nha\ drờm geh rlau 1 tơmàn pria\. Hơ\ la ờ hềt kờp tus geh bơh tơnau ka mờ ròng phan ròng dờng, iar ơda.

            Bơta kuơ màng ngan  la  ờ mìng lơh pas tus sa\ tờm mờ hìu nha\, lo\ Y Hếp gam ai geh broa\ lơh sùm tus 4 na\ cau lơh broa\ rbah tàm [òn, drơng  jơh broa\ ơm kis, sào sa, blơi ào mpha, sơm kòp tu\ gơbàn kòp, ai geh broa\ lơh ing tus ua\ ngan cau lơh broa\ mờ pria\ ơpah di 6  tơlak pria\ tàm dùl nhai:

            Làng bol tàm [òn cau lơi rbah lo\ hòi lòt lơh broa\. Khi lơh tu\ do neh gơ guh rlau mờ lài. Khi rbah kờ` lơh den geh đơs mờ khi la tam kơphe. Ờ  geh pria\ den càn mờ hìu nha\ tàm dùl nam  geh pria\ tơm wơl.

            Bal mờ lơh broa\ sa jak, la dùl tàm êt cau ngan tàm kơnhòal tiah nhàr lơgar Ngọc Hồi, càr Kon Tum geh pria\ rlau  dùl tơmàn pah nam bơh lơh sa suơn sre, lo\ Y Hếp gam nhap nhar tus bal broa\ lơh mpồl bơtìan tàm [òn lơgar. Bè broa\ ai is 3 sào ù gam lơh sa làng bol [òn Xuân Tân in lơh hìu mờ lơh gùng lòt tàm dơlam [òn, sùm  dong kờl ala\ hìu nha\ rbah geh cau gơbàn kòp tê jê sa\, hala gơ tìp  rềs àr hala ờ tơl sa tàm ala\ nhai puh pah. Mờ ala\ cồng nha lơh geh tàm broa\ lơh broa\ sa,  pa do, lo\ Y Hếp chờ ngan geh  Hội nông dân dà lơgar Việt Nam jàu Bằng khen tài geh cồng nha jak ngan tàm srơh cau lơh broa\ sa pơr lòng lơh broa\ sa, ka\ bro jak gùt lơgar tơngai bơh nam 2012-2017.

                                       Cau mờ yal tơnggit K’ Brọp