VOV4.K’ho - Tàm ală nam do, broă “Lam sồr, dong kờl cau ùr tơnguh bơtàu lơh sa, tơmù rơ[ah kơl jăp” geh ală cấp mpồl cau ùr tàm càr Kon Tum lơh jăt bal uă mờ cèng wơl geh cồng nha mùl màl. Tàm xã Đăk Mar, kơnhoàl Đăk Hà, kơnờm mờ uă bơta lơh sa, oh mi cau ùr kis tàm [òn tàm do neh tơnguh nùs nhơm tam klăc, dong kờl bal tơnguh bơtàu lơh sa hìu nhă, tơnguh rài kis klàs mờ rơ[ah kơl jăp.

Crơng gơs mờ mùl màl lơh broă bơh nam 2011, Mpồl “Bàr g^t, 2 dong kờl” bơh oh mi cau ùr kis tàm [òn 4, xã Đăk Mar, kơnhoàl Đăk Hà sùm tơnguh bơtàu mờ ngai sơlơ geh uă oh mi tus bal. Tus tu\ do, mpồl do neh geh 70 nă cau tus bal mờ geh cồng nha mùl màl, hơ\ là dong kờl ală cau tàm mpồl geh rài kis lơh sa hìu nhă gơbàn kal ke ndrờm klàs mờ rơ[ah kơl jăp.

Lo\ Nguyễn Thị Thanh Quê, atbồ mpồl pà g^t: “ 2 g^t” là ală hìu nhă oh mi cau ùr kal ke kờ` geh priă bơcri tơnguh bơtàu lơh sa, g^t rài kis mờ broă kờ` geh kờ` ai tơl bơta niam oh mi in càn priă. Gam “2 dong kờl” là bơdìh mờ broă dong kờl priă càn, gam dong kờl jơnau g^t wă, broă mờng chài tàm broă lơh sa:

-Bơh ngai crơng gơs tus tu\ do, oh mi cau ùr chờ hờp ngan, lơh ngan pơgồp bal priă kờ` ai oh mi cau ùr pơn jăt tai sơlèt mờ kal ke. Lơh geh uă broă pal đơs là oh mi cau ùr ưn ngài ngan. Ròng sur, ròng be, ròng kơnrồ, hơ\ sồng tam kơphe, tam tai tiêu, oh mi cau ùr tơnguh bơtàu tai hơ\ sồng broă lơh sa sơlơ ngai sơlơ pràn.

Ngai pa crơng gơs mpồl “Bàr g^t, 2 dong kờl”, pah nhai oh mi cau ùr tàm mpồl tă 50 rơbô priă kờ` geh broă dong kờl bal tơnguh bơtàu lơh sa. Go\ broă lơh do geh cồng nha, bơh nam 2015, oh mi cau ùr ring bal tơnguh khà priă tă tus 200 rơbô priă tàm 1 nhai. Bơh khà priă tă pah nhai, Mpồl atbồ neh dong kờl rơlao 100 dơ\ ală cau tàm mpồl in tơnguh bơtàu lơh sa.

Kơnờm mờ broă dong kờl priă mờ geh tam pà bal broă mờng chài lơh sa, tus tu\ do, 70 nă cau tàm mpồl ờ geh hìu nhă lơi gam gơwèt hìu rơ[ah, kờp jơh khà priă mờ ală oh mi cau ùr tă pơgồp kung neh tus mờr 1 tơmàn priă. Klàs mờ rơ[ah bơh broă tus bal mờ mpồl “Bàr g^t, 2 dong kờl”, lo\ Nguyễn Thị Hoà yal:

-Lài do hìu nhă a` kung kal ke tài ròng 2 nă kòn lòt bơsram đại học. Mờ bơsram hờ [òn dờng lơm den tàng priă lòt rê mờ rơndeh ngai satềp, ngai chờ kas ngan. Hìu nhă a` kal ke, uă tu\ pal lòt lơh broă ơpah kờ` geh priă ròng kòn lòt bơsram. Mơya bơh broă mpồl 2 g^t 2 dong kờl oh mi cau ùr tă pơgồp bal, a` càn 2 nhai 28 tơlăk priă, hìu nhă a` blơi 5 nơm kơnrồ. Nam lài tăc 2 nơm kơnrồ kòn, hơ\ sồng nam lài mờ hơ\ kung tăc sơl. Kơnrồ deh den tăc tai. Kơnờm mờ priă hơ\ den tàng broă lơh sa gơguh đao.

Mờ nùs nhơm dong kờl bal kờ` tơnguh bơtàu lơh sa hìu nhă, tàm ală nam do mờr 1 rơbô nă oh mi cau ùr tàm xã Đăk Mar, kơnhoàl Đăk Hà neh geh uă broă lơh geh cồng nha uă, geh pơnrơ ngan bè broă lơh “Yang phe tềm pềr”, “Ròng sur ù”, tềm pềr bơh Ngân hàng bơh mpồl cau ùr…

Mìng tàm 2, 3 nam, bơh 8 broă lơh mpồl tềm pềrneh geh rơlao 600 dơ\ cau tàm mpồl tàm xã geh càn priă tơnguh bơtàu lơh sa. G^t nđờ 10 hìu cau ùr ờ mìng klàs mờ rơ[ah mờ gam lơh ngan lơh pas. Broă ală mpồl cau ùr tàm xã Đăk Mar, kơnhoàl Đăk Hà crơng gơs geh mpồl tềm pềr, geh dong kờl oh mi cau ùr geh priă tơnguh bơtàu lơh sa mờ tơn jơh broă ai càn priă hờ bơdìh sa priă cồng uă tàm [òn. Lo\ Nguyễn Thị Nhung, atbồ mpồl cau ùr [òn 4 pà g^t:

-Lài do, oh mi cau ùr ờ geh priă mờ oh mi cau ùr tềm pềr bè do là kung kal ke ngan sơl. Lòt càn priă hờ bơdìh 1 tơlăk priă 1 ngai sa priă cồng 5 rơbô priă, 3 rơbô ha là càn tàm 1 nhai 30 rơbô, 60 rơbô den tàng broă lơh sa neh kal ke sơlơ kal ke tai. Bơh tu\ geh crơng gơs mpồl lơh broă do, rài kis oh mi cau ùr gơmù kal ke rơlao, hìu rơ[ah ờ gam tai.

Cồng nha bơh ală broă lơh tềm pềr tàm ală mpồl cau ùr tàm xã Đăk Mar, dong kờl oh mi cau ùr tàm do pin dờn rơlao tàm să tòm. Go\ loh mùl màl là oh mi cau ùr neh tus bal mờ ală ơdu\ bơsram broă lơh, tam gơl broă lơh sa, tìp bal, cri bơyai broă mờng chài tàm broă ròng phan, tam phan. Kơnờm mờ hơ\, uă hìu nhă cau tàm mpồl neh geh g^t nđờ rơhiàng tơlăk priă pah nam.

Lo\ Mai Thị Lý, kuag atbồ mpồl tam klăc cau ùr xã Đăk Mar đơs là, do là bơta pràn ai oh mi ca ùr tàm xã in geh uă broă lơh, tơnguh rơlao tai nùs nhơm tam klăc, dong kờl bal tơnguh bơtàu lơh sa hìu nhă, tơnguh rài kis, klàs mờ rơ[ah kơl jăp:

-Gơwèt mờ ph ki tàm [òn cau yoan kờ` tơnguh bơtàu lơh sa hìu nhă ală oh mi cau ùr ndrờm dong kờl mờ priă là tòm ngan. Bơ\t bơtàu kes priă dong kờl bal. Gơwèt mờ mpồl 3 [òn làng bol kòn cau, khà priă gam ờ uă rơlao den dong kờl bal mờ broă dong kờl ngai lơh broă. Hơ\ là nhai do mờ geh 1 hìu nhă kal ke, kờ` geh priă là dong kờl ngai lơh broă den oh mi cau ùr tus pơrjum bal sồr cau, bè ngai do hìu nhă do kờ` geh 10 ngai lơh broă den ală oh mi cau ùr ai 10 ngai lơh broă, ai tàm ală mpồl ha là 1 mpồl lơi tus dong kờl.

Geh lơh uă mờp cèng geh cồng nha mùl màl, bơh broă “Lam sồr, dong kờl cau ùr tơnguh bơtàu lơh sa, tơmù rơ[ah kơl jăp”, gơnoar bơh mpồl cau ùr gơwèt mờ cau ùr tàm [òn càr Kon Tum dê sơlơ ngai sơlơ geh tơnguh mờ chồl pràn ală broă lơh ndai tàm mpồl. bơdìh mờ hơ\, kung bơh broă lơh do, gơnoar, bơngă cau ùr tàm broă tơnguh bơtàu lơh sa, bơ\t bơtàu hìu nhă gơboh gơbài sơlơ ngai sơlơ geh tơngo\ loh. Bơta do, dong kờl oh mi cau ùr geh tai nùs nhơm pin dờn tàm să tòm mờ là bơta pràn kờ` tus bal bơsram, lơh broă, bơceh pa.

Cau mblàng Ndong Brawl